Ортъеу

Ортъеуы хъæу: ног аргъуан æмæ фыццаг скъола

279
(ранӕуӕггонд 10:56 04.09.2019)
Хъæуы къуылдымыл ног рæсугъд аргъуан самадтой цалдæр мæймæ Хъахъхъæнынады министрады хæрдзтæй

ЦХИНВАЛ, 2 сен — Sputnik, Плиты Фатимæ. Хуссар Иры Цхинвалы районы Ортъеуы хъæуы къуылдымыл Хъахъхъæнынады министрады тыхтæй самадтой ног рæсугъд аргъуан. Аив бæстыхай сæвзæрд раздæры Бæлдæрæнты кувæндоны бынаты. Sputnik уацхæссæг бабæрæг кодта ног аргъуаны, азылд хъæуы иннæ фенддаг бынæттыл, аныхас кодта бынæттон цæрджытимæ.

Ортъеу рагæй фæстæмæ нымад уыд Ирыстоны стырдæр æмæ зындгонддæр хъæутæй иуыл. Нымад уыд Цхинвалы районы рухсады центрыл, цард дзы 22 мыггаджы. Ныр кæддæры нæргæ ком стæнæг ис, хъæу федзæрæг. Сæ райгуырæн уæзæг бирæ бинонтæ кæй ныууагътой, уый æвдисынц кæлæддзаг хæдзæрттæ. Ӕмрæстæджы хъæуы рæзынц ногарæзт бæстыхæйттæ дæр, фæлæ æдзухон цæрджыты нымæц у цъус.

Памятник ВОВ в селе Ортеу
© Sputnik / Фатима Плиева
Ортъеуы хъæу

Кувæндон фæлгæсы хъæуы сæрæй, йæ рæбын æрбынат кодта хъæуы уæлмæрд æмæ Стыр Фыдыбæстæйон хæсты хъайтарты цырт. Уымæ æввахс XIX æнусы астæу фæзынд Хуссар Иры скъолатæй иу.

Фыццаг ирон ахуыргæнæг æмæ скъола

Историйы афтæ æрфидар, зæгъгæ, Ирыстоны фыццаг æртæ скъолайы фæзындысты Дзау, Хъорнис æмæ Ортъеуы. Уыдонæй иууыл рагондæрыл нымад цæуы Дзауы скъола, фæлæ уыцы хъуыдыимæ разы не сты ортъеуæгтæ. Сæ ныхæстæм гæсгæ, Хуссар Иры фыццаг рухсады центр фæзыд Ортъеуы хъæуы.

"1847 азы Ортъеуы фыццаг скъола бакодта фыццаг ирон ахуыргæнæг Цоциты Тома. Уый уыд бузалайаг хæрæфырт æмæ Ортъеуы фæстæ та бакодта уыдонмæ скъола. Уæды дуджы уыд дыууæ ахуырады центры – дины семинартæ Ӕрыдоны æмæ Тбилисы. Уыдон каст чи фæцис, уый нымад цыд стыр ахуыр лæгыл. Тбилисы семинар каст фæцис Тома дæр", - дзуры хъæуы цæрæг, ирон æвзаджы ахуыргæнæг Гассеты Арон.

Ахуыргæнæг бирæ нæ фæцард, амард æвзонгæй, уый фæстæ йæ раивта сауджын.

"Тома 23 аздзыдæй амард тифæй. Баззад ын фырт æмæ чызг. Уый фæстæ дзы ахуыргæнæгæй куыста сауджын, фæстæдæр зынгæ революционер Плиты Арон, цалынмæ йæ 37-æм азы нæ фесæфтой, уæдмæ. Скъола уыд кувæндонæй бындæр. Абон йæ фæд дæр нал ис, кæддæр дзы фæскомцæдисонтæн уыд æмбырд, уыдон зынг ныууагътой сæ фæстæ æмæ уымæй ссыгъд", - мысы Арон.

Рагон таурæгъ æмæ кувæндон

Хъæуы цæрджытæ нырма сæ зæрдыл дарынц ацы кувæндоны фæзынды истори. Сæ ныхæстæм гæсæгæ, сыгъдæг бынат дзуарæн равзæрстой цъиуты амындмæ гæсгæ.

