Тамаз Бестауты

Бестауты Тамаз: ӕртындӕс азы размӕ 26 августы фесты ирон адӕмы хӕстон зындзинӕдтӕ

63
(ранӕуӕггонд 14:05 25.08.2021)
Уацамонгæйы майданы кавалер Бестауты Тамаз радио Sputnik Хуссар Ирыстоны интервьюйы радзырдта, цы аргъ бафыстой ирон адӕм сӕ хæдбардзинадыл, уый тыххæй
Бестауты Тамаз: иууыл тынгдæр тарстæн мæ дæлбар цы лæппутæ уыд уыдонæн

Хуссар Ирыстоны историйы 26 август у ахсджиаг датæ - Уæрæсейы Федераци банымадта паддзахады хæдбардзинад. Ирыстоны хъахъхъæнджытæй сæ иу Бестауты Тамаз Sputnik интервьюйы æрымысыд хæсты рæстæг ӕмӕ радзырдта, иууыл тынгдӕр йӕ зӕрдӕмӕ цы бахъардта, уыцы цауты тыххӕй.

"Æхсæв æмæ мын бон нæ уыдис, Присы къуылдым куы хъахъхъæдтам, уæд. Фыццаг дыууæ-æртæ къуыри дзы ницы уыд арæзт, нæдæр дзы окоппытæ уыд. Цалынмæ уыдон къахтой, уæдмæ гуырдзиæгтæ нæ æрлæууыдысты сæ æхсынæй. Мæ тыхтæ фесæфтысты, макæуыл дзы мацы æрцæуа, уый мæтæй", - радзырдта Бестауты Тамаз.

Йӕ ныхæстæм гæсгæ 17 - 18-аздзыд лæппутæ хæсты нæ зонынц тæрсын æмæ сæхи æппарынц иууыл тæссагдæр бынæттæм.

"Æрмæст 2008 азы нын хистæртæй куы ничи дзуапп кодта, уæд иууылдæр ныхъхъус сты, уый сын уыд тынг зын", - ӕрымысыд командир.

Бестауты Тамаз бафиппайдта, зӕгъгӕ, 26 августы Уæрæсейы Федераци Хуссар Ирыстоны хæдбардзинад куы банымадта, уæд ын тынг ирд æнкъарæнтæ нæ уыд, фæлæ æрсабыр ис уыцы хъуыдыйæ, зæгъгæ, хæсты зындзинæдтæ фесты.

63
Темӕтӕ:
Радио иронау (194)
Цхуырбаты Тимур

Цхуырбаты Тимур: Хуссар Иры паддзахады бындур сæвæрдтой "Адæмон ныхасы" минæвæрттæ

6
(ранӕуӕггонд 10:45 20.09.2021)
Хуссар Ирыстоны фыццаг æрсидты депутат, фыдыбæстæ хъахъхъæнæг Цхуырбаты Тимур радио Sputnik эфиры радзырдта, паддзахадон тырыса æмæ республикæйæн цы нысаниуæг ис, уый тыххæй
Цхуырбаты Тимур: Хуссар Ирыстоны паддзахады бындур сæвæрдтой "Адæмон ныхасы" минæвæрдтæ

Хуссар Ирыстон ацы бонты нысан кæны дыууæ ахсджиаг бæрæгбоны – Паддзахадон тырыса æмæ Республикæйы бон. Цхуырбаты Тимур куыд радзырдта, уымæ гæсгæ республикæйæн дæр æмæ паддзахадон тырысайæн дæр бындур сæвæрдтой æхсæнадон змæлд "Адæмон ныхас"-ы минæвæрттæ.

"Ирыстоны бахъахъхъæнынæн мах сарæзтам практикон змæлд, фæлæ йын бындур сæвæрдтой "Адæмон ныхасы" уæнгтæ. Фыццаг уыд идейæ, æнæ уый æрмæст хъаруйæ ныцы сараздзынæ, æнæмæнг дзы хъæуы идейæ", - загъта Тимур.

Уый æрхъуыды кодта, паддзахад сæвзæрдты цы адæм архайдтой, уыдон, уæлдайдæр та Цоциты Аланы.

"Гуырдзыстон фыццаг хатт 23 ноябры куы æрбацыд, уæд уыдон тынг цæттæ уыдысты, махмæ та уыд æрмæстдæр хъару, тырыса дæр нын нæ уыд. Ленины портрет сын сæ размæ рахастам сырх тырысаимæ, уымæн нæ, æмæ Ленины табугæнджытæ уыдыстæм, фæлæ гуырдзиæгтæ мæсты кодтой, æмæ уый тыххæй", - бафиппадта Тимур.

Фыдыбæстæ хъахъхъæнæг ма куыд банысан кодта, афтæмæй Хуссар Ирыстоны паддзахадон тырыса идеологон æмæ эстетикон домæнтæм гæсгæ у æххæст.

6
Темӕтӕ:
Радио иронау (194)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (194)