Хъазиты Мелитон

Хъазиты Мелитон: аивадон уацмыс цардæй хъуамæ дард ма уа

8
(ранӕуӕггонд 15:17 26.03.2021)
Ирыстоны фысджыты æмсæрдар Хъазиты Мелитон радио Sputnik эфиры радзырдта йе 'сфæлдыстад æмæ фыссæджы профессийы тыххӕй
Хъазиты Мелитон: аивад у стыр æмæ йæм хъæуы хъус дарын

Хъазиты Мелитон ирон литературæйы фæзынд, 1971 азы йæ фыццаг чиныг "Зæлы зарæг" куы рацыд мыхуыры, уæд. Йæ ныхæстæм гæсгæ, уæды рæстæджы фыссæгæн уыд стыр кад, фæлæ "равзæрстон ацы професси, мæ зæрдæмæ кæй цыд фыссын, уый тыххæй".

"Афтæ куы зæгъæм, уæд мын мæ чингуытæй иу дæр æнцон фыссæн нæ уыд, уымæн æмæ фыссæг чиныг йæхицæн нæ фæфыссы, фæлæ адæмы хъуамæ хъæуа", - загъта Мелитон Резойы фырт.

Авторы хъуыдымæ гæсгæ, иуæй иу фысджытæ фыссынц, цæмæй искæй бафхæрой, фæлæ уый аивад нæу. Уацмыс фысгæйæ развæлгъау кæд автор зоны йæ хъайтары хъысмæт, уæддæр дзы, Хъазиты Мелитоны ныхæстæм гæсгæ, фысгæ-фыссын бирæ цыдæртæ фæивы.

"Фæлгондз аразгæйæ адæймагмæ афтæ кæсы, зæгъгæ, мæнæ уый æвæрццаг хъайтар у æмæ дзы алцыдæр хъуамæ уа хорз, фæлæ йæ хаттæй-хатт цард ахæм уавæрты бакæны æмæ рæдыд æруадзы", - банысан кодта фыссæг.

Хъазиты Мелитон ма куыд бафиппайдта, афтæмæй бирæ автортæ куы фæфыссынц уацмыс, уæд æппæрццаг хъайтарæн раттынц цыдæр æвзæр ном, фæлæ уацмыс цардæй хъуамæ дард ма уа - фыссæджы хъуыдымæ гæсгæ, адæймаг номæй нæу, фæлæ удыхъæдæй.

8
Темӕтӕ:
Радио иронау (147)
Зассеты Мераб

Зассеты Мераб: Хуссар Иры музейы æрмæг бæлвырд кæны ирон адæмы рагон истори

6
(ранӕуӕггонд 12:38 02.04.2021)
Национ музейы сæргълæууæг Зассеты Мераб радио Sputnik Хуссар Ирыстоны эфиры радзырдта йæ дæлбар культурон уагдоны куысты тыххæй
Зассеты Мераб: нæ музейы цы æрмæг ис, уый бæлвырд кæны нæ рагон истори

Дунейы цы фæнды бæстæйы музейæн дæр ис стыр нысаниуæг, уымæн æмæ уым æвдыст æрцæуы бæстæйы истори, банысан кодта Зассеты Мераб. Йæ ныхæстæм гæсгæ, Хуссар ирыстоны Национ музейы цы æрмæг ис, уый та бæлвырд кæны ирон адæмы рагон истори.

"Мах цы историмæ барстам нæхи, уый уыд тынг къуындæг, уымæн æмæ нæ историйæ мах зыдтам, 18 æнусы кæмдæр хæхты кæй разындыстæм. Уæдмæ нын цы истори уыд, уый бæрæг нæ уыд", - загъта Мераб.

Зассеты Мераб куыд банысан кодта, уымæ гæсгæ стыр бузныджы аккаг сты уыцы ахуыргæндтæ, кæцытæ сæ цард снывонд кодтой нæ рагон истори сбæлвырд кæнынæн.

"Уый æрмæст мах истори нæ уыд, фæлæ индоевропæйаг культурæимæ цы адæмтæ сты баст, æппæт уыдоны. Мах уыцы адæмæн уыдыстæм сæ астæуыстæг", - бафиппайдта музейы сæргълæууæг.

6
Темӕтӕ:
Радио иронау (147)
Джусойты Сослан

Джусойты Сослан: Къостайы "Додой" у Иры адæмы сомбон фæхуыздæр кæныны инструкци

6
(ранӕуӕггонд 12:59 02.04.2021)
Ирон литературæйы табугæнæг Джусойты Сослан радио Sputnik Хуссар Ирыстоны эфиры радзырдта Къостайы æмдзæвгæ "Додой"-ы нысаниуæджы тыххæй
Джусойты Сослан: Къостайы æмдзæвгæ "Додой" у баст Ирыстоны сомбоныл

Ирон гениалон поэт Хетæгкаты Къостайæн скъолайы программæмæ бирæ æмдзæвгæтæ ис хаст, уыдон нымæцы "Додой" дæр. Иуæй-иу чиныгкæсджытæ не сты разы, ацы æмдзæвгæ кæй ис скъолайы программæйы, уыйимæ. Джусойты Сосланы хъуыдымæ гæсгæ, æмдзæвгæ "Додой" хъуамæ уа скъолайы программæйы, фæлæ йæ сывæллæттæн хъæуы раст амонын.

"Æмдзæвгæ "Додой" у сидт, Къоста фыссы цы зын уавæры сты ирон адæм, стæй уæд зæгъы, цæмæй исчи арфæйы ныхас ракæна, цæмæй æрбамбырд уæм. Сæйрагдæр та йæ пафос ис "фезмæлæт исчи лæгауы", - загъта уый.

Сосланы хъуыдымæ гæсгæ, советон дуджы ацы æмдзæвгæйы федтой революцион змæлды миниуджытæ æмæ йæ уымæн рахастой рæгъмæ.

"Иу фиппаинаг ма мæм ис. Коцойты Арсен йæ мысинæгты фыста, зæгъгæ, 1898 азы Дзуджыхъæуы хъуамæ уыдаид ахуыргæнджыты æмбырд æмæ айхъуыст, Къоста дæр дзы кæй уыдзæн, уый. Арсен фыста, уыцы æмбырды "Додой" кæй азарыд Æмбалты Цоцко. Уый фæстæ раныхас кодта Къоста æмæ йæ сидт уыд иудзинадмæ, ома æрбаиу уæм æмæ нæ царды уавæртæ фæхуыздæр уой", - банысан кодта литературæйы табугæнæг.

Джусойты Сослан ма куыд бахахх кодта, уымæ гæсгæ, "Додой" у гениалон æмдзæвгæ æмæ дзы ис ирон адæмæн сæ сомбоны цардуавæр фæхуыздæр кæныны инструкци.

6
Темӕтӕ:
Радио иронау (147)
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1