Коста Дзугаев

Дзугаты Къоста: мæ фыд æцæг поэт кæй у, уый бамбæрстон скъоладзауæй

7
(ранӕуӕггонд 15:12 23.04.2021)
Хуссар Ирыстоны сгуыхт зонадон архайæг Дзугаты Къоста радио Sputnik эфиры радзырдта йæ фыд, номдзыд ирон фыссӕг Дзугаты Георгийы сфæлдыстады тыххæй
Дзугаты Къоста: мæ фыд æцæг поэт кæй у, уый бамбæрстон скъоладзауæй

Зындгонд ирон поэт Дзугаты Геогрийы райгуырдыл ацы аз сæххæст уыдаид 110 азы. Номдзыд фыссӕджы тыххӕй йӕ мысинӕгтӕ радзырда йæ фырт Къоста.

"Нæ йын уыд фæлмæн характер. Хатт-иу мæм тызмæгæй дæр сдзырдта, кæм хъæуы, уым мын-иу зонд дæр бацамыдта куыд схъомылгæнæг", - загъта Дзугаты Къоста.

Къоста куыд банысан кодта, уымæ гæсгæ стыр бузныг у йæ фыдæй, цы хъомылдзинад ын радта, уый йын кæй бахууыс ис йæ дарддæры цардвæндагыл.

"Йе 'мдзæвгæтæ йын байдыдтон кæсын 5-6 къласы ахуыргæнгæйæ æмæ йæ уыцы рæстæджы банкъардтон, мæ фыд æцæг поэт кæй у, уый", - банысан кодта уый.

Скъолайы фæстæ Дзугаты Къоста арфдæр байдыдта иртасын йæ фыды сфæлдыстад, уæлдай тынгдæр ыл бандæвтой, Фыдыбæстон хæстыл цы уацмыстæ ныффыста, уыдон.

7
Темӕтӕ:
Радио иронау (155)

Гæбæраты Фатимæ: æвзагæй фыццаг фесæфынц нымæцонтæ æмæ миногонтæ

5
(ранӕуӕггонд 15:22 14.05.2021)
Æрвылаз дæр 15 майы ирон адæм хуссарæй цæгатмæ нысан кæнынц ирон æвзаджы бæрæгбон. Ацы бон снысан кодтой, 1899 азы 15 майы Хетæгкаты Къостайы чиныг "Ирон фæндыр" мыхуыры кæй рацыд, уый тыххæй

Ирон æвзаг æмæ литературæйы ахуыргæнæг Гæбæраты Фатимæйы нæхæстæм гæсгæ, ирон æвзаг хорз уавæры нæй, уымæн æмæ ныййарджытæ сæ сабитæм нал дзурынц мадæлон æвзагыл.

"Ныййарджыты куы бафæрсын, дæ сывæллон йæ мадæлон æвзаг цæуылнæ зоны, зæгъгæ, уæд мын сдзуапп кæнынц, ома мультфильмтæм кæсы æмæ уый тыххæй", - бафиппайдта ахуыргæнæг.

Гæбæраты Фатимæ куыд банысан, кодта уымæ гæсгæ Абайты Уасо дæр бинонты хайбавæрдæн стыр нысаниуæг дæтта æвзаджы райрæзты хъуыддаджы.

5
Темӕтӕ:
Радио иронау (155)
Гæбæраты Фатимæ

Гæбæраты Фатимæ Ирон æвзаджы боны тыххæй: ныййарджытæ сæ сабитæм иронау нал дзурынц

15
(ранӕуӕггонд 15:26 14.05.2021)
Паддзахадон аивæдты лицейы ирон æвзаг æмæ литературæйы ахуыргæнæг Гæбæраты Фатимæ радио Sputnik Хуссар Ирыстоны эфиры радзырдта ирон æвзаджы боны тыххæй
Гæбæраты Фатимæ: ныййарджытæ сæ сывæллæттимæ нал дзурынц иронау

Æрвылаз дæр 15 майы ирон адæм хуссарæй цæгатмæ нысан кæнынц ирон æвзаджы бæрæгбон. Ацы бон снысан кодтой, 1899 азы 15 майы Хетæгкаты Къостайы чиныг "Ирон фæндыр" мыхуыры кæй рацыд, уый тыххæй. Ирон æвзаг æмæ литературæйы ахуыргæнæг Гæбæраты Фатимæйы хъуыдымæ гæсгæ, Къостайы чиныг мыхуыры рацады агъоммæ ирон æхсæнад уыд дихтæ, æмæ сæ "Ирон фæндыр" биау кодта.

"Æхсæнады хъуыдис раздзог æмæ сæм "Ирон фæндыр" куы фæзынд, уæд уый ирон æхсæнадæн уыд куыд раздзог æмæ сæ баиу кодта", - загъта Гæбæраты Фатимæ.

Фатимæйы нæхæстæм гæсгæ, ирон æвзаг хорз уавæры нæй, уымæн æмæ ныййарджытæ сæ сабитæм нал дзурынц мадæлон æвзагыл.

"Ныййарджыты куы бафæрсын, дæ сывæллон йæ мадæлон æвзаг цæуылнæ зоны, зæгъгæ, уæд мын сдзуапп кæнынц, ома мультфильмтæм кæсы æмæ уый тыххæй", - бафиппайдта ахуыргæнæг.

Гæбæраты Фатимæ куыд банысан, кодта уымæ гæсгæ Абайты Уасо дæр бинонты хайбавæрдæн стыр нысаниуæг дæтта æвзаджы райрæзты хъуыддаджы.

Ирон æвзаг хауы индоевропæйаг æвзæгты мыггагмæ æмæ у скифаг, сæрмæттаг æмæ алайнаг æвзæгты фæдон.

15
Темӕтӕ:
Радио иронау (155)
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0