Козаты Диана

Козаты Диана: Исидоры æмдзæвгæты чиныг мæ уæлыстол ис кæддæриддæр

22
(ранӕуӕггонд 17:54 20.05.2021)
Курдиатджы ирон поэт Козаты Исидоры хъæбулы хъæбул Козаты Диана радио Sputnik Хуссар Ирыстоны эфиры радзырдта йæ дадайы сфæлдыстыды тыххæй
Козаты Диана: Исидоры æмдзæвгæты чиныг мæ уæлыстол ис кæддæриддæр

Дунейы стыр цинау – нæ цин,
Фæлæ йыл ма кæн хахуыр.
Зæххыл куынæ цæрикой Ир,
Уæд дуне уаид къахыр!

Ацы рæнхъытæ сты зындгонд ирон поэт Козаты Исидоры фыст. Ацы аз фыссæгыл сæххæст уыдаид 92 азы. Козаты Диана куыд радзырдта, уымæ гæсгæ Исидор йæ хъæбулы хъæбултæй æрмæст уый æрыййæфта - æгæр раджы ахицæн йæ цардæй.

"Университеты куыд ахуыр кодтон, уæд нын ирон æвзаг æмæ литературæ касти Хъазиты Мелитон. Лекцийыл иухатт бакаст Исидоры зындгонд рæнхъытæ, стæй бафарста студентты, ома исчи зоны, ацы ныхæсты автор чи у, уый. Хъыгагæн сæ ничи зыдта, стæй уæд мæнмæ фæкомкоммæ ис, æмæ мæ бафарста, зæгъгæ йæ ды дæр нæ зоныс? Сдзуапп ын кодтон – Козаты Исидоры ныхæстæ сты", - æрымысыд Диана.

Уый ма куыд радзырдта, уымæ гæсгæ фæлварæнты рæстæджы ма иу хатт Хъазиты Мелитон бахæс кодта, цæмæй исты æмдзæвгæ бакæса.

"Мæ хъуыдымæ æрцыд Исидоры æмдзæвгæ "Цы дæн æнæ дæу?", Ирыстоныл зарыд æдзухдæр мæ фыдæл. Фæстаг рæнхъытыл мæнæн дæр суынгæг мæ зæрдæ æмæ Мелитонæн дæр", - радзырдта чызг.

Диана ма куыд банысан кодта, афтæмæй хæрз чысыл уыд, Исидор куы фæзиан ис, уæд, фæлæ йæм хатгай афтæ фæкæсы, цыма йæ хъуыды кæны.

22
Темӕтӕ:
Радио иронау (175)
Дзиццойты Юрий

Дзиццойты Юрий: ирон æвзагæн йæ уидаг у тынг фидар

5
(ранӕуӕггонд 11:28 15.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууыл
Дзиццойты Юрий: ирон æвзагæн йæ уидаг тынг фидар у

Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.

"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.

Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.

"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.

Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.

Лæмбынæгдæр хъусут нæ аудиоæрмæджы.

5
Темӕтӕ:
Радио иронау (175)
Къуылыхты Анна

Къуылыхты Анна: алӕвӕрд "Аннӕрдыгӕй бакаст"-ы уазджытӕ фыццаг дӕр цымыдис кӕнынц нӕхи

7
(ранӕуӕггонд 15:11 07.06.2021)
Алӕвӕрд «Аннӕрдыгӕй баксаты» Къуылыхты Анна радио Sputnik Хуссар Ирыстоны эфиры радзырдта куыд куысты тыххӕй
Къуылыхты Анна: нӕ алӕвӕрды уазджытӕ фыццаг дӕр цымыдис кӕнынц нӕхи

Хуссар Иры паддзахадон радиостанц Ир-FM амонӕг Къуылыхты Анна куыд радзырдта, уымӕ гӕсгӕ сӕ алӕвӕрд "Аннæрдыгæй бакаст"-мæ цы уазджытӕ ӕрбацӕуынц, уыдон фыццаджыдӕр фæцымыдис кӕнынц сӕхи куыд гоймӕгтӕ, афтӕ. Алӕвӕрды фӕлгӕтты фӕхонынц студимӕ уазджыты ӕмӕ семӕ фæныхас кӕнынц комкоммӕ эфиры.

"Ирон ӕвзагыл эфир уадзыны хъуыды мӕ зӕрдӕмӕ фӕцыд, фӕлӕ йӕ кӕронмӕ не ‘мбӕрстон, куыд уыдзӕн, уый. Нӕ уазджытӕ фыццаг дӕр цымыдис кӕнынц нӕхи ӕмӕ алыхатт дӕр нӕ ныхас рауайы тынг зӕрдӕмӕдзӕугӕ", - радзырдта Анна.

Амонæг радзырдта, зæгъгæ, тынг цымыдисон уыд, алӕвӕрдӕн ном куы ӕвзӕрстой, уыцы хабар. Уый бафиппайдта, студийы уазджытӕм развӕлгъау фарстытӕ кӕй нӕ арвитынц, кӕд ӕмӕ хаттӕй-хатт уыдон фæдомынц уый, уӕддӕр.

7
Темӕтӕ:
Радио иронау (175)
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3