Хаситы Вильгельм

Хаситы Вильгельм: мæ чысылæй фæстæмæ дæн сценæйыл

9
(ранӕуӕггонд 13:26 25.06.2021)
Хуссар Ирыстоны адæмон артист Хаситы Вильгельм радио Sputnik эфиры радзырдта йæ професийы тыххæй
Хаситы Вильгельм: мæ чысылæй фæстæмæ дæн сценæйыл

Хаситы Вильгельмы хорз зонынц æрмæст Хуссар Ирыстоны театруарзджытæ нæ, фæлæ ма Цæгат Ирыстоны сценæмæкæсджытæ дæр. Актер йæхæдæг куыд радзырдта, уымæ гæсгæ фыццаг хатт рахыст сценæмæ 1968 азы, фæлæ йæ ныр дæр хъуыды кæны абонау.

"Театры студи бакодтой æмæ бирæ фæсивæд æрбацыд фæлварæнтæм. Дыууæ турæй хъуамæ уыдаид, фæлæ æгæр бирæ кæй уыдыстæм, уый тыххæй сарæзтой æртæ тур æмæ дзы равзæрстой 15 æвзонг адæймаджы, æз дæр уыдон хыгъды", – æрымысыд адæмон артист.

Йæ ныхæстæм гæсгæ, уыцы студийы сæ ахуыргæнджытæ уыдысты, абон дæр Ирыстоны аивадон дунейы кæмæй аргъуц кæнынц, уыдон: Æлборты Феликс, Гаглойты Хазби, Еналдыты Вахтанг, Зæгъойты Ростик, Хайырты Владимир.

"Бирæтæм куыд кæсы, афтæ æнцон нæу сценæйыл кусын. Спектакль куы æвæрæм, уæд дзы бирæ хъаугъатæ вæййы, фæлæ йæ уæддæр афтæ саразæм, цæмæй нæ куыст адæмы бауырна, науæд кæронмæ нæ цæуы нымады дæ куыст", - бафиппайдта актер.

Хаситы Вильгельм куыд банысан кодта, афтæмæй кæд аивадон бинонты æхсæн схъомыл ис, уæддæр йæ хиуæтты нæ фæндыд, цæмæй уый дæр уыцы професси равзара. Фæлæ, уымæ æнæкæсгæйæ, уæддæр аивады фæстæ ацыд æмæ абон дæр нæ фæсмон кæны уыцы æвзæрстыл.

9
Темӕтӕ:
Радио иронау (186)
Бесаты Дана

Бесаты Дана: ирон зарæг адæймаджы удæн дæтты тых

3
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

3
Темӕтӕ:
Радио иронау (186)
Дана Бесаты

Бесаты Дана: "Монзӕл"-ы репертуары ис ирон композиторты уацмыстӕ ӕмӕ адӕмон мелодитӕ

65
(ранӕуӕггонд 11:08 28.07.2021)
Цӕгат Ирыстоны музыкалон къорд "Монзӕл"-ы уӕнг Бесаты Дана радио Sputnik Хуссар Ирыстоны эфиры радзырдта сӕ ансамбль ӕмӕ репертуары тыххӕй
Бесаты Дана: ирон композиторты уацмыстӕй ӕмӕ адӕмон мелодитӕй дардтӕр ма нын фӕзынд нӕхи композицитӕ дӕр

Музыкалон къорд "Монзӕл" Цӕгат Ирыстоны фӕзынд 2016 азы. Къорды уӕнг Бесаты Дана куыд радзырдта, уымӕ гӕсгӕ хицӕн музыкантты иумӕ ӕрӕмбырд кӕныны фӕнд фыццаг фӕзынд зындгонд ирон режиссер Джусойты Муратмӕ.

"Мурат нӕ алкӕй дӕр хицӕнӕй зыдта ӕмӕ нӕ фӕхуыдта иумӕйаг программӕ саразынмӕ. Афтӕ фӕзынд хъуыды – скӕнӕм къорд, зӕгъгӕ", - загъта Дана.

Музыканты ныхӕстӕм гӕсгӕ, райдианы сӕ къорды уыд иу хайадисӕг, кӕцы ӕрцыд уӕрӕсейаг горӕт Рязанӕй - Ольга Стенина. Уый цалдӕр азы цард Ирыстоны ӕмӕ ирон поэтты ӕмдзӕвгӕтыл фыста зарджытӕ ӕмӕ сӕ зарыд ирон ӕвзагыл.

"Зындгонд кафӕг Кокайты Алан нын 2016 азы фехъуыста нӕ концерт ӕмӕ нӕ ӕрбахуыдта хайад райсын ирон ӕвзаджы бӕрӕгбоны цытӕн мадзалы 15 майы. Уыцы бон ӕнӕхъӕн концерт радтам горӕты парчы ӕмӕ нӕ уый фӕстӕ хонын байдыдтой алыгъуызон мадзӕлттӕм", - банысан кодта Бесаты Дана.

Уый ма куыд бафиппайдта, уымӕ гӕсгӕ кӕд фыццаг сӕ репертуары цагътой ирон композиторты уацмыстӕ ӕмӕ адӕмон мелодитӕ, уӕд сын фӕстӕдӕр фӕзынд сӕхи композицитӕ дӕр.

65
Темӕтӕ:
Радио иронау (186)