Вадим Харебов

Харебаты Вадим: фӕнды нӕ, цӕмӕй та Цхинвалы айзӕла ирон рок

15
(ранӕуӕггонд 15:12 23.08.2021)
Хуссар Ирыстоны адӕмон артист, музыкант, композитор Харебаты Вадим радио Sputnik эфиры радзырдта, рок-фестиваль уагъд цы уавӕрты ӕрцӕудзӕн, уый тыххӕй
Харебаты Вадим: фӕнды нӕ цӕмӕй та ирон рок айзӕла Цхинвалы

Рок-музыкӕйы уарзджытӕ ӕрвылаз дӕр фенхъӕлмӕ кӕсынц ирон рок-фестивальмӕ, кӕцы уагъд цӕуы 2017 азӕй фӕстӕмӕ. Бӕрӕг аххосӕгтӕм гӕсгӕ, 2020 азы нӕ бантыст ауадзын ацы фестиваль. Харебаты Вадим куыд загъта, уымӕ гӕсгӕ ацы аз организатортӕ фӕнд кӕнынц ауадзын радон фестиваль.

"Ацы аз дӕр нӕ коронаирусимӕ сӕвзӕргӕ уавӕр къуылымпы кӕны. Дыууӕ мӕйы размӕ ныхас кодтон президентимӕ, уый дӕр ӕмӕ мӕн дӕр тынг фӕнды, цӕмӕй Ирыстоны ирон рок ногӕй айзӕла, кӕд дзы ма уа карантинон арӕнӕвӕрдтӕ, уӕд", - загъта уый.

Музыканты ныхӕстӕм гӕсгӕ, мадзал хъуамӕ ацыдаид нырма августы, стӕй сентябры кӕрон, кӕронбӕттӕнон датӕ хаст ӕрцыд октябры райдианмӕ.

"Хайадисджытӕ ацы аз фылдӕр сты, уымӕн ӕмӕ айхъуыст, алы аз дӕр кӕй вӕййы ацы фестиваль, ӕмӕ тынг бирӕ коллективты бафӕндыд райсын хайад. Мӕхӕдӕг дӕр сӕ нӕ зонын, чи сты, фӕлӕ мын рарвитынц сӕ портфолио, уымӕ гӕсгӕ сӕ ӕвзарӕм", - банысан кодта Харебаты Вадим.

Уый бафиппайдта, ацы аз ма кӕй у легендарон къорд "Бонвӕроны" юбилей ӕмӕ уый тыххӕй уӕлдай ахсджиаг кӕй у фестиваль ауадзын.

Банысан кӕнын хъӕуы уый, ӕмӕ фыццаг ирон рок-фестиваль уагъд ӕрцыд "Бонвӕроныл" 45 азы сӕххӕсты оххыл ӕмӕ уӕдӕй нырмӕ ссис ӕрвылазон традицион мадзал.

15
Темӕтӕ:
Радио иронау (193)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (193)

Дыгъуызты Зӕлинӕ: хъуамæ бамбарæм, ныры дугæн кæй ис æндæр домæнтæ

24
(ранӕуӕггонд 14:58 09.09.2021)
Хуссар Ирыстоны Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik эфиры радзырдта, зонадон фадыг куыд равзæрста, уый тыххæй

Дыгъуызты Зæлинæ куыд радзырдта, уымæ гæсгæ зонадон къабаз куы равзæрста, уæд æй фыццаг цымыдис кодта синтаксис, уымæн æмæ ирон-персайнаг факультеты ахуыргæнгæйæ сбæрæг кодта бирæ æнгæсдзинæдтæ дыууæ æвзаджы æхсæн.

"Куыстæй мæ арвыстой уæлæмхас ахуырмæ Мæскуымæ. Уый æз нымайын стыр хæрзиуæгыл, уымæн æмæ мын уым байгом ис æцæг зонады дуне", - бафиппайдта Дыгъуызон.

Бæстондæрæй - нæ аудиоæрмæджы.

24
Темӕтӕ:
Радио иронау (193)
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

0
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

0