Дзиццойты Юрий

Дзиццойты Юрий: мæ дунеæмбарынады сфæлтæрды хъуыддаджы мын баххуыс сты ирон фысджытæ

14
(ранӕуӕггонд 13:55 04.06.2021)
ХИПУ Ирон æвзаг æмæ иумæйаг æвзагзонынады кафедрæйы гæс Дзиццойты Юрий радио Sputnik Хуссар Ирыстоны эфиры радзырдта йæ цард æмæ профессийы тыххæй
Дзиццойты Юрий: мæ зондахаст æмæ дунеæмбарынады сфæлтæрды хъуыдтаджы мын баххуыс сты нæ фысджытæ

Дзиццойты Юрий æхсæнадæмон зонадон дунейы зындгонд ахуыргонд у. Ацы аз 6 июны нысан кæны йæ юбилей. Юрий Альберты фырт куыд радзырдта, уымæ гæсгæ йæ скъоладзауæй фæндыд фыссæг суæвын, æмдзæвгæтæ фыссын дæр фæлвæрдта.

"Фарастæм къласы куы ахуыр кодтон, уæд нæ фысджыты цæдис бауынаффæ кодта, цæмæй æрыгон æмæ райдайгæ фысджытæн сараза хицæн къорд. Лекцитæ дæр сын уагътой æмæ практикон сахаттæ дæр", - загъта Юрий.

Дзиццойты Юрийы ныхæстæм гæсгæ, уыцы къорды уыдысты, фæстæдæр зынгæ фысджытæ чи ссис, ахæмтæ. Йæхæдæг дæр бахауд уыдон хыгъды.

"Абон дæр бузныг дæн нæ фысджытæй, уыцы хъуыддаг кæй сарæзтой, уый тыххæй, уымæн æмæ мæнæн уыдон тынг баххуыс сты: иуæрдыгæй професси равзарыны хъуыддаджы, иннæрдыгæй мæ зондахаст, мæ дунеæмбарынад цæмæй сфæлтæра, йæ гаччы 'рбада æмæ раст фæндагыл ацæуа, уымæн", - банысан кодта Дзиццойты Юрий.

Ахуыргонд куыд бахахх кодта, уымæ гæсгæ фæстæдæр йæ професси равзæрстыл бандæвта, Абайты Уасойы историон-этимологион дзырдуат кæй балхæдта æмæ йæ бакаст, уый.

Дзиццойты Юрий банысан кодта, зæгъгæ, кæд фыссæг не 'сдæн, уæддæр "зонадоны сфæлдыстадон куыст кæй кæнын, уый руаджы реализаци æрцыд мæ бæллиц".

Бæстондæрæй нæ аудиоæрмæджы.

14
Темӕтӕ:
Радио иронау (175)
Дзиццойты Юрий

Дзиццойты Юрий: ирон æвзагæн йæ уидаг у тынг фидар

5
(ранӕуӕггонд 11:28 15.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууыл
Дзиццойты Юрий: ирон æвзагæн йæ уидаг тынг фидар у

Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.

"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.

Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.

"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.

Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.

Лæмбынæгдæр хъусут нæ аудиоæрмæджы.

5
Темӕтӕ:
Радио иронау (175)
Къуылыхты Анна

Къуылыхты Анна: алӕвӕрд "Аннӕрдыгӕй бакаст"-ы уазджытӕ фыццаг дӕр цымыдис кӕнынц нӕхи

7
(ранӕуӕггонд 15:11 07.06.2021)
Алӕвӕрд «Аннӕрдыгӕй баксаты» Къуылыхты Анна радио Sputnik Хуссар Ирыстоны эфиры радзырдта куыд куысты тыххӕй
Къуылыхты Анна: нӕ алӕвӕрды уазджытӕ фыццаг дӕр цымыдис кӕнынц нӕхи

Хуссар Иры паддзахадон радиостанц Ир-FM амонӕг Къуылыхты Анна куыд радзырдта, уымӕ гӕсгӕ сӕ алӕвӕрд "Аннæрдыгæй бакаст"-мæ цы уазджытӕ ӕрбацӕуынц, уыдон фыццаджыдӕр фæцымыдис кӕнынц сӕхи куыд гоймӕгтӕ, афтӕ. Алӕвӕрды фӕлгӕтты фӕхонынц студимӕ уазджыты ӕмӕ семӕ фæныхас кӕнынц комкоммӕ эфиры.

"Ирон ӕвзагыл эфир уадзыны хъуыды мӕ зӕрдӕмӕ фӕцыд, фӕлӕ йӕ кӕронмӕ не ‘мбӕрстон, куыд уыдзӕн, уый. Нӕ уазджытӕ фыццаг дӕр цымыдис кӕнынц нӕхи ӕмӕ алыхатт дӕр нӕ ныхас рауайы тынг зӕрдӕмӕдзӕугӕ", - радзырдта Анна.

Амонæг радзырдта, зæгъгæ, тынг цымыдисон уыд, алӕвӕрдӕн ном куы ӕвзӕрстой, уыцы хабар. Уый бафиппайдта, студийы уазджытӕм развӕлгъау фарстытӕ кӕй нӕ арвитынц, кӕд ӕмӕ хаттӕй-хатт уыдон фæдомынц уый, уӕддӕр.

7
Темӕтӕ:
Радио иронау (175)
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3