Хаситы Вильгельм куыд банысан кодта, афтæмæй кæд аивадон бинонты æхсæн схъомыл ис, уæддæр йæ хиуæтты нæ фæндыд, цæмæй уый дæр уыцы професси равзара. Фæлæ, уымæ æнæкæсгæйæ, уæддæр аивады фæстæ ацыд æмæ абон дæр нæ фæсмон кæны уыцы æвзæрстыл.
Хаситы Вильгельмы хорз зонынц æрмæст Хуссар Ирыстоны театруарзджытæ нæ, фæлæ ма Цæгат Ирыстоны сценæмæкæсджытæ дæр. Актер йæхæдæг куыд радзырдта, уымæ гæсгæ фыццаг хатт рахыст сценæмæ 1968 азы, фæлæ йæ ныр дæр хъуыды кæны абонау.
