Мæргъиты Ирбег: сывæллæтты ахуыр кæнæм экскурситы цæуын

© Sputnik / Наталья АйриянМæргъиты Ирбег
Мæргъиты Ирбег - Sputnik Хуссар Ирыстон, 1920, 19.06.2021
Рафыссын
Æвзонг натуралистты станцæйы сæргълæууæг Мæргъиты Ирбег радио Sputnik Хуссар Ирыстоны эфиры радзыдта, скъоладзауты экскурситы куыд æмæ кæдæм кæнынц, уый тыххæй
Мæргъиты Ирбег: сывæллæтты экскурситы цæуын ахуыр кæнæм

Æвзонг натуралистты станцæйы ныр цалдæр азы дæргъы уæвы туризмы кружок. Станцæйы сæргълæууæг Мæргъиты Ирбег куыд радзырдта, уымæ гæсгæ ацы кружокы уагъд цæуынц экскурситæ дæр.

"Цалынмæ рæзгæ фæлтæры монон-фæткæвæрдон хъомыладон программæ фæзынд, уæдмæ мах нæ станцы бакодтам дыууæ кружокы туризмы хаххыл", - загъта Мæргъиты Ирбег.

Станцы сæргълæууæджы ныхæстæм гæсгæ, 2017 азы ахуырады министрад бахадыт натуралистты кусджытæм, цæмæй паддзахадон программæйы фæлгæтты бацæттæ кæной проект, кæцы ахъаз уыдзæн рæзгæ фæлтæры размæцыдæн. Уагдоны кусджытæ сраæзтой проект, цы ран скъоладзаутæн уагъд цыд экскурситæ Хуссар Ирыстоны территорийы историон бынæттыл.

"Уыцы проект фæкуыста иу аз æмæ æрдæджы бæрц æмæ сарæзтам 70 экскурси æмæ балцæй фылдæр. Уый фæстæ та йæ дыккаг хат сарæзтам чысыл ивындзинæдтимæ æмæ та уадзæм экскурситæ", - банысан кодта уый.

Мæргъиты Ирбег куыд бафиппайдта, уымæ гæсгæ ног проекты сывæллæтты нымæц фæфылдæр, уымæй дарддæр ма бадзырдтæ сарæзтой æрбахонгæ инструктортæ æмæ экскурсоводтимæ. Ныридæгæн экскурситы хайад райста 300 скъоладзауы.

Ног хабӕртты лентӕ
0