Дыгъуызты Зæлинæ

Дыгъуызты Зæлинæ: зонадон куыст равзæрстон аналитикон зондахасты тыххæй

10
(ранӕуӕггонд 13:04 22.09.2021)
Хуссар Ирыстоны Зонад-Иртасæн институты кусæг, литературон преми "Булæмæргъ"-ы лауреат Дыгъуызты Зæлинæ радио Sputnik эфиры радзырдта, зонадон фадыг куыд равзæрста, уый тыххæй
Дыгъуызты Залина: зонадон куыст равзæрстон аналитикон зондахасты тыххæй

Дыгъуызты Зæлинæ - Хуссар Ирыстоны Зонад-Иртасæн институты æвзонг специалист, равзæрста ирон æвзагзонынадон къабаз. Зæлинæ каст фæци ирон-персайнаг факультет. Йæ ныхæстæм гæсгæ, зонадон къабаз равзарын ын бауынаффæ кодтой коллегæтæ йæ аналитикон зондахасты тыххæй.

"Фæндзæм курсы куы уыдтæн, уæд универститеты раздæры ректор Кокойты Таймураз арæзта энциклопедион дзырдуат æмæ мæм бахатыд, цæмæй йын баххуыс кæнон. Уыцы рæстæджы фæхатыдтæн, кæй мæм ис зонады 'рдæм патенциал æмæ мæ бон кæй суыдзæн кусын", - загъта Зæлинæ.

Æвзонг специалист куыд банысан кодта, афтæмæй зонадон къабаз куы равзæрста, уæд æй фыццаг цымыдис кодта синтаксис, уымæн æмæ ирон-персайнаг факультеты ахуыргæнгæйæ сбæрæг кодта бирæ æнгæсдзинæдтæ дыууæ æвзаджы.

"Иу аз куы акуыстон Зонад-Иртасæн институты, уæд мæ арвыстой уæлæмхас ахуырмæ Мæскуымæ. Уый æз нымайын стыр хæрзиуæгыл, уымæн æмæ мын уым байгом ис æцæг зонады дуне", - бафиппайдта Дыгъуызон.

Мæскуыйы фæстæ Дыгъуызон зонадон хъусдард аздæхта лексикологимæ, уымæн æмæ йæ дзырдты равзæрд æмæ этимологи тынгдæр бацымыдис кодта.

Лæмбынæгдæр хъусут аудиоæрмæджы.

10
Темӕтӕ:
Радио иронау (213)
Гӕбӕраты Юрий

Гӕбӕраты Юрий Галуанты Людайы тыххӕй: уый уыд поэт-трибунӕ

9
(ранӕуӕггонд 13:24 24.10.2021)
Газет "Хурзӕирн"-ы сӕйраг редактор Гӕбӕраты Юрийы раныхас Галуанты Людмилайӕн фӕстаг харзбон зӕгъыны церемонийы
Гӕбӕраты Юрий: Галуанты Людмилайы хъуыд трибуна, цӕмӕй тох кодтаит

Фыдохы церемонийы раныхасы газет "Хурзӕрин"-ы сӕйраг редактор Галуанты Людмилайы схуыдта "нӕ нӕргӕ хох, нӕ цӕугӕ мӕсыг рафӕлдӕхт", кӕд ӕмӕ сылгоймагӕй афтӕ никуы фӕдзурынц, уӕддӕр.

"Людайы поэзи нӕ хъуыд, уый хъуыд ӕрмӕстдӕр трибуна, цӕмӕй йӕ наци, йӕ радтӕг адӕмы сӕрыл тох кодтаит, ӕмӕ йыл тох кодта, ӕцӕгӕй лӕугӕ мӕсыг ӕмӕ цӕугӕ хох куыд у, афтӕ", - загъта Гӕбӕраты Юрий.

Редактор куыд банысан кодта, уымӕ гӕсгӕ Людмила Графы чызг йӕ царды девизӕн равзӕрста Джыккайты Шамилы ныхӕстӕ: "Нӕхи йедтӕмӕ никӕй хъӕуӕм мах, нӕхӕдӕг та нӕ аууӕрдӕм нӕхиуыл".

"Уымӕн ӕмӕ йӕ зыдта, нӕхӕдӕг куыннӕ скӕуӕм нӕхиуыл, уӕд нӕ бӕсты ничи зӕгъдзӕн нӕ сӕрыл дӕр, ӕмӕ йын уымӕ гӕсгӕ йӕ поэзи схонӕм атфӕ: Люда уыд поэт-трибунӕ", - бафиппайдта Юрий.

Уый ма бафтыдта йӕ ныхасы, зӕгъгӕ, Галуанты Людмила ӕрмӕст "Ныййараджы кадӕг"-ы йедтӕмӕ куы никуы ахъазыдаид сценӕйыл, уӕддӕр уыд аккаг, цӕмӕй Иры дзыллӕтӕ ацы фӕзуаты ӕрбамбырд уыдаиккой.

9
Темӕтӕ:
Радио иронау (213)
Кокойты Тарзан

Кокойты Тарзан: Галуанты Людайӕн иууыл диссаг уыд йе 'мбӕстагон позици

8
(ранӕуӕггонд 13:23 24.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийы
Кокойты Тарзан: Галуанты Людайӕн иууыл диссаг уыд йӕ ӕмбӕстагон позици

Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.

"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.

Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.

"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.

Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.

8
Темӕтӕ:
Радио иронау (213)
ЛЭП

Хуссар Иры баззад ӕнӕ рухсӕй фӕстауӕрцон хаххыл куыстыты тыххӕй

5
Республикӕйы ӕмбисӕхсӕв ахицӕн кодтой электроэнерги цалцӕггӕнӕнӕн куыстыты тыххӕй

ЦХИНВАЛ, 25 окт - Sputnik. Хуссар Ирыстоны ахицӕн кодтой рухс къуырисӕры, 00.00 сахатӕй фӕстӕмӕ. Электроэнерги ахицӕн кодтой Хуссар Ирыстонмӕ электроифтонгады фӕстауӕрцон хаххыл арӕзтадон куыстыты тыххӕй.

Уый размӕ Паддзахадон унитарон куыстуат "Энергоресурс"-ы фехъусын кодтой, УФ Федералон хызӕгон компани уадзы куыстытӕ электроифтонгады уӕлӕмхасӕн хаххыл, кӕцы аиуварс кӕндзӕн арӕх авариты проблемӕ сӕйраг хаххыл зымӕгон период.

"Электроэнерги ахицӕн кӕндзысты къуырисӕры, 25 октябры, ӕмбисӕхсӕвӕй 19.00 сахаты онг", - банысан кодтой "Энергоресурс"-ы.

Мӕскуыйы фарон сентябры бафыстӕуыд бадзырд Хуссар Ирыстон ӕмӕ Уӕрӕсейы хицауадты хсӕн электроифтонгады хаххы фадыджы технологион ӕрбаиу кӕныны фӕдыл Ручъы тоннелы районы. Уӕлӕмхасӕн хахх фӕхуыздӕр кӕндзӕн Хуссар Ирыстоны энергосистемӕйы куыст. Йӕ арӕзтад уагъд цӕуы Инвестпограммӕйы фӕлгӕтты, проекты финанскӕнынад адих кодтой ӕртӕ азмӕ.

5