Мӕргъиты Ирбег

Мӕргъиты Ирбег: этнографион очерктӕ фыссын райдыдтон студентӕй

12
(ранӕуӕггонд 13:37 25.06.2021)
Этнограф, Зонад-Иртасӕн институты кусӕг Мӕргъиты Ирбег радио Sputnik Хуссар Ирыстоны эфиры радзырдта, йӕ зонадон къахдзӕфтӕ куыд райдыдта, уый тыххӕй
Мӕргъиты Ирбег: студентӕй райдыдтон энографион очерктӕ фыссын

Зонад-Иртасӕн институты кусӕг Мӕргъиты Ирбег куыд радзырдта радио Sputnik эфиры, афтæмæй зонадон куыст райдыдта 2006 азӕй. Уый размӕ ахуыр кодта паддзахадон университеты историон факультеты.

"Универститеты мӕ ахуыры рӕстӕджы нын нӕ лектор Коцты Константин бахӕс кодта, цæмæй кӕй фӕнды уый йӕ мыггаджыы тыххӕй ныффысса. Уыдис мӕм ӕрмӕджытӕ, стӕй ма ӕмбырд дӕр ӕркодтон ӕмӕ йын сӕ равдыстон. Мӕ куыстӕн мын саргъ кодта ӕмӕ мын загъта, цӕмӕй сӕ ныммыхуыр кӕнон", - загъта Ирбег.

Ирбег ма куыд радзырдта, уымӕ гӕсгӕ студентӕй райдыдта мыхуыр кӕнын газет ӕмӕ журналты этнографион очерктӕ. Университеты ахуыры фӕстӕ та йӕ фӕхуыдтон Зонад-Иртасӕн институтмӕ кусынмӕ.

"Мӕ ныфс нӕ хастон зонадон институты кусынмӕ, фӕлӕ мӕ Гаглойты Роберт ӕрцагуырдта ӕмӕ уӕд бацыдтӕн", - радзырдта этнограф.

Мӕргъиты Ирбег куыд банысан кодта, афтæмæй зонадон куыст райдыдта ирон мыггӕгты равзӕрдӕй, фӕлӕ йын фӕстӕдӕр Гаглойты Зинаида бауынаффӕ кодта этнографийы хайады фарстытӕм ӕркӕсын. Уыцы ӕрмӕг ӕвзаргӕйӕ Ирбег фӕкомкоммӕ цыртдзӕвӕнтӕ ӕмӕ хъахъхъӕнӕн арӕзтӕдтӕм ӕмӕ ууыл райдыдта кусын.

12
Темӕтӕ:
Радио иронау (186)
Бесаты Дана

Бесаты Дана: ирон зарæг адæймаджы удæн дæтты тых

3
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

3
Темӕтӕ:
Радио иронау (186)
Дана Бесаты

Бесаты Дана: "Монзӕл"-ы репертуары ис ирон композиторты уацмыстӕ ӕмӕ адӕмон мелодитӕ

65
(ранӕуӕггонд 11:08 28.07.2021)
Цӕгат Ирыстоны музыкалон къорд "Монзӕл"-ы уӕнг Бесаты Дана радио Sputnik Хуссар Ирыстоны эфиры радзырдта сӕ ансамбль ӕмӕ репертуары тыххӕй
Бесаты Дана: ирон композиторты уацмыстӕй ӕмӕ адӕмон мелодитӕй дардтӕр ма нын фӕзынд нӕхи композицитӕ дӕр

Музыкалон къорд "Монзӕл" Цӕгат Ирыстоны фӕзынд 2016 азы. Къорды уӕнг Бесаты Дана куыд радзырдта, уымӕ гӕсгӕ хицӕн музыкантты иумӕ ӕрӕмбырд кӕныны фӕнд фыццаг фӕзынд зындгонд ирон режиссер Джусойты Муратмӕ.

"Мурат нӕ алкӕй дӕр хицӕнӕй зыдта ӕмӕ нӕ фӕхуыдта иумӕйаг программӕ саразынмӕ. Афтӕ фӕзынд хъуыды – скӕнӕм къорд, зӕгъгӕ", - загъта Дана.

Музыканты ныхӕстӕм гӕсгӕ, райдианы сӕ къорды уыд иу хайадисӕг, кӕцы ӕрцыд уӕрӕсейаг горӕт Рязанӕй - Ольга Стенина. Уый цалдӕр азы цард Ирыстоны ӕмӕ ирон поэтты ӕмдзӕвгӕтыл фыста зарджытӕ ӕмӕ сӕ зарыд ирон ӕвзагыл.

"Зындгонд кафӕг Кокайты Алан нын 2016 азы фехъуыста нӕ концерт ӕмӕ нӕ ӕрбахуыдта хайад райсын ирон ӕвзаджы бӕрӕгбоны цытӕн мадзалы 15 майы. Уыцы бон ӕнӕхъӕн концерт радтам горӕты парчы ӕмӕ нӕ уый фӕстӕ хонын байдыдтой алыгъуызон мадзӕлттӕм", - банысан кодта Бесаты Дана.

Уый ма куыд бафиппайдта, уымӕ гӕсгӕ кӕд фыццаг сӕ репертуары цагътой ирон композиторты уацмыстӕ ӕмӕ адӕмон мелодитӕ, уӕд сын фӕстӕдӕр фӕзынд сӕхи композицитӕ дӕр.

65
Темӕтӕ:
Радио иронау (186)