Джусойты Сослан

Джусойты Сослан: советон дуджы дины ныхмæ тохгæнджытæн "Гигойы куадзæн" фæци æвдадзы хосау

6
(ранӕуӕггонд 14:05 31.03.2021)
Ирон литературæйы табугæнæг Джусойты Сослан радио Sputnik Хуссар Ирыстоны эфиры радзырдта Коцойты Арсены радзырд "Гигойы куадзæн"-ы тыххæй
Джусойты Сослан: советон дуджы дины ныхмæ тохгæнджытæн "Гигойы куадзæн" фæци æвдадзы хосау

Коцойты Аресен ирон литературæйы уыд ирд фæзынд, йæ радзырдтæ, сæ нымæцы "Гигойы куадзæн", хаст æрцыдысты скъолайы программамæ. Джусойты Сосланы хъуыдымæ гæсгæ, ацы радзырд афтæ аив фыст у, æмæ советон дуджы дины ныхмæ тохгæнджытæн фæци æвдадзы хосау.

"Хъуыды йæ кæнын æмæ йæ куы кастæн, уæд тынг смæсты дæн. Сауджын æмæ диакъоны ахæм ахорæнтæй сныв кодта Арсен, цымæ карикатурон сауджын у, афтæ", – банысан кодта Сослан.

Йæ ныхæстæм гæсгæ, ацы радзырд чи бакаст, уымæн сауджын æнæуынон суыдзæн, æмæ уыцы фæлгондзæй спайда кодта советон пропагандæ.

"Ацы радзырд нысан кодта, дины кусджытæ иууылдæр сæ гуыбыны фæдыл кæй цæуынц, адæмы знæгтæ кæй сты æмæ дин адæмæн зиан кæй хæссы, уый", - бафиппайдта лæппу.

Сослан ма куыд банысан кодта, уымæ гæсгæ ацы радзырд ахæм курдиатджын фыст у, æмæ рæстæг куыдфæнды ма ива, уæддæр ын алы периоды дæр уыдзæн йæхи контекст.

Лæмбынæгдæр байхъусут аудиоæрмæджы.

6
Темӕтӕ:
Радио иронау (193)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (193)

Дыгъуызты Зӕлинӕ: хъуамæ бамбарæм, ныры дугæн кæй ис æндæр домæнтæ

24
(ранӕуӕггонд 14:58 09.09.2021)
Хуссар Ирыстоны Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik эфиры радзырдта, зонадон фадыг куыд равзæрста, уый тыххæй

Дыгъуызты Зæлинæ куыд радзырдта, уымæ гæсгæ зонадон къабаз куы равзæрста, уæд æй фыццаг цымыдис кодта синтаксис, уымæн æмæ ирон-персайнаг факультеты ахуыргæнгæйæ сбæрæг кодта бирæ æнгæсдзинæдтæ дыууæ æвзаджы æхсæн.

"Куыстæй мæ арвыстой уæлæмхас ахуырмæ Мæскуымæ. Уый æз нымайын стыр хæрзиуæгыл, уымæн æмæ мын уым байгом ис æцæг зонады дуне", - бафиппайдта Дыгъуызон.

Бæстондæрæй - нæ аудиоæрмæджы.

24
Темӕтӕ:
Радио иронау (193)
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10