Берозты Таму

Ирон зарæг куыннæ ива, уæд суыдзæн музейы экспонат Берозты Таму

11
(ранӕуӕггонд 13:37 02.04.2021)
Музыкант Берозты Таму радио Sputnik Хуссар Ирыстоны эфиры радзырдта ирон зарæджы æмæ музыкæйы райрæзты тыххæй
Ирон зарæг куыннæ ива уæд суыдзæн музейы экспонат – Берозты Таму

Адæмон зарджытæ ныры дуджы онг æрхæццæ сты æрмæст зарæггæнджыты уылты нæ, фæлæ ма нæ зындгонд музыканттæ экспедициты цы æрмæджытæ ныффыстой, уый руаджы дæр, ахæм у Берозты Тамуйы хъуыды. Фæлæ уыцы экспедициты фыстгонд зарджытæ адæм æххæст кодтой бирæ верситы, кæцытæй-иу æрмæстдæр иу хуыз æрцыд фыст. Берозты Таму куыд радзырдта, уымæ гæсгæ алы зарæг дæр хъуамæ ива, цæмæй цæра.

"Зарæг гыццыл улæфгæ куыннæ кæна, уый гæнæн нæй. Алы кадæггæнæг æмæ алы амонæг дæр æм йæхи æмбарынад хъуамæ æфтауа", - загъта музыкант.

Берозты Тамуйы хъуыдымæ гæсгæ, мелодимæ дæр æмæ зарæгмæ дæр хъæуы ивындзинæдтæ бахæссын, цæмæй йын дарддæр цард уа æмæ йæ чи зары, уый ма сфæлмæца уыцы иугъуызон зардæй.

"Бирæтæ дзурынц, зæгъгæ, ацы мелодимæ æвналæн нæй, мæнæ йæ кæцыдæр фæндырдзæгъдæг куы ацагъта, афтæ хъуамæ баззайа. Фæлæ афтæ куы уа, уæд сом ирон музыкæ суыдзæн музейы экспонат", - банысан кодта зарæггæнæг.

Уый ма бафтыдта, зæгъгæ, Мæхæмæты зарæг сæдæ азы размæ куыд азарыдысты, афтæ йæ куы зарай ныр дæр, уæд банымæг уыдзæн  ирон зарæг æмæ иумæйагæй музыкæ.

11
Темӕтӕ:
Радио иронау (148)
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

2
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

2
Темӕтӕ:
Радио иронау (148)
Зассеты Мераб

Зассеты Мераб: Хуссар Иры музейы æрмæг бæлвырд кæны ирон адæмы рагон истори

6
(ранӕуӕггонд 12:38 02.04.2021)
Национ музейы сæргълæууæг Зассеты Мераб радио Sputnik Хуссар Ирыстоны эфиры радзырдта йæ дæлбар культурон уагдоны куысты тыххæй
Зассеты Мераб: нæ музейы цы æрмæг ис, уый бæлвырд кæны нæ рагон истори

Дунейы цы фæнды бæстæйы музейæн дæр ис стыр нысаниуæг, уымæн æмæ уым æвдыст æрцæуы бæстæйы истори, банысан кодта Зассеты Мераб. Йæ ныхæстæм гæсгæ, Хуссар ирыстоны Национ музейы цы æрмæг ис, уый та бæлвырд кæны ирон адæмы рагон истори.

"Мах цы историмæ барстам нæхи, уый уыд тынг къуындæг, уымæн æмæ нæ историйæ мах зыдтам, 18 æнусы кæмдæр хæхты кæй разындыстæм. Уæдмæ нын цы истори уыд, уый бæрæг нæ уыд", - загъта Мераб.

Зассеты Мераб куыд банысан кодта, уымæ гæсгæ стыр бузныджы аккаг сты уыцы ахуыргæндтæ, кæцытæ сæ цард снывонд кодтой нæ рагон истори сбæлвырд кæнынæн.

"Уый æрмæст мах истори нæ уыд, фæлæ индоевропæйаг культурæимæ цы адæмтæ сты баст, æппæт уыдоны. Мах уыцы адæмæн уыдыстæм сæ астæуыстæг", - бафиппайдта музейы сæргълæууæг.

6
Темӕтӕ:
Радио иронау (148)