Битарты Зойæ

Битарты Зойæ: сабийæн йæ алфамбылай цы ис, уыдон хъуамæ ахуыр кæна мадæлон æвзагыл

17
(ранӕуӕггонд 14:41 23.09.2021)
Хуссар Ирыстоны паддзахадон университеты ирон æвзаджы кафедрæйы профессор Битарты Зойæ радио Sputnik эфиры радзырдта, сабидæтты билингвалон ахуырадон программæ "Малусæг" куыд кусы, уый тыххæй
Битарты Зоя: сабийæн 3-4 азмæ йæ алфамбылай цы цæуы уыдон хъуамæ ахуыр кæна мадæлон æвзагыл

Хуссар Ирыстоны сабидæтты уæвынад кæны билингвалон ахуырадон программæ "Малусæг". Проекты автор, профессор Битарты Зойæ куыд радзырдта, уымæ гæсгæ программæйæн уыд хорз фæстиуджытæ, фæлæ йыл эпидемиологон уавæр æппæрццагæй бандæвта.

"Махæн не 'хсæнад ис тынг зын уавæры, уый æрмæст абоны аххос нæу, фæлæ суанг куы райдайæм геноцид æмæ уый размæ азтæй дæр, уæд уыдонæн ис тынг æвзæр æндæвдад не 'взаджы райрæзты", - загъта Битырты Зойæ.

Профессоры ныхæстæм гæсгæ, иртæстытæ бæрæг кæнынц, ирон æвзагыл кæй цæуы иууыл къаддæрæй 6000 азы.

"Æвзаг цыдæриддæр рахаста йæ равзæрдæй, уыцы архайд æмæ хъуыдытæ генетикон æгъадуæй сты нæ сæры магъзы æвæрд æмæ уыдон саби хъуамæ райса æнæмæнгдæр 4 азы кармæ. Психологтæ дæр, физиологтæ дæр æмæ философтæ дæр æмхуызонæй иу хъуыдыйыл лæуд сты: сабийæн 3-4 азмæ йæ алыварс цыдæриддæр архайд цæуы, уыдон ын хъæуы йæ мадæлон æвзагыл хæссын", - банысан кодта Битарон.

Битарты Зойæ ма куыд бафиппайдта, уымæ гæсгæ билингвалон ахуырадон программæ "Малусæг" реализацигонд куы цыд сабидæтты, уæд ныййарджыты 'рдыгæй сæвзæрд ныхмæлæуд, фæлæ, уымæ æнæкæсгæйæ, программæ æрхаста æвæрццаг фæстиуджытæ.

17
Темӕтӕ:
Радио иронау (212)
Кокойты Тарзан

Кокойты Тарзан: Галуанты Людайӕн иууыл диссаг уыд йе 'мбӕстагон позици

3
(ранӕуӕггонд 12:48 23.10.2021)
Парламенты раздӕры депутат, мидхъуыдтӕгты министры хӕдивӕг Кокойты Тарзаны раныхас Галуанты Людмилайӕн фӕстаг харзбон зӕгъыны церемонийы
Кокойты Тарзан: Галуанты Людайӕн иууыл диссаг уыд йӕ ӕмбӕстагон позици

Хуссар Ирыстоны аивад ӕмӕ интеллигенцийы минӕвӕрттӕ хӕрзбон загътой Адӕмон артисткӕ, поэт Галуанты Людмилайӕн. Фыдохы митинджы церемонийы Кокойты Тарзан йӕ раныхасы банысан кодта, Людмилайӕн йе сфӕлдыстадон курдиат нырма иртӕстгонд кӕй не ‘рцыд.

"Фӕлӕ иууыл диссаг уыд йӕ ӕмбӕстагон позици. Ирыстоны сӕрмӕ сау мигътӕ куы ‘ртымбыл сты, ӕмӕ ныл гадзрахатӕй куы рацыдысты алӕрдыгӕй дӕр, уӕд хъуыддаг цӕмӕ цӕуы, уый алчи не ‘мбӕрста. Фӕлӕ Галуанты Люда уыд, чи йӕ ‘мбӕрста, уыдонӕй", - загъта Кокойты Тарзан.

