Кокойты Тарзан

Кокойты Тарзан: Зар равдыста, знаг кæй хъавыд ирон адæмы фæсурынмæ нæ, фæлæ ныццæгъдынмæ

15
(ранӕуӕггонд 12:00 19.05.2021)
Мидхъуыддæгты министры хæдивæг, парламенты цалдæр æрсидтыты депутат Кокойты Тарзан радио Sputnik Хуссар Ирыстоны интервьюйы радзырдта Зары трагедийы тыххæй
Кокойты Тарзан Зары трагедийы тыххæй: знаг æрæвнæлдта ирон адæмы ныццæгъдынмæ

Хуссар Ирыстоны историйы 1992 азы 20 май фыст æрцыд тугæйдзаг дамгъæтæй. Уыцы бон Зары фæндагыл гуырдзиаг тугдзыхтæ ныццагътой 33 ироны. Кокойты Тразан куыд загъта, афтæмæй уыцы адæм цагъд æрцыдысты æвирхъау хуызы, æвиппайды хъæдрæбынæй æхсгæйæ.

"Зары трагедийы размæ махмæ æрцыд Ереды трагеди, уый размæ дæр сæ къухты кæм æфтыд ирон адæймаг, фистæгæй æви хæдтулгæйыл, уæддæр сæ мардтой сусæгæй-æргомæй", - радзырдта Тарзан Аршакы фырт.

Уый банысан кодта, зæгъгæ, уыцы рæстæджы рабæрæг, знаг кæй æрæвнæлдта ирон адæмы сурынмæ нæ, фæлæ ныццæгъдынмæ.

"Куы ссыдыстæм Зары къуылдыммæ, уæд ахæм нывтæ федтам, кæцытæ лæг фены æрмæстдæр кинонывты, уый æппæт адæм кæрæдзи уæлæ калдæй, туг лæсæн кодта", - æрымысыд раздæры депутат.

Кокойты Тарзан ма куыд банысан кодта, афтæмæй кæд уыцы бонæй ныр рацыд 29 азы, уæддæр ирон адæмы хъæдгом нырма дæр нæ байгас ис.

15
Темӕтӕ:
Радио иронау (193)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (193)

Дыгъуызты Зӕлинӕ: хъуамæ бамбарæм, ныры дугæн кæй ис æндæр домæнтæ

24
(ранӕуӕггонд 14:58 09.09.2021)
Хуссар Ирыстоны Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik эфиры радзырдта, зонадон фадыг куыд равзæрста, уый тыххæй

Дыгъуызты Зæлинæ куыд радзырдта, уымæ гæсгæ зонадон къабаз куы равзæрста, уæд æй фыццаг цымыдис кодта синтаксис, уымæн æмæ ирон-персайнаг факультеты ахуыргæнгæйæ сбæрæг кодта бирæ æнгæсдзинæдтæ дыууæ æвзаджы æхсæн.

"Куыстæй мæ арвыстой уæлæмхас ахуырмæ Мæскуымæ. Уый æз нымайын стыр хæрзиуæгыл, уымæн æмæ мын уым байгом ис æцæг зонады дуне", - бафиппайдта Дыгъуызон.

Бæстондæрæй - нæ аудиоæрмæджы.

24
Темӕтӕ:
Радио иронау (193)
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10