"Нæ фыдæлтæ ацы Рухс кувæндон самайын хъавыдысты Хæмæтты къуылдымыл. Уым ныссагътой бызатæ, æрхастой бæмбæджытæ. Фæлæ уыцы рæстæджы зæрватыччытæ ратахтысты æмæ схастой бæмбæджытæ Ортъеуы къуылдыммæ. Æз æй хистæртæй афтæ хъуыды кæнын æмæ арæзт æрцыд 12 æнусты", - дзуры хъæуы къуырыхон цæрæг Гассеты Арон.

Кувæндоны бæстыхай рацыд цымыдисон фæндæгтыл. Баййæфта зæххæнкъуыстытæ, пырхытæ æмæ ног арæзтад.

"Рухс кувæндоны агъуыст уыд хъуарийæ æмбæрзт æмæ йæ 1964 азы августы Цхуырбаты Петро æмæ Цоциты Арæхмæт æрымысыдысты раивын шиферæй. Бахастой фæндон, цæмæй хъæубæсты адæм æмæ йæ туджы æртах ортъеуаг кæмæн у, уыдон зонгæ кæной адæмы ацы кувæндонимæ, цæмæй комы фарн ма фесæфа", - зæгъы Гассеты Арон.

Ивгъуыд æнусы 90–æм æзты зæххæнкъуысты рæстæджы ортъеуæгтæн сæ кувæндон æрдзы бæллæх зæххимæ сраст кодта.

"Дыккаг зæххæнкъуысты рæстæджы Кувæндон дуры цæнд фестадис. Арæхмæты фырт уæд куыста таможнæйы æмæ уый хæрдзтæй сарæзтам кувæндон. Аргъæутты галуаны хуызæн та фестадис", - дзуры Гассеты Арон.

Хъахъхъæнынады министрады лæвар

Рæстæг куыд цыд афтæ та кувæндон æрцыд мæгуырау уавæрмæ. Йæ саразын бæрн ныр та йæхимæ райста Хъахъхъæнынады министрад.

"Хъахъхъæнынады министр Гассеты Ибрагим у ацы комæй рацæугæ æмæ рагуалдзæджы уый загъта, афтæ кæсæн кæй нал ис кувæндонмæ æмæ бавнæлдтой арæзтадмæ. Амайгæ та йæ скодтой сомихæгтæ. Арæзт æрцыд рæсугъд", - дзуры хъæуы цæрæг.

Храм в селе Ортеу Цхинвальского района
© Sputnik / Фатима Плиева
Аргъуан Ортъеуы хъæуы

Аргъуан рацыд аив, бæстыхайы арæзтадæй дарддæр ма самадтой асинтæ дæр, суагътой йæм рухс, йæ схизæны сæвæрдтой æфсæн къулдуæрттæ. Бæстыхайы къултыл ис бирæ уазнывтæ. Министрады дины фарстыты фæдыл уынаффæгæнæг Тыджыты Алан нымайы уазнывты нысаниуæг. Сæ нымæцы Мад Майрæм, Андрей Первозванный, кæцы фыццаг фæзынд ирон адæммæ динимæ зонгæ кæнынмæ, æдыппæтæй дæсæй фылдæр.

"Аргъуан у сыгъдæг Фомайæн нывонд. Ам раг замантæй нысан кодтой Бæлдæрæнтæ, уый вæййы Куадзæны хæдфæстæ хуыцаубоны, уыцы бон рæстдинон æгъдауы у Фомайы бон, уымæ гæсгæ аргъуан дæр хæссы йæ сыгъдæг ном", - дзуры Тыджыты Алан.

Аргъуаны мидæггаг фæлыст баххæст кодтой аив рæсугъд хъæдын дуæрттæй, сцæттæ сæ кодта æрмдæсны Калаты Нариман.

Ног аргъуаны ма арæзт æрцыд алтарон хай, кæцымæ бахизæн ис æрмæстдæр динамонджытæн, фæлæ бынæттонтæ сты сæхи хъуыдыйыл лæуд.

279
Цхуырбаты Батыр

"Хъахъхъӕнинаг мын сты ирон сабитӕ": Цхуырбаты Батыр 2008 азы хӕсты зынгхуыст хъайтар

12
(ранӕуӕггонд 15:04 12.08.2020)
Цхуырбаты Батыры йæ хъæбатырдзинады тыххæй йæ амæлæты фæстæ схорзæхджын кодтой республикæйы иууыл уæлдæр хорзæх – Уацамонгæйы орденæй

ЦХИНВАЛ, 12 авг - Sputnik, Дриаты Лейла. 8-æм август куы ‘рбалæууы, уæд Цхуырбаты Рутены бинонтæн сног вæййы, дыууадæс азы размæ цы хъæбатыр фырт – Батыры - фесæфтой, уыцы трагеди.

