Берозты Таму

Берозты Таму: алы ныййарæгмæ дæр афтæ кæсы, йæ хъæбул Моцарт кæй у

5
(ранӕуӕггонд 14:49 29.03.2021)
Музыкант, зарæггæнæг Берозты Таму радио Sputnik Хуссар Ирыстоны йæ интервьюйы радзырдта, музыкæимæ йæ цард куыд æмæ кæд сбаста, уый тыххæй
Берозты Таймураз: алы ныййаргмæ дæр афтæ кæсы йæ хъæбыл Моцарт у

Берозты Тамуйы Ирыстоны базыдтой, ансамбль "Къона"-йы куы райдыдта архайын, уæд. Фæлæ лæппу йæ цард музыкæимæ раздæр сбаста. Тамуйы ныхæстæм гæсгæ, йæ музыкалон курдиат куы рабæрæг, уæд фæлвæрдта музыкалон пьесæтæ фыссын дæр.

"Æз сæ пьесæтæ хуыдтон, уыдысты хуымæтæг, фæлæ мæхиуæттæм афтæ каст æмæ шедевртæ сты æмæ мæ композитортыл æрзилын кодтой", - загъта Таму.

Музыкант куыд банысан кодта, афтæмæй уый фыццаг бацыд фортепианойы кружокмæ, фæлæ йын цыдæр æмгъуыды фæстæ ахуыргæнæг бауынаффæ кодта, цæмæй музыкалон скъоламæ бацæуа.

"Музыкалон скъолайы фыццаг хатт федтон дала-фæндыр. Уый размæ-иу, Къостайы æмдзæвгæты чиныджы цы фæндыры ныв ис, уымæ куы кастæн, уæд хъуыды кодтой, зæгъгæ, ай цавæр фæндыр у æмæ æнхъæлдтон, Къоста кæй фæрæдыд", - бафиппайдта Таму.

Берозты Таму радзырдта, музыкалон скъолайы ахуыргæнгæйæ дала-фæндырыл цыбыр рæстæг кæй ацагъта, фæлæ йын нæ бамбæрста йæ нысаниуæг. Музыканты ныхæстæм гæсгæ, адæмон музыкæмæ йæ фæндаг цыд классикон æмæ рок-музыкæйы уылты.

5
Темӕтӕ:
Радио иронау (148)
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

2
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

2
Темӕтӕ:
Радио иронау (148)
Зассеты Мераб

Зассеты Мераб: Хуссар Иры музейы æрмæг бæлвырд кæны ирон адæмы рагон истори

6
(ранӕуӕггонд 12:38 02.04.2021)
Национ музейы сæргълæууæг Зассеты Мераб радио Sputnik Хуссар Ирыстоны эфиры радзырдта йæ дæлбар культурон уагдоны куысты тыххæй
Зассеты Мераб: нæ музейы цы æрмæг ис, уый бæлвырд кæны нæ рагон истори

Дунейы цы фæнды бæстæйы музейæн дæр ис стыр нысаниуæг, уымæн æмæ уым æвдыст æрцæуы бæстæйы истори, банысан кодта Зассеты Мераб. Йæ ныхæстæм гæсгæ, Хуссар ирыстоны Национ музейы цы æрмæг ис, уый та бæлвырд кæны ирон адæмы рагон истори.

"Мах цы историмæ барстам нæхи, уый уыд тынг къуындæг, уымæн æмæ нæ историйæ мах зыдтам, 18 æнусы кæмдæр хæхты кæй разындыстæм. Уæдмæ нын цы истори уыд, уый бæрæг нæ уыд", - загъта Мераб.

Зассеты Мераб куыд банысан кодта, уымæ гæсгæ стыр бузныджы аккаг сты уыцы ахуыргæндтæ, кæцытæ сæ цард снывонд кодтой нæ рагон истори сбæлвырд кæнынæн.

"Уый æрмæст мах истори нæ уыд, фæлæ индоевропæйаг культурæимæ цы адæмтæ сты баст, æппæт уыдоны. Мах уыцы адæмæн уыдыстæм сæ астæуыстæг", - бафиппайдта музейы сæргълæууæг.

6
Темӕтӕ:
Радио иронау (148)