Дзӕуджыхъӕуккаг ӕмӕ Алайнаг архиепископ Леонид

Архиепископ Леонид раарфӕ кодта Хуссар Иры адӕмӕн Хӕрзуацы цытӕн

8
(ранӕуӕггонд 10:36 07.04.2020)
Рӕстдинонтӕ дыццӕджы, 7 апрелы, нысан кӕнынц Хӕрзуац, ацы бӕрӕгбоны цытӕн республикӕйы цӕрджытӕн раарфӕ кодта Дзӕуджыхъӕуккаг ӕмӕ Алайнаг архиепископ Леонид

ЦХИНВАЛ, 7 апр - Sputnik. Дзӕуджыхъӕуккаг ӕмӕ Алайнаг архиепископ Леонид раарфӕ кодта Хуссар Ирыстоны адӕмӕн Хӕрзуацы бӕрӕгбоны цытӕн.

"Хӕрзуац у иууыл сӕйрагдӕр рӕстдинон бӕрӕгбонтӕй сӕ иу, хорз уацы бон, кӕцы ӕрцыд адӕммӕ Архангел Гавриилы уылты. Уыцы бон ма Мад Майрӕм баууӕндыд Хуыцауыл ӕмӕ Йӕ ныфсы руаджы мах фервӕзтыстӕм", - дзырдӕуы арфӕйы.

Архиепископ банысан кодта, Хӕрзуац кӕй у ӕппӕтдунейон циндзинады райдайӕн.

"Бердзенаг ӕвзагыл бӕрӕгбоны ном у "Евангелисмос" ӕмӕ арӕзт ӕрцыд дзырд Евангелийӕ. Ног Фӕдзӕхсты чиныг, Евангели, дӕр у Хӕрзуац", - банысан кодта Леонид.

Архиепископ ӕрсидт, "цӕмӕй ацы зын рӕстӕджы ма мӕт кӕнӕм ӕмӕ нӕхи ӕрбайгом кӕнӕм Хорз уацӕн".

Хӕрзуац у рӕстдинон дзуары дыууадӕс сӕйраг бӕрӕгбонтӕй сӕ иу. Уый нысан кӕнынц 7 апрелы, фӕлӕ йӕ, традицимӕ гӕсгӕ, адӕм райдайынц нысан кӕнын ацы бӕрӕгбон хӕдагъоммӕ изӕры.

8
Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

21
(ранӕуӕггонд 10:49 01.09.2020)
Егъау кувæндон ныппырх кодтой советон дуджы динимæ тох куы расидтысты, уыцы рæстæджы, дзуары дурæй та спайда кодтой æндæр арæзтæдты

ЦХИНВАЛ, 1 сен - Sputnik, Плиты Фатимæ. Хуссар Ирыстоны Цхинвалы районы Ходы хъæуы цæрджытæ сæхи тыхтæй æндидзын кæнынц Фырсыгъдæг Мад Майрæмы аргъуан. Кувæндон ис Астæуккаг Ходы хъæуы.

Хъæуы цæрджытæ ацы сыгъдæг бынатмæ сæхи фæдзæхсынмæ цæуынц раг замантæй. Кувæндон пырх æрцыд советон дуджы.

"Хистæр адæмы мысинæгтæм гæсгæ, ам уыд егъау аргъуан, йе ʻддаг бакастæй уыд Къостайы хъæуы уæвæг Фырсыгъдæг Мад Майрæмы аргъуаны æнгæс. Фæлæ коммунистты дуджы аргъуан ныппырх кодтой æмæ йе 'рмæгæй сарæзтой скъæттæ. Фæстаг азты адæм сæхи фæдзæхсынмæ цыдысты аргъуаны кæлæнтæ цы бынаты сты, уырдæм", - загъта хъæуы хистæр Ходты Мераб.

Кувæндоны арæзтад цæуы ныр дыууæ мæйы бæрц, арæзтад бацахста 60 квадратон метры.

  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Фото из архива Мераба Ходова
  • Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон
    Из архива Мераба Ходова
1 / 6
Фото из архива Мераба Ходова
Хуссар Иры Ходы хъæуы цæрджытæ сæхи тыхтæй æндидзын кæнынц Мад Майрæмы кувæндон

"Хъæуы фæсивæд дзуары дур æрæмбырд кодта æмæ йæ нылласта аргъуаны цурмæ, уымæй амад цæуы кувæндоны цæсгомон хай. Алайнаг епархийы динамонæг, фыд Иаковы рекомендацимæ гæсгæ, ног аргъуан амайæм зæронд кувæндон кæлæнты цур", - бафтыдта хъæуы цæрæг.