"Ме ‘фсымæр йæхиуыл нæ ауæрста, нæдæр куысты бацæугæйæ, нæдæр хæсты быдыры. Алыхатт дæр тырныдта уымæ, цæмæй йæ разы цы хæс æрæвæрдта, уый сæххæст кæна, йæхи зæрдæмæ æмæ адæмы зæрдæмæ дæр куыд фæцæуа, ахæм хуызы", - мысы Цхуырбаты Батыры хо Ханиффæ.

Батыр йæхи зонынхъом куы фæцис, уæдæй фæстæмæ уыд ныфсхаст лæппу. Йæ ацы миниуæг уал фæбæрæг ис сæхи хъæу Хслебы, стæй та Дзауы астæуккаг скъолайы куы ахуыр кодта, уæд. Скъола каст куы фæцис, уæд ахуыр кæнынмæ бацыд Цхинвалы автоскъоламæ. Уæдмæ йæм æрсидтысты æфсадмæ æмæ æнæзивæгæй ацыдис Райгуырæн бæстæйы раз йæ хæс бафидынмæ.

Цалдæр хатты, кæм службæ кодта, уыцы æфсæдддон хайы командæкæнынад Батыры ныййарджытæм æрæрвыста арфæйы фыстæджытæ. Арфæ сын кодтой, ахæм æнæзивæг, алы хъуыддагмæ дæр рæвдз лæппу кæй схъомыл кодтой, уый тыххæй. Райста ротæйы старшинæйы цин, афтæмæй æрæздæхт йæ райгуырæн уæзæгмæ.

Цхуырбаты лæппу ма шофыры курсыты куы ахуыр кодта, уæд цымыдис кодта канд автомашинæ сахуыр кæнынмæ нæ, фæлæ æндæр механизмты сусæгдзинæдтæ базонынмæ дæр. Æмæ ныр райгуырæн бæстæ хъахъхъæнджыты æмрæнхъ æрлæууын йæ хъуыдымæ куы рцыд, уæд бацыд мотоæхсæн дивизийы танкты батальонмæ. Батыр кæм службæ кодта, танкты уыцы батальон лæууыд Дзауы, фæлæ дыууадæс азы размæ августы мæйы райдайæны уавæр карздæр кæнын куы райдыдта, гуырдзиаг фашисттæ та Ирыстонмæ радон хатт æрбабырсынмæ сæхи куы цæттæ кодтой, уæд Цхуырбаты лæппу æмæ йе ‘мбæлтты сæ танктимæ рарвыстой Зары хъæумæ. Ацы ран уыдис сæ пост.

Батыры хæстон æмбал, дзауаг Коцты Михаил куыд радзырдта, афтæмæй 2008 азы 7-æм августы гуырдзиаг фашисттæ Цъунары хъæумæ куы лæбурдтой, уæд уыдон дæр сæхи цæттæ кæнын райдыдтой знаджы ныхмæ хæсты бацæуынмæ. 8-æм августы цы æрцыдис, уый тыххæй та Коцты лæппу абон дӕр дзуры стыр хъынцъымимӕ.

"Цхинвал тынг куы райдыдтой æхсын гуырдзиæгтæ, уæд мах атагъд кодтам, горæт чи хъахъхъæдта, уыдонæн баххуыс кæнынмæ, фæлæ нæ рацæуынæн тынг хъыгдардтой гуырдзиаг авиацийы бомбæтæ. Уыдон хаудысты фæндæгтыл æмæ уымæ гæсгæ æмбæхст уыдыстæм хъæды. Бомбæтæ згъалыны хъуыддаг чысыл куы фæсабыр ис, уæд мах ратагъд кодтам, фæлæ уæдмæ гуырдзиæгтæ апырх сты горæты", - дзуры уыцы уӕззау бонты цаутӕ Михаил.

 Танкисттӕ æнхъæл уыдысты, зæгъгæ, Тъбеты æрцæуæн фæндаг сæрибар уыдзæнис, фæлæ хъуыддаг афтæ нæ разынд. Ам дæр уыдысты гуырдзиаг танктæ æмæ сæ куы суыдтой, уæд сæ райдыдтой æхсын.

"Мах уыдтам гуырдзиаг, хæдтæхджытæ горæтыл бомбæтæ куыд калдтой. Нал уыдис бастдзинад æмæ кæрæдзийы уавæр зыдтаиккам, уый фадат дæр нӕ уыд. Мах æртæ танкыл æрхæццæ стæм Тъбетмæ. Ам нæм æрбаиу сты уæрæсейаг танктæ. Уыдонæн дæр æмæ махæн дæр нæ хъуыды уыдис, Шанхайы районы фидауынгæнæг тыхтæм æрбаиу уæвын, фæлæ уыцы хъуыддаг махæй раздæр сæ къухты бафтыд уырыссаг танкисттæн. Уыдон комкоммæ фæндагыл нæ, фæлæ быдыртыл ацыдысты æмæ æрбаиу сты фидауынгæнæг тыхтæм. Мах дæр архайдтам уырдæм баивæрзыныл, фæлæ та-иу нæ гуырдзиæгтæ æхсын райдыдтой æмæ нын нал лæвæрдтой размæ ацæуыны фадат", - мысы Батыры ӕмгар.

Сӕ техникæ дæр бынтон хорз нæ куыста ӕмӕ сæ танкты батардтой, Тъбеты хъæумæ хæстæг институтæн ног агъуыст кæм арæзтой, уыцы хæдзары аууонмæ. Ардæм дæр та сæ суыдтой гуырдзиӕгтӕ æмæ сæ райдыдтой комкоммæ æхсын.

"Æз скъæрдтон танк. Батыр та бадтис мæ фæстæ цæуæг танкыл æмæ-иу æм æз рæстæгæй-рæстæгмæ мæ хъус адардтон, цы архайы, уый базоныны тыххæй. Ардæм нæ комкоммæ æхсын куы райдыдтой, уæд нын уым лæууæн нал уыдис. Хъуыдис нæ исты хуызы ацы фыдбойнаджы цæхæрæй аирвæзын æмæ уæд фæстæмæ Тъбеты рдæм мæ ных сарæзтон. Мæ фæстæ цыдис иннæ танк дæр", - адарддӕр кодта Михаил.

Иу рæстæджы сæ цуры рхауд радон снаряд æмæ сæ танк æртæрдыгæй ссыгъдис.

"Фæстæмæ та куы акастæн, уæд ауыдтон æвирхъау ныв: Батыр танчы люкæй фæстæмæ æрхауд, йæ туг кæлы, афтæмæй. Базыдтон, æнамонддзинад кæй у, уый. Æз аскъуыддзаг кодтон: мæ цæф æмбалы хъуамæ сæмбæлын кæнон рынчындоныл. Горæты рынчындонмæ нæ фæндæгтæ æхгæд уыдысты. Уæд бамбæрстон, Дзауы рынчындонæй дарддæр мын ацæуæн кæй никуыдæм ис, уый æмæ скъæрдтон размæ. Мæ алывæрсты гуырдзиæгты снарядтæ куыд калдысты, уый хатгæ дæр нал кодтон", - радзырдта уый.

Ахæм тыхст уавæры æрбахæццæ сты Галуанты хъæумæ. Ам æрбаййæфтой иу рог машинæ. Фæстæдæр куыд рабæрæг, афтæмæй уый разынд горæты цæрæг Къæбулты Мишик. Сæ уавæр сын куы бамбæрста, уæд загъта, зæгъгæ, ам æнхъæлмæ кæсын мæ бинонтæм, чизоны сæ исчи ардæм æрбахæццæ кæна, уæд сæ ардыгæй мæхæдæг акæнин Цæгат Ирыстонмæ. Фæлæ, иугæр лӕппутӕ ахæм уавæры суыдысты, уæд уал, зæгъгæ, мæ бинонты дæр фæуаддзынæн.

"Батыры уæззау цæфтæй райстам танкæй. Ахæм æвзæр цæфтæ уыдис æмæ йæм къухæй бавналынмæ дæр йæ ныфс ничи хаста. Шофыр мын аххуыс кодта æмæ йæ сæвæрдтам машинæйыл. Батырæн уыцы уæззау цæфтæ цы хъизæмар æвзарын кодтой, уый куыннæ хатыдыстæм уыцы дард фæндагыл, фæлæ уæддæр йæхи фидар кодта, цæмæй йæ рис махæн зын ма уыдаид. Иу рæстæджы ма нæ дон дæр æркуырдта. Мах ын дзы даргæ нæ бакодтам, фæлæ йыл дзы æркалдтам, йæ былтæ йын дзы схуылыдз кодтам æмæ атындзыдтам дарддæр. Атындзыдтам, фæлæ…", - нӕлгоймаг зынтӕй дзуры уыцы трагикон хабӕртты тыххӕй.

Батырæн йæ хо Ханиффæ нӕ уромы йӕ цӕссыг. Зӕгъгӕ, куы-иу æй фæдзæхстам, дæхи хъахъхъæн, хæст уæддæр хæст у, нæмыджы ныхмæ афтæ æргомæй цæуæн нæй, уæд-иу хъазæн хуызы афтæ фæкодта, зæгъгæ, мæнæн нæдæр цардæмбал ис, нæдæр сывæллæттæ, мæхи кæй сомбоны тыххæй хъахъхъæнон, ахæмæй мын ничи ис.

Знагæй та мын хъахъхъæнинаг сты мæ ирон адæм, мæ ирон сывæллæттæ. Уыдон тыххæй, куы бахъæуа, уæд мæ цард дæр нæ бавгъау кæндзынæн, фæлæ йæ знагæн лæвар нæ радтдзынæн, дзырдта-иу Батыр.

Ханиффæ ма абон дæр æрæмысы, зæгъгæ, 8-æм августы Дзауы районы хæдтæхджытæ куы æхстой, уæд хъуамæ ацыдаид Дзæуджыхъæумæ йæ фондз сывæллонимæ, фæлæ йын дзы иу нæ акуымдта, баззадис Дзауы йæ фыдимæ.

"Мæ хъæбулимæ дæр куыннæ дзырдта мæ зæрдæ, фæлæ бынтон æнæсцухæй та мæ зæрдæ æхсайдта ме ‘фсымæрмæ. Æвæццæгæн, адæймаджы удысконд афтæ арæзт у, æмæ йыл æрцæуинаг цы фыдбылыз уа, уый зæрдæ рагацау фæхаты", - зӕгъы уый.

Цæгат Ирыстонмæ Ханиффæйæн фехъусын кодтой, зæгъгæ, Батыр уæззау цæф у æмæ тагъд хæццæ кæн. Бæргæ ма ратагъд кодта уый йе фсымæрмæ æххуысмæ, фæлæ йæ мадызæнæджы цыхуызæнæй æрæййæфта, уый макæцы ирон сылгоймаг бавзарæд…

Цхуырбаты Батыры йæ хъæбатырдзинады тыххæй йæ амæлæты фæстæ схорзæхджын кодтой республикæйы иууыл уæлдæр хорзæх – Уацамонгæйы орденæй.

12
Уалыты Альма йы чызджытимæ

"Фӕнды мӕ зӕгъон ын бузныг": цхинвайлаг чызг августы хӕсты йӕ ирвӕзынгӕнӕджы тыххӕй

177
(ранӕуӕггонд 13:10 07.08.2020)
Хæсты райдианы радон датæ куы рхæццæ вæййы, уæд та Уалыты Альмайы зæрдыл уыцы бонты бæллæхтимæ иумæ æрлæууы, цыфæнды уавæрты дæр кӕй ис фадат хорздзинад тауынæн

ЦХИНВАЛ, 7 авг– Sputnik, Плиты Фатимӕ. Цхинвайлаг чызг Уалыты Альмайӕн 12 азы размӕ гуырдзиаг-ирон хӕст йӕ хъуыдыйы баззад ӕнӕрлӕугӕ ӕхст, горӕты уынгты гӕрахгӕнгӕ цӕугӕ танктӕ, тасы мидӕг бонтӕ ӕмӕ ӕхсӕвтӕй ӕмӕ ӕнӕзонгӕ ирвӕзынгӕнӕгӕй, кӕцыйы чызджы фӕнды ссарын ӕмӕ йын зӕгъын бузныг.

2008 азы августы фыццаг бонты Хуссар Ирыстоны уыд хӕстон уавӕр, нырма горӕтмӕ знаджы ӕфсад не рбахызт, фӕлӕ тохтӕ цыдысты арӕнмӕ хӕстӕг. Столицӕ ӕппынӕдзух уыд хӕсты хъӕры бын. Фӕлӕ ацы уынӕрӕй перманентон хӕстыл ахуыр адӕм уый бӕрц нӕ тарстысты, цы сӕм ӕнхъӕлмӕ каст, уый гуырахст нырма не ʻмбӕрстой.

Альма уыцы рӕстӕджы куыста паддзахадон телеуынынады ӕмӕ аннӕтау 7 август арвыста куысты.

"Ӕвдӕм августы ма мӕ сыхӕгтӕ лыгъдысты Дзӕуджыхъӕумӕ, фӕлӕ мын мӕ мад нӕ разы кодта ацӕуын, ӕнӕ уымӕй та ӕз нӕ цыдтӕн. Аннӕмӕй та кусгӕ кодтон", - дзуры Альма.

7-ӕм августы изӕрырдӕм ӕгас горӕты дӕр цыд ӕхсты хъӕр, адӕм куыстытӕй ӕмбӕхсгӕ цыдысты хӕдзӕрттӕм.

"Заводы уынджы ӕмдзӕрӕндоны дыккаг уӕладзыджы цардыстӕм ӕмӕ куыд изӕр кодта, афтӕ ӕхст тынгӕй-тынгдӕр кодта. Ӕрдӕгӕхсӕв ахуыссыд рухс. Ӕхст тынг кодта ӕмӕ мах дӕр ӕрхызтыстӕм ныккӕндмӕ", - мысы уый.

Республикӕйы алы къуымты цырын кодта хӕст, знаг канд арӕныл нал уыд, фӕлӕ ӕввахсӕй ӕввахсдӕр кодта Цхинвалмӕ.

"Иуӕй иннӕ ӕвзӕрдӕр хабӕрттӕ нӕм хъуыст. Иу рӕстӕджы схызтӕн цыппӕрӕм уӕладзыджы балконмӕ ӕмӕ Тулдзы къохмӕ акастӕн. Уыцы рӕстӕджы танк фехста горӕты рдӕм, нӕмыг кӕцы корпусыл сӕмбӕлд, уымӕн ницы бамбӕрстон, фӕлӕ фыр тасӕй куыд ныххӕццӕ дӕн ныккӕндмӕ, уый дӕр нал хъуыды кӕнын", - бафтыдта чызг.

Фӕстӕдӕр хӕдӕфсады минӕвӕрттӕ ныккӕнды бадӕг сабыр цӕрджытӕн загътой, цӕмӕй ацӕуой уазӕгдон "Алан"-ы бын бункермӕ.

"Мӕнмӕ гӕсгӕ уыд 8 августы изӕр, куы нын загътой, ахсӕв дам горӕтыл калдзысты бомбӕтӕ. Фӕндӕгтыл азмӕлӕн нӕ уыд донӕй, бӕласы къалиутӕй, ӕввахс нӕм сыгъд Нефтебазӕ. Мах ссыдыстӕм уазӕгдонмӕ", - дзуры дарддӕр Альма.

"Алан"-ы бын бункер уыд адӕмӕй йедзаг ӕмӕ уыдон дарддӕр ацыдысты ӕртыккӕгӕм скъолайы ныккӕндмӕ. Бон фӕстӕдӕр та сабыр цӕрджыты кӕнын райдыдтой Дзаумӕ.

Жительница  Цхинвала  Альма Валиева со своими детьми
Фото из личного архива Альмы Валиевой
Уалыты Альма йы чызджытимæ

"Автовоказалӕй кодтой адӕмы, мах дӕр иу стыр уӕзласӕн машинӕ баласта Хуыцъейы скъолайы размӕ. Загътой нын, Дзӕуджыхъӕуӕй кӕй ӕрцӕудзысты автобустӕ ӕмӕ нӕ кӕй акӕндзысты", - бафтыдта уый.

Хӕстфӕллад лигъдӕттыл рӕстӕг цыд цъусгай, автобустӕн сӕ кой дӕр нӕ уыд, хӕдтулгӕтӕ цыдысты йедзагӕй, уромӕг нӕ уыд. Афтӕмӕй, фӕндӕгтыл лӕугӕйӕ Альма, йӕ мад, йӕ фыды хо ӕмӕ сӕ сыхӕгтыл баталынг, сӕ ныфс дӕр цадӕггай асаст.

"Ӕхсӕвы 11-мӕ уыдыстӕм уым, уынджы. Фӕллад ӕмӕ тыхст хуызы лӕууыдтӕн фӕндаггӕрон. Бацыд мӕм хъахъхъӕнынады министрады формӕйы 40 азы кары фӕтӕнтӕ нӕлгоймаг. Уый мын афтӕ, Дзӕуджыхъӕуӕй дам ӕрцӕудзӕн дзулласӕн хӕдтулгӕ ӕмӕ дам уӕ арвитдзӕн ууыл", - мысы чызