Мулдарты Гарри

Мулдарты Гарри: абоны онг Хуссар Ирыстонӕн сӕрмагонд картӕ нӕй

34
(ранӕуӕггонд 13:57 25.08.2021)
Парламенты депутат, Хуссар Ирыстон ӕмӕ Гуырдзыстоны ‘хсӕн арӕны делимитанцийы фӕдыл къамисы сӕргълӕууӕг Мулдарты Гарри радио Sputnik эфиры радзырдта къамисы куысты тыххӕй
Мулдарты Гарри: абоны онг Хуссар Ирыстонӕн сӕрмагонд карта нӕй

Хуссар Ирыстон ӕмӕ Гуырдзыйы ӕхсӕн арӕны делимитаци ӕмӕ демаркацийы фӕдыл паддзахадон къамис рахаста сӕ куысты тыххӕй уагӕвӕрд ӕмӕ сбӕлвырд кодта кусӕгон къорд. Йӕ сӕргълӕууӕг Мулдарты Гаррийы ныхӕстӕм гӕсгӕ, уыцы уагӕвӕрдмӕ алчидӕр бахаста йӕ фиппаинӕгтӕ.

"Алчидӕр бахаста сӕ фиппаинӕгтӕ ӕмӕ сӕ рахастам хъӕлӕс кӕнынмӕ. Кӕуыл дзы схъӕлӕс кодтой, уыдон хаст ӕрцыдысты уагӕвӕрдмӕ, арвыстам ӕй президентмӕ дӕр. Ӕнхъӕлмӕ кӕсӕм, цӕмӕй йыл президент ӕрфысса йӕ къух, цӕмӕй къамис йӕ куыстмӕ бӕстондӕрӕй бавнала", - загъта уый.

Депутат куыд радзырдта, уымӕ гӕсгӕ къамис арӕзт ӕрцыд, цӕмӕй Хуссар Ирыстоны паддзахадон картӕ ныв ӕрцӕуа, йӕ арӕнтӕ йын бӕрӕг кӕнынц, 1922 азы цы Декрет хаст ӕрцыд, уымӕ гӕсгӕ.

"Декреты цы арӕнтӕ ӕрцыдысты фыст, уыдон райстам фидӕны картӕйы бындурӕн", - банысан кодта къамисы сӕргълӕууӕг.

Мулдарты Гарри бафиппайдта, абоны онг Гуырдзыстонимӕ паддзахадӕн кӕй нӕй бӕлвырд арӕнтӕ ӕмӕ Хуссар Ирыстонӕн кӕй нӕй сӕрмагонд картӕ.

Лӕмбынӕгдӕр байхъусут аудиоӕрмӕджы.

34
Темӕтӕ:
Радио иронау (194)
Цхуырбаты Тимур

Цхуырбаты Тимур: Хуссар Иры паддзахады бындур сæвæрдтой "Адæмон ныхасы" минæвæрттæ

6
(ранӕуӕггонд 10:45 20.09.2021)
Хуссар Ирыстоны фыццаг æрсидты депутат, фыдыбæстæ хъахъхъæнæг Цхуырбаты Тимур радио Sputnik эфиры радзырдта, паддзахадон тырыса æмæ республикæйæн цы нысаниуæг ис, уый тыххæй
Цхуырбаты Тимур: Хуссар Ирыстоны паддзахады бындур сæвæрдтой "Адæмон ныхасы" минæвæрдтæ

Хуссар Ирыстон ацы бонты нысан кæны дыууæ ахсджиаг бæрæгбоны – Паддзахадон тырыса æмæ Республикæйы бон. Цхуырбаты Тимур куыд радзырдта, уымæ гæсгæ республикæйæн дæр æмæ паддзахадон тырысайæн дæр бындур сæвæрдтой æхсæнадон змæлд "Адæмон ныхас"-ы минæвæрттæ.

"Ирыстоны бахъахъхъæнынæн мах сарæзтам практикон змæлд, фæлæ йын бындур сæвæрдтой "Адæмон ныхасы" уæнгтæ. Фыццаг уыд идейæ, æнæ уый æрмæст хъаруйæ ныцы сараздзынæ, æнæмæнг дзы хъæуы идейæ", - загъта Тимур.

Уый æрхъуыды кодта, паддзахад сæвзæрдты цы адæм архайдтой, уыдон, уæлдайдæр та Цоциты Аланы.

"Гуырдзыстон фыццаг хатт 23 ноябры куы æрбацыд, уæд уыдон тынг цæттæ уыдысты, махмæ та уыд æрмæстдæр хъару, тырыса дæр нын нæ уыд. Ленины портрет сын сæ размæ рахастам сырх тырысаимæ, уымæн нæ, æмæ Ленины табугæнджытæ уыдыстæм, фæлæ гуырдзиæгтæ мæсты кодтой, æмæ уый тыххæй", - бафиппадта Тимур.

Фыдыбæстæ хъахъхъæнæг ма куыд банысан кодта, афтæмæй Хуссар Ирыстоны паддзахадон тырыса идеологон æмæ эстетикон домæнтæм гæсгæ у æххæст.

6
Темӕтӕ:
Радио иронау (194)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (194)