Астæуккаг Ходы хъæуы цæрынц фылдæр бæрцæй Бекъойты æмæ Ходты мыггæгтæ, стæй ма Кокойтæ æмæ Къæбултæ.

"Арæзтад цæуы нæхи тыхтæй, алы хæдзарæй дæр æрæмбырд кодтам фæйнæ æртæ мины – фылдæр адæмы къух нæ амоны. Стæй нын æххуыс кæнынц ацы хъæуæй ацæугæ адæм. Лохты Аслан, Бекъойты Хазби æмæ Ӕлборты Виталий баххуыс кодтой техника, арæзтадон æрмæг æмæ финансон æхххуысæй", - бафтыдта уый.

Йæ ныхæстæм гæсгæ, ма ацы хъæуы ис 17 хæдзары бæрц, фæлæ арæзтадмæ се ʻххуысы къух фæдаргъ кæнынц ацы хъæуæй ацæугæ адæм дæр – æрвыл улæфт бонты ам арæзтадыл кусынц дæс адæймаджы бæрц.

Кувæндоны банысан кæнынц Мад Майрæмы райгуырды бæрæгбон - 21 сентябры.

Развалины храма Пресвятой Богородицы в селе Ход Цхинвальского района
Из архива Мераба Ходова
Хуссар Иры Ходы хъæуы Мад Майрæмы кувæндон раздæры бынат
21

Бинонты дæнцæг Петр ӕмӕ Феврония: Хуссар Иры нысан кæнынц уарзт æмæ бинонты бон

27
(ранӕуӕггонд 15:17 08.07.2020)
Динамонджытæ æнхъарынц абон уӕлдай тынгдӕр кувын бинонты ӕмӕ ӕввахс адӕмы амондæн

ЦХИНВАЛ, 8 июл - Sputnik, Плиты Фатимӕ. Хуссары Иры бамбал сты ног бӕрӕгбон - бинонты ӕмӕ уарзондзинады бонмӕ. Рӕстдинонтӕ кувынц бинонты амондӕн, аргъуанты ӕмкъайады дӕнцӕг Петр ӕмӕ Февронияйы номыл уадзын скуывдтӕ, фехъусын кодта Sputnik Алайнаг епархийы динамонӕг Фыд Иаков.

"Ныридӕгӕн епархийы сӕйраг аргъуаны цӕуы Хуыцаумӕ скуывд Пётр ӕмӕ Февронияйы номыл. Динамонджытӕ кувынц бинонты уарзондзинад ӕмӕ хъӕрмуд царды тыххӕй", - загъта динамонӕг.

Йӕ ныхӕстӕм гӕсгӕ, ацы бӕрӕгбон алы хатт дӕр ӕрхауы сӕрдыгон комдарӕнмӕ, уымӕ гӕсгӕ ацы рӕстӕджы ӕмкъайадыл нӕ аргъауынц.

"Петр ӕмӕ Феврония, кӕцытӕ иумӕ адджынӕй фӕцардысты, ссисты уарзӕгой бинонты дӕнцӕг ӕмӕ сӕ бардуӕгтӕ. Абон адӕм уӕлдай тынгдӕр фӕдзӕхсынц сӕ бинонты ӕмӕ ӕввахс адӕмы", - бафтыдта фыд Иаков.

Уарзт, бинонты ӕмӕ иузӕрдыгдзинады бон — нысан цӕуы горӕт Муромы цӕрджыты хъӕппӕрисӕй, цыран Петр ӕмӕ Феврония ссардтой се 'нусон бынат.

Петр ӕмӕ Феврония цардысты Муромы, уарзтой кӕрӕдзи сыгъдӕг уарзтӕй. Сӕ уарзондзинад адарддӕр суанг сӕ амӕлӕты онг, ӕмӕ сӕ цардӕй куы ахицӕн сты, уӕддӕр сӕ удтӕ баиу сты фӕстӕмӕ. Рӕстдинон дзуар сын кад кӕны, куыд сӕ цард Хуыцауӕн чи снывонд кодта, ахӕм сыгъдӕг удтӕн.

27
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

0
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

0