Тарзаны ныхӕстӕм гӕсгӕ, Галуанты Людмилайы фӕлтӕр сӕхиуыл банкъардтой ирон ӕвзаг, культурӕ ӕмӕ националон традициты дӕлдзиныг.

"Диссаг уыд йӕ ныфсхаст, парламенты кусгӕйӕ афтӕ дзырдта – ныфсхастдзинад дам у уӕлахизӕн йе ‘мбис", - банысан кодта Кокойты Тарзан.

Уый ма куыд бафиппайдта, афтӕмӕй Людмила Графы чызг ӕмбӕрста, сӕрибардзинад кӕй никуы вӕййы лӕварӕй дӕтгӕ.

3
Темӕтӕ:
Радио иронау (212)
  Козаты Инга

Козаты Инга: алы ахуыргӕнинагӕн урокмӕ Zoom-ы хъусыны фадат нӕй

16
Ахуырады министрады Националон ахуырады хайады гӕс, ахуыргӕнӕг Козаты Инга радио Sputnik Хуссар Ирыстоны радзырдта, ирон ӕвзаг ӕмӕ литературӕйы уроктӕ куыд уагъд цӕуынц дистанцион ахуыры рӕстӕджы, уый тыххӕй
Козаты Инга: алы ахуыргӕнинагӕн нӕй фадат урокмӕ хъуса Zoom-ы

Хуссар Ирыстоны 19 октябрӕй ӕхгӕд ӕрцыдысты ахуырадон уагдӕттӕ. Скъолатӕ рахызтысты дистанцион ахуырмӕ. Националон ахуырады хайадгӕс Козаты Инга куыд радзырдта, уымӕ гӕсгӕ ирон ӕвзаг ӕмӕ литературӕйы уроктӕн онлайн ахуыры сӕрмагонд программӕ нӕй, фӕлӕ пайда кӕнынц Zoom, WhatsApp ӕмӕ Скайпӕй.

"Ацы бастдзинӕдтӕй пайда кӕнӕм, кӕнӕ та видео-урокӕй ахуыргӕнӕг йӕхӕдӕг ныффыссы ног ӕрмӕг ӕмӕ йӕ арвиты сывӕллӕттӕн. Алы къласӕн дӕр ис йӕхи къорд WhatsApp-ы алкӕцы предметӕй, уыцы нымӕцы ирон ӕвзаг ӕмӕ литературӕйӕ дӕр", - загъта Козаты Инга.

Дистанцион урочы рӕстӕджы сывӕллӕттӕ райсынц хӕслӕвӕрдтӕ, ӕмӕ, Инга Константины чызг куыд банысан кодта, афтӕмӕй уый фӕстӕ сӕ хадзарон кустытӕ арвитынц ахуыргӕнӕгмӕ, уымӕ гӕсгӕ сын нысӕнттӕ ӕвӕрд дӕр ӕрцӕуы.

"Zoom-ӕй пайда кӕнын хуыздӕр у, фӕлӕ дзы ис ныхдуртӕ, алкӕцы сывӕллонӕн нӕй фадат, ӕмӕ уымӕ гӕсгӕ фылдӕр ахайынц WhatsApp-къордты. Уый дӕр ӕвзӕр куыст нӕу, ӕндӕр гӕнӕн нын нӕй, ӕмӕ уымӕ гӕсгӕ афтӕ архайӕм", - бафиппайдта ахуыргӕнӕг.

Козаты Ингайы хъуыдымӕ гӕсгӕ, "цардгасы" урок никуы баивдзӕн дистанцион ахуыр, фӕлӕ уый дӕтты фадат, цӕмӕй скъоладзаутӕ ма фӕиппӕрд уой сӕ ахуырадон программӕйӕ.

16
Темӕтӕ:
Радио иронау (212)