Цæцæйнаг кинокомпани исы фильм Цхинвалы

Цæцæйнаг кинокомпани исы Цхинвалы фильм "Герой"

199
(ранӕуӕггонд 13:55 09.10.2018)
Ӕртæ бонмæ столицæйы хуссар хай, Цхинвалы хæдтулгæтæ аразæн заводы рохуаты уагъд бæстыхай фестад исæн фæзуат, ам ист кадртæй режиссер фæнд кæны равдисын Цæцæны хæсты дуг

ЦХИНВАЛ, 9 окт — Sputnik, Плиты Фатимæ. Цæцæйнаг кинокомпани "Грозный" исы Цхинвалы аивадон киноныв кусæгон номимæ "Герой". Исæн къорд йæ куыст райдыдта Абхазы республикæйы, уый фæстæ æрцыд Хуссар Ирмæ. Дыууæ республикæйы, цы ран нырма 10 азы размæ ныннымæг хæсты хъæр, цæцæйнæгтæ исынц сæхи бæстæйы хæстон архæйдтытæ.

Съемки фильма Герой в Цхинвале
© Sputnik / Наталья Айриян
Цæцæйнаг кинокомпани исы фильм Цхинвалы

Кинонывы райдайæны æвдыст цæудзысты хæстон архæйдтытæ Цæцæны республикæйы, уыцы хаймæ бацæудзысты Абхаз æмæ Хуссар Иры ист кадртæ дæр.

"Грознæйы зын у ссарын хæстæфхæрд бæстыхæйттæ, уымæ гæсгæ мах аскъуыддзаг кодтам хæстон Грозный сисын Сухум æмæ Цхинвалы. Абхазы нæ куыст балхынцъ кодтам, ныр кусæм Цхинвалы. Ацы кадртæй райдайдзæн нæ киноныв", — бафтыдта режиссер.

Кинонывы центры ис æвзонг нывгæнæджы хъысмæт, кæцы цæры Парижы, фæлæ æрыздæхт йæ райгуырæн бæстæм — Цæцæны республикæмæ йæ фыццаг куыстытæй иу агурæг.

Съемки фильма Герой в Цхинвале
© Sputnik / Наталья Айриян
Цæцæйнаг кинокомпани исы фильм Цхинвалы
"Фильм у лæппуйыл, кæцы схъомыл ис Цæцæны хæсты фыццаг æмæ дыккаг компаниты ʻхсæн. Куы байрæзт, уæд ссис зындгонд нывгæнæг. Сценаримæ гæсгæ ныридæгæн уый цæры Европæйы, у æнтыстджын — равдыстытæ, табугæнджытæ, йæ цард дзаг у æппæтæй. Фæлæ йæ хъысмæт афтæ рауад æмæ уый æрыздæхт Цæцæнмæ йæ фыццаг куыст агурæг. Сюжет амад у уый алыварс", — радзырдта Sputnik уацхæссæгæн режиссер Руслан Магомадов.

Киноныв ист цæуы продюсер Зелимхан Изиевы сценаримæ гæсгæ.

"Ам фæуд кæнæм нæ куыст, уый фæстæ ацæудзыстæм Европæмæ. Киноныв хъуамæ ист фæуа ацы мæйы кæронмæ, уый фæстæ бавналдзысты монтажмæ. Ӕрбалæугæ азы фильм рацæудзæн уæрæх экраныл. Фæнды нæ рауадзын уый прокаты канд Уæрæсейы нæ, фæлæ фæсарæнты дæр", — загъта Зелимхан Изиев.

Цæцæйнæгтæн исæн фæзуат ссис Цхинвалы хæдтулгæтæ аразæн заводы (ЦАРЗ) территори. Уазæг киноисджытæн æххуыс кæнынц бынæттонтæ.

  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
  • Цæцæйнаг кинокомпани исы фильм Цхинвалы
    Цæцæйнаг кинокомпани исы фильм Цхинвалы
    © Sputnik / Наталья Айриян
1 / 6
© Sputnik / Наталья Айриян
Цæцæйнаг кинокомпани исы фильм Цхинвалы

"Культурæйы министрад йæ дæлбар райста къорды, МСНК сын баххуыс кодта техникæйæ, куыстытæм сæ хъус дарынц УУМ зынгсирвæзты ныхмæ тохы къорд. Нæ бон цы у, уымæй сын æххуыс кæнæм", — загъта киностуди "Allonfilm"-ы директор Мамиты Григорий.

Киноныв цæудзæн 70 минуты, уымæй цыппар экранон минуты æвдыст цæудзысты Цхинвалы ист кадртæ.

199