Ӕлборты Аланӕ

Ӕлборты Аланӕ: ӕхсызгон мы уыд, кӕй барухс кодтон мӕ тренертӕ ӕмӕ фарсхӕцджыты зӕрдӕтӕ

167
(ранӕуӕггонд 13:17 20.08.2021)
Европӕйы кубокы уӕлахиздзау Ӕлборты Аланӕ радио Sputnik Хуссар Ирыстоны эфиры радзырдта, куыд ссис сыгъзӕрин майданы хицау
Ӕлборты Аланӕ: ӕхсызгон мы уыд кӕй барухс кодтон мӕ фарсхӕсджыты зӕрдӕтӕ

Хуссарирыстойнаг дзюдаисткӕ Ӕлборты Аланӕ ссис Европӕйы кубокы уӕлахиздзау. Ерыстӕ уагъд цыдысты Италийы. Аланӕ куыд радзырдта, уымӕ гӕсгӕ уӕлдай цин ӕнкъары, йӕ тренер, ныййарджытӕ ӕмӕ йӕ фарсхӕцджыты зӕрдӕтӕ кӕй барухс кодта, уый тыххӕй.

"Мӕ ныхмӕ цы спортменкӕ хӕцыд, уыимӕ хӕцыдтӕн Португалийы. Уым тох кодтам финалмӕ рахизыны сӕраппонд ерысты. Ныр та финалы фембӕлдыстӕм. Тренерты ӕххуысӕй йӕм мӕхи дзӕбӕх бацӕттӕ кодтон ӕмӕ йӕ сыгъдӕгӕй рамбылдтон", - радзырдта Аланӕ.

Спорстменкӕ куы банысан кодта, уымӕ гӕсгӕ тренерты ӕххуыс тынг вазыгджын у ӕмӕ кӕд алыхатт ерысты нӕ вӕййынц йемӕ, уӕддӕр ӕй телефоны руаджы сразӕнгард кӕнынц уӕлахизмӕ.

Дарддӕры нывӕзты тыххӕй ӕвзонг спортсменкӕ загъта, ныр та кӕй цӕттӕ кӕны йӕхи Европӕйы фыццагадмӕ, кӕцы уагъд цӕудзӕн сентябры Люксенбургы.

167
Темӕтӕ:
Радио иронау (201)

Джыгкайты Бэлла: аргъæуттæ фыссæг у куыд ахуыргæнæг

9
(ранӕуӕггонд 12:40 25.09.2021)
Аргъæуттæ фыссæг Джыгкайты Бэлла радио Sputnik Хуссар Ирыстоны эфиры радзырдта йе сфæлдыстады тыххæй

Джыгкайты Бэлла радио Sputnik интервьюйы куыд радзырдта, афтӕмӕй фыссын райдыдта, нырма скъолайы куы ахуыр кодта, уæд.

"Сабитæн фыссын зындæр у, аргъæуттæ фыссæг у куыд ахуыргæнæг, афтæ. Сабиты куыннæ уарзай, уæд цыфæнды профессионалæн дæр фæзын уыдзæн фыссын", - загъта Бэлла.

Бæстондæрæй - нæ аудиоæрмæджы.

9
Темӕтӕ:
Радио иронау (201)

Кокойты Тарзан: Саулохты Тамара уыд Ирыстоны тырысайы хуызтæй сæ иу

13
(ранӕуӕггонд 12:32 25.09.2021)
Студентон клуб "Аполлон"-ы ветеран Кокойты Тарзан радио Sputnik Хуссар Ирыстоны эфиры радзырдта, Саулохты Тамара цахӕм удгоймаг уыд, уый тыххӕй

Кокойты Тарзаны ныхæстæм гæсгæ, Саулохты Тамара уыд æххæст Хуыцауæй дæтгæ хæрзиуджытæй. Уый банысан кодта, иууыл рæсугъддæр характерон миниуджытæ кæй ӕртымбыл сты ацы удгоймаджы.

"Тамуся (афтӕ йӕ хуыдтой рӕвдаугӕйӕ йӕ хӕлӕрттӕ) алы адæймагмæ дæр каст, цы уыд уымæй хуыздæр цæстæй, æмæ æз афтæ хъуыды кæнын, уыцы миниуæг у Хуыцауæй лæвæрд хæрзиуæг адæймагæн", - банысан кодта клубы ветеран.

Уый ма схуыдта Саулохты Тамарайы "Ирыстонæн йæ тырысайы хуызтæй сæ иу".

13
Темӕтӕ:
Радио иронау (201)
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2