Мæргъиты Ирбег

Æвзонг натуралистты бæрæгбон банысан кодтам экологион акцийæ Мæргъиты Ирбег

9
(ранӕуӕггонд 16:06 15.06.2021)
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзырдта, сӕ бæрæгбонмæ цавӕр акцитæ ауагътой, уыдон тыххæй
Æвзонг натуралистты бонмæ сарæзтам экологион акци – Мæргъиты Ирбег

Æвзонг натуралистты бон ӕрвылаз дæр нысан кæнынц 15 июны. Хуссар Ирыстоны Æвзонг натуралистты станцæйы сæргълæууæг Мæргъиты Ирбег куыд радзырдта, уымæ гæсгæ ацы бонмæ æрвылаз дæр сывæллæтимæ бацæттæ кæнынц мадзæлттæ æмæ равдысттæ. Фæлæ ацы аз станцæмæ цы фæндаг цæуы, уый цалцæгкæнæн куыстытæ бакъуылымпы кодтой саразын ахæм мадзæлттæ.

"Фæлæ ахуыргæнджыты советы ахæм фæндон рахастам, цæмæй нæхæдæг саразæм экологион акци. Уыцы акцийæн бынат равзæрстам Хеуиты хъæу - уым дыууæ суадоны рæзтæ хъуыд ныссыгъдæг кæнын бырæттæй", - загъта Мæргъиты Ирбег.

Станцæйы сæргълæууæг куы банысан кодта, уымæ гæсгæ абон 11 сахатыл ацыдысты натураистты станцæйы минæвæрттæ уыцы дыууæ суадонмæ æмæ сын сæ алфæмблай ныссыгъдæг кодтой.

"Хъыгагæн, не 'мбæстæгтæ аккаг хъусдард нæ дарынц нæ алфæмблай æрдзмæ æмæ уый æвзæн хабар у. Алы адæймаг дæр Ирыстоны хæсджын у, цæмæй кæм бада, цæра æмæ цæуа, уым ма бырон кæна", - бахахх кодта Ирбег.

Уый банысан кодта, æрдзы сыгъдæгдзинадæн кæй ис ахсджиаг нысаниуæг æмæ уыцы хъуыдыйыл хъомыл кæнынц сæ ахуыргæнинæгты дæр.

9
Темӕтӕ:
Радио иронау (209)
Дзудцаты Тамерлан

Дзудцаты Тамерлан: Къостайӕн мах нырма аккаг аргъ не скодтам

16
(ранӕуӕггонд 12:50 20.10.2021)
Паддзахадон драмон театры аивадон къухдариуӕггӕнӕг, режиссер Дзудцаты Тамерлан радио Sputnik Хуссар Ирыстоны эфиры радзырдта Хетӕгкаты Къостайы хъӕздыг сфӕлдыстады тыххӕй
Дзудцаты Тамерлан: Къостайӕн нӕма мах аккаг аргъ не скодтам

Хетӕгкаты Къостайыл кӕд бирӕ уацтӕ ӕмӕ публикацитӕ фыст ӕрцыд, уӕддӕр, режиссер Дзудцаты Тамерланы хъуыдымӕ гӕсгӕ, нырма кӕронмӕ иртӕст не ‘рцыд йе 'сфӕлдыстад.

"Мах нырма бирӕ нӕ зонӕм, зӕгъӕм: нӕ зонӕм Къостайы куыд нывгӕнӕг, афтӕ, уымӕн ӕмӕ цы федтам, уыдон лӕмбынӕгӕй нӕ раиртӕстам, цӕмӕй йӕ базонӕм, цыхуызӕн нывгӕнӕг уыд, уый. Мах нӕма Къостайӕн нӕ саргъ кодтам, куыд театралон аивады кусӕгӕн. Къоста йӕхӕд пьесӕ дӕр ныффыста, театры дӕр куыста, декорацитӕ дӕр йӕхӕдӕг ныв кодта, ӕмӕ цӕмӕдӕриддӕр бавнӕлдта, уыдон сты тынг вазыгджын махӕн. Уымӕ гӕсгӕ уыдон хъӕуы зонын ӕмӕ иртасын", - загъта Дзудцаты Тамерлан.

Режиссеры ныхӕстӕм гӕсгӕ, Къостайы сфӕлдыстадӕн аккаг аргъ хъӕуы радтын, цӕмӕй йӕ дарддӕры фӕлтӕртӕ дӕр зоной, цы стыр бындур ныууагъта ирон адӕмӕн, уый.

"Ӕрмӕст "Ирон фӕндыр"-ыл нӕ хъӕуы ӕрынцайын, фӕлӕ йӕ ӕргомӕй хъӕуы зӕгъын, уый дӕр нырма кӕронмӕ кӕй нӕ сахуыр кодтам ӕмӕ йӕ кӕронмӕ нӕ пропаганда кӕнӕм", - бахахх кодта уый.

Культурӕйы минӕвар ӕрымысыд, раздӕр интеллигенцийы минӕвӕрттӕ хуымӕтӕг ӕмбырдты рӕстӕджы дӕр кӕй кастысты Къостайы ӕмдзӕвгӕтӕ ӕмӕ архайдтой, цӕмӕй сӕ зонындзинӕдтӕ радӕттой ӕвзонг фӕлтӕртӕн дӕр.

16
Темӕтӕ:
Радио иронау (209)
Хъуылымбегты Мамед

Хъуылымбегты Мамед: спортивон фестиваль "Мирный Кавказ - 2021" ацыд бæрзонд æмвæзадыл

13
(ранӕуӕггонд 14:10 14.10.2021)
Тренер Хъуылымбегты Мамед радио Sputnik Хуссар Ирыстоны эфиры радзырдта Цæгат Ирыстоны ацæугæ ерысты фæстиуджыты тыххæй
Хъуылымбегты Мамед: ерыстæ ацыдысты стыр æмвæзадыл

Цæгат Ирыстоны сæйраг сахар - Дзæуджыхъæуы уагъд æрцыд Æппæтуæрæсейон культурон-спортивон фестиваль "Мирный Кавказ - 2021" æмхæццæ æмтохæдтæй. Хайад дзы райстой хуссарирыстойнаг спортсментæ дæр. Тренер Хъуылымбегты Мамеды ныхæстæм гæсгæ, ерыстæ ацыдысты бæрзонд æмвæзадыл.

"Фестивалы архайджыты нымæц уыд сæдæйы бæрц. Нæ сопртсментæ сæхи тынг хорз равдыстой, кæцыдæртæн дзы иу боны мидæг уыд цыппар тохы æмæ ахæм ерыстæ стæм хатт вæййынц", - загъта Мамед.

Тренер куыд банысан кодта, афтæмæй цхинвайлаг спортсментæн æрхаудтой иууылдæр тыхджын ныхмæлæуджытæ.

"Спортсментæй кæцыдæртæ фыццаг хатт райстой хайад ерысты æмæ дзы фыццаг бынæттæ дæр бацахстой", - бафиппайдта Хъуылымбегты Мамед.

Тренер радзырдта дарддæры нывæзты тыххæй дæр. Турчы уагъд цæудзæн дунейы фыццагад, æмæ командæйы уæнгтæ сæхи цæттæ кæнынц уырдæм.

13
Темӕтӕ:
Радио иронау (209)
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

0
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

0