Кокойты Тарзан

Кокойты Тарзан Къæбысты Ацæмæзы тыххæй: йæ хуыз дæр уыд Куырдалæгоны хуызæн

6
(ранӕуӕггонд 14:56 04.06.2021)
Мидхъуыддæгты министры хæдивæг Кокойты Тарзан радио Sputnik Хуссар Ирыстоны эфиры радзырдта Къæбысты Ацæмæзы царды тыххæй
Кокойты Тарзан Къæбысты Ацæмæзы тыххæй: йæ хуыз дæр уыд Куырдалæгоны хуызæн

Хуссар Ирыстоны цардивæн дуджы бирæ æвзонг курдиатджын лæппуты цард аскъуыдысты, уыдонæй сæ иу уыд Къæбысты Ацæмæз. Кокойты Тарзан куыд радзырдта, уымæ гæсгæ Ацæмæз уыд курдиатджын адæймаг.

"Ацæмæз йæ иу бакастæй йæхæдæг уыд аивад, фæлæ цардивæн æмæ сæрсæфæн дуг адæмæн никуы ма æрхаста хорздзинад", - загъта Тарзан.

Кокойты Тарзан æрымысыд Конфуцийы ныхæстæ, зæгъгæ Хуыцау алкæйдæр бахизæд цардивæн дуджы цæрынæй, æмæ ирон адæм, Советон Цæдис куы ныппырх ис, уыцы дуджы бахаудысты йæ гуылфæны. Министры хæдивæджы хъуыдымæ гæсгæ, Ацæмæз дæр уыцы рæстæджы азары басыгъд.

"Ацæмæз райгуырд сфæлдыстыдон бинонты 'хсæн. Йæ фыд Къола уыд Гуырдзыстоны сгуыхт нывгæнæг, йæ мад та Гуырдзыстоны сгуыхт ахуыргæнæг. Гыццылæй фæстæмæ йæ зæрдæмæ айста аивадæн йæ рæсугъд дæр миниуджытæ, æмæ равзæрста аивадон нывкæнынады хуызтæй иууыл зындæр хуызтæй сæ иу – æфсæйнагимæ архайын", - банысан кодта Тарзан.

Къæбысты Ацæмæз каст фæци Мæскуыйы Строгоновы номыл нывгæнæн ахуырадон уагдон, æмæ уый фæстæ ацыд иууыл зындгонддæр куырдон æрмадзтæ кæм сты, уырдæм - Самаркандмæ.

"Куы æрыздæхт йæ райгуырæн бæстæмæ, уæд йын рахицæн кодтой горæты кæрон æппæрст бынат æрмадзæн, мæ нæм бахатыд, цæмæй йæм фæкастаиккам йæ сыгъдæг кæнынмæ. Райдыдта дзы кусын, æмæ куы бакастаис йæ архайдмæ, уæд цыма раст Куырдалæгон куыста йæ æрмадзы, афтæ уыд", - æрымысыд Кокойты Тарзан.

Тарзаны ныхæстæм гæсгæ, Ацæмæз уыд хæларзæрдæ, цæстуарзон, хайджын уыд ирон лæджы уæздан миниуджытæй.

6
Темӕтӕ:
Радио иронау (201)

Джыгкайты Бэлла: аргъæуттæ фыссæг у куыд ахуыргæнæг

12
(ранӕуӕггонд 12:40 25.09.2021)
Аргъæуттæ фыссæг Джыгкайты Бэлла радио Sputnik Хуссар Ирыстоны эфиры радзырдта йе сфæлдыстады тыххæй

Джыгкайты Бэлла радио Sputnik интервьюйы куыд радзырдта, афтӕмӕй фыссын райдыдта, нырма скъолайы куы ахуыр кодта, уæд.

"Сабитæн фыссын зындæр у, аргъæуттæ фыссæг у куыд ахуыргæнæг, афтæ. Сабиты куыннæ уарзай, уæд цыфæнды профессионалæн дæр фæзын уыдзæн фыссын", - загъта Бэлла.

Бæстондæрæй - нæ аудиоæрмæджы.

12
Темӕтӕ:
Радио иронау (201)

Кокойты Тарзан: Саулохты Тамара уыд Ирыстоны тырысайы хуызтæй сæ иу

15
(ранӕуӕггонд 12:32 25.09.2021)
Студентон клуб "Аполлон"-ы ветеран Кокойты Тарзан радио Sputnik Хуссар Ирыстоны эфиры радзырдта, Саулохты Тамара цахӕм удгоймаг уыд, уый тыххӕй

Кокойты Тарзаны ныхæстæм гæсгæ, Саулохты Тамара уыд æххæст Хуыцауæй дæтгæ хæрзиуджытæй. Уый банысан кодта, иууыл рæсугъддæр характерон миниуджытæ кæй ӕртымбыл сты ацы удгоймаджы.

"Тамуся (афтӕ йӕ хуыдтой рӕвдаугӕйӕ йӕ хӕлӕрттӕ) алы адæймагмæ дæр каст, цы уыд уымæй хуыздæр цæстæй, æмæ æз афтæ хъуыды кæнын, уыцы миниуæг у Хуыцауæй лæвæрд хæрзиуæг адæймагæн", - банысан кодта клубы ветеран.

Уый ма схуыдта Саулохты Тамарайы "Ирыстонæн йæ тырысайы хуызтæй сæ иу".

15
Темӕтӕ:
Радио иронау (201)
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

0
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

0