Остъаты Роберт Беслӕны трагедийы рӕстӕджы

Остъаты Роберт Беслæны трагедийы тыххæй: кӕронмӕ никӕй уырныдта, ахӕм фыдми кӕй ис саразӕн

57
(ранӕуӕггонд 09:37 03.09.2021)
Хуссар Ирыстоны парламенты депутат Остъаты Роберт радио Sputnik-ы интервьюйы æрымысыд 2004 азы Беслæны трагикон бонтæ
Остъаты Роберт Беслæны трагедийы тыххæй: адæм æнæбон хатыдысты сæхи

Æвддæс аз рацыд, æнæхъæн дуне цы хабар ныккæрзын кодта, уыцы бонæй - Беслæны фыццæгæм астæуккаг скъола бацахстой террористтæ. Остъаты Роберт æнæнхъæлæджы æвдисæн ссис уыцы бонты цаутæн. Йæ ныхæстæм гæсгæ, фыны фенæджы хуызæн уыдысты, кæронмæ никæй уырныдта, ахæм фыдми кæй ис гæнæн æруадзын, уый.

"Кæй амардтой (террористтæ), уыдон рудзгуытæй куы æппæрстой, уæд адæм дæр æмæ тыхон структурæты минæвæрттæ дæр сæхи фæхатыдысты æнæбон", - загъта Роберт.

Роберт куыд бафиппайдта, уымæ гæсгæ иууылдæр æмбæрстой, тугдзыхты къухы кæй сты сывæллæттæ æмæ æнæсæрфат митæн кæй нæ уыд бынат.

"Знаджы уыныс æмæ йемæ тох кæныс, уый æндæр хъуыддаг у, фæлæ йӕ уым та зоныс, сывæллæттæ сæ къухы сты æмæ дæ мигæнæн кæцырдæм адарай, уый дæр нæ зоныс", - банысан кодта депутат.

Остъаты Роберт куыд радзырдта, уымæ гæсгæ штурммæ ничи уыд цæттæ - нæдæр адæм, нæдæр Уæрæсейы сæрмагонд службæты минæвæрттæ.

Бӕстондӕрæй - нӕ аудиоӕрмӕджы.

57
Темӕтӕ:
Радио иронау (193)
Дыгъуызты Зæлинæ

Дыгъуызты Зæлинæ: преми "Булæмæргъ" ахъаз у æвæлтæрд æвзонг фысджытæн

13
(ранӕуӕггонд 13:13 10.09.2021)
Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik Хуссар Ирыстоны эфиры радзырдта, премийы лауреат куыд ссис, уый тыххæй
Дыгъуызты Залина: литературон преми "Булæмæргъ" ахъаз у æвæлтæрд æвзонг фысджытæн

Литературон преми "Булæмæргъ" уагъд цæуы ныр цалдæр азы, хайад дзы райсынц, æвзонг фысджытæй ирон æвзагыл чи архайы фыссын, уыдон. Дыгъуызты Зæлинæ дæр ацы преми райста 2019 азы. Йæ ныхæстæм гæсгæ, уый премимæ бавдыста ирон лирикон æмдзæвгæты цикл.

"Сæ зæрдæмæ фæцыдысты æмæ мæм радзырдтой, зæгъгæ, премимæ дæ хонæм. Официалон церемони уагъд цыдис Мæскуыйы культурон центры, тынг хорз нæ айстой", - радзырдта "Булæмæргъы" лауреат.

Дыгъуызты Зæлинæкуыд банысан кодта, уымæ гæсгæ премийы официалон церемонийы хайад райсын дæр стыр цымыдисон у, уымæн æмæ дзы ис фадат базонын Мæскуыйы цæрæг ирон интеллигенцийы минæвæрттæй бирæты.

"Ацы преми тынг ахъаз у куыд æвæлтæрд, æвзонг фысджытæн, афтæ ма ирон æвзаг бахъахъхъæнын æмæ популяризацийæн дæр", - бафиппайдта уый.

Зæлинæ ма раргом кодта, ныридæгæн кæй цæттæ кæны цалдæр æмдзæвгæты æмбырдгонды мыхуыры рауадзынмæ.

13
Темӕтӕ:
Радио иронау (193)

Дыгъуызты Зӕлинӕ: хъуамæ бамбарæм, ныры дугæн кæй ис æндæр домæнтæ

24
(ранӕуӕггонд 14:58 09.09.2021)
Хуссар Ирыстоны Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik эфиры радзырдта, зонадон фадыг куыд равзæрста, уый тыххæй

Дыгъуызты Зæлинæ куыд радзырдта, уымæ гæсгæ зонадон къабаз куы равзæрста, уæд æй фыццаг цымыдис кодта синтаксис, уымæн æмæ ирон-персайнаг факультеты ахуыргæнгæйæ сбæрæг кодта бирæ æнгæсдзинæдтæ дыууæ æвзаджы æхсæн.

"Куыстæй мæ арвыстой уæлæмхас ахуырмæ Мæскуымæ. Уый æз нымайын стыр хæрзиуæгыл, уымæн æмæ мын уым байгом ис æцæг зонады дуне", - бафиппайдта Дыгъуызон.

Бæстондæрæй - нæ аудиоæрмæджы.

24
Темӕтӕ:
Радио иронау (193)
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

0
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

0