Æлборты Сабина

Æлборты Сабина: актер хъуамæ алы фæлгонцмæ дæр таса

11
(ранӕуӕггонд 15:51 27.05.2021)
ХИПУ актерон факультеты фыццæгæм курсы студенткæ Æлборты Сабина радио Sputnik Хуссар Ирыстоны эфиры радзырдта йæ ахуыры тыххæй
Æлборты Сабинæ: актер хъуамæ алы фæлгонцмæ дæр таса

Хуссар Ирыстоны паддзахадон университеты 2020 азы фæзынд актерон факультет. Фыццæгæм курсы студенткæ Æлборты Сабина куыд радзырдта, уымæ гæсгæ фидӕны артисттӕ тынг бæстонæй æрæвнæлдтой ахуырмæ.

"Махæн амонынц, ома актер хъуамæ алы фæлгондз ахъазнмæ дæр таса. Нæ бон хъуамæ уа хъазын трагеди дæр æмæ комеди дæр, рæсугъд æмæ фыдхуыз, æвæрццаг æмæ æппæрццаг рольты", - загъта Сабина.

Студенткæйы ныхæстæм гæсгæ, уый цæттæ у алыхуызæн рольты йæхи бафæлварынмӕ, цæмæй йæ дæсниад цы амплуайы ирддæр у, уый бамбара.

"Нырма йæ нæ зонын, цы роль мын æнцондæр у ахъазын, раджы у ууыл хъуыды кæнын, фæлæ агурын мæхи амплуа", - бафиппайдта Сабина.

Уый ма банысан кодта, развæлгъау кæй æмбæрста актеры профессийы фыдæбæттæ, фæлæ ма дзы уæддæр кæй разынд æндæр зындзинæдтæ дӕр.

11
Темӕтӕ:
Радио иронау (209)
Дзудцаты Тамерлан

Дзудцаты Тамерлан: Къостайӕн мах нырма аккаг аргъ не скодтам

14
(ранӕуӕггонд 11:48 15.10.2021)
Паддзахадон драмон театры аивадон къухдариуӕггӕнӕг, режиссер Дзудцаты Тамерлан радио Sputnik Хуссар Ирыстоны эфиры радзырдта Хетӕгкаты Къостайы хъӕздыг сфӕлдыстады тыххӕй
Дзудцаты Тамерлан: Къостайӕн нӕма мах аккаг аргъ не скодтам

Хетӕгкаты Къостайыл кӕд бирӕ уацтӕ ӕмӕ публикацитӕ фыст ӕрцыд, уӕддӕр, режиссер Дзудцаты Тамерланы хъуыдымӕ гӕсгӕ, нырма кӕронмӕ иртӕст не ‘рцыд йе 'сфӕлдыстад.

"Мах нырма бирӕ нӕ зонӕм, зӕгъӕм: нӕ зонӕм Къостайы куыд нывгӕнӕг, афтӕ, уымӕн ӕмӕ цы федтам, уыдон лӕмбынӕгӕй нӕ раиртӕстам, цӕмӕй йӕ базонӕм, цыхуызӕн нывгӕнӕг уыд, уый. Мах нӕма Къостайӕн нӕ саргъ кодтам, куыд театралон аивады кусӕгӕн. Къоста йӕхӕд пьесӕ дӕр ныффыста, театры дӕр куыста, декорацитӕ дӕр йӕхӕдӕг ныв кодта, ӕмӕ цӕмӕдӕриддӕр бавнӕлдта, уыдон сты тынг вазыгджын махӕн. Уымӕ гӕсгӕ уыдон хъӕуы зонын ӕмӕ иртасын", - загъта ТДзудцаты амерлан.

Режиссеры ныхӕстӕм гӕсгӕ, Къостайы сфӕлдыстадӕн аккаг аргъ хъӕуы радтын, цӕмӕй йӕ дарддӕры фӕлтӕртӕ дӕр зоной, цы стыр бындур ныууагъта ирон адӕмӕн, уый.

"Ӕрмӕст "Ирон фӕндыр"-ыл нӕ хъӕуы ӕрынцайын, фӕлӕ йӕ ӕргомӕй хъӕуы зӕгъын, уый дӕр нырма кӕронмӕ кӕй нӕ сахуыр кодтам ӕмӕ йӕ кӕронмӕ нӕ пропаганда кӕнӕм", - бахахх кодта уый.

Культурӕйы минӕвар ӕрымысыд, раздӕр интеллигенцийы минӕвӕрттӕ хуымӕтӕг ӕмбырдты рӕстӕджы дӕр кӕй кастысты Къостайы ӕмдзӕвгӕтӕ ӕмӕ архайдтой, цӕмӕй сӕ зонындзинӕдтӕ радӕттой ӕвзонг фӕлтӕртӕн дӕр.

14
Темӕтӕ:
Радио иронау (209)
Хъуылымбегты Мамед

Хъуылымбегты Мамед: спортивон фестиваль "Мирный Кавказ - 2021" ацыд бæрзонд æмвæзадыл

13
(ранӕуӕггонд 14:10 14.10.2021)
Тренер Хъуылымбегты Мамед радио Sputnik Хуссар Ирыстоны эфиры радзырдта Цæгат Ирыстоны ацæугæ ерысты фæстиуджыты тыххæй
Хъуылымбегты Мамед: ерыстæ ацыдысты стыр æмвæзадыл

Цæгат Ирыстоны сæйраг сахар - Дзæуджыхъæуы уагъд æрцыд Æппæтуæрæсейон культурон-спортивон фестиваль "Мирный Кавказ - 2021" æмхæццæ æмтохæдтæй. Хайад дзы райстой хуссарирыстойнаг спортсментæ дæр. Тренер Хъуылымбегты Мамеды ныхæстæм гæсгæ, ерыстæ ацыдысты бæрзонд æмвæзадыл.

"Фестивалы архайджыты нымæц уыд сæдæйы бæрц. Нæ сопртсментæ сæхи тынг хорз равдыстой, кæцыдæртæн дзы иу боны мидæг уыд цыппар тохы æмæ ахæм ерыстæ стæм хатт вæййынц", - загъта Мамед.

Тренер куыд банысан кодта, афтæмæй цхинвайлаг спортсментæн æрхаудтой иууылдæр тыхджын ныхмæлæуджытæ.

"Спортсментæй кæцыдæртæ фыццаг хатт райстой хайад ерысты æмæ дзы фыццаг бынæттæ дæр бацахстой", - бафиппайдта Хъуылымбегты Мамед.

Тренер радзырдта дарддæры нывæзты тыххæй дæр. Турчы уагъд цæудзæн дунейы фыццагад, æмæ командæйы уæнгтæ сæхи цæттæ кæнынц уырдæм.

13
Темӕтӕ:
Радио иронау (209)
Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

0
(ранӕуӕггонд 15:39 19.10.2021)
Уӕлӕмхасӕн 28,3 миллиард сомы ацӕудзысты 3-7 азы кары сывӕллӕттимӕ бинонтӕн ӕххуысӕн, ноджы 5,9 миллиард сомы та рахицӕн кӕндзысты бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты

ЦХИНВАЛ, 19 окт — Sputnik. Уӕрӕсейаг бинонтӕн, кӕцыты хъомыл кӕнынц 3-7 азы кары сывӕллӕтты, рахицӕн кӕндзысты 28 миллиард сомӕй фылдӕр, хъусын кӕны РИА Новости.

Уӕрӕсейаг премьер Михаил Мишустины уынаффӕмӕ гӕсгӕ, дзырд цӕуы ӕрвылмӕйон фиддоныл, кӕцыйы бӕрцуат баст у бинонты астӕуккаг ӕфтиагыл.

Нысангонд ӕрцыд, бюджетӕй 2021 азы ацы мадзалӕн ныридӕгӕн рахицӕн кодтой 276 миллиард сомы. Уӕлӕмхасӕн фӕрӕзтӕ рахицӕн кӕндзысты хицауады фӕстауӕрцон фондӕй.

"Афтӕ ма бафыстой барамынд, цӕмӕй рахицӕн кӕной 5,9 миллиард сомы бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты. Уыдонӕн ма ис бар исын сӕрмагонд ӕрвылмӕйон фиддонтӕ, цалынмӕ сывӕллоныл ӕртӕ азы ма сӕххӕст уа", - дзырдӕуы хъусинаджы.

Хицауады куыд банысан кодтой, афтӕмӕй федералон бюджеты ацы нысӕнттӕн ис 59 миллиард сомӕй фылдӕр. Ныртӕккӕ ахӕм ӕххуыс исынц 620 мин бирӕсывӕллонджын бинонтӕ, уӕлӕмхасӕн фӕрӕзты руаджы та фиддонтӕ исдзысты ноджы 48 мин сывӕллоны ахӕм бинонты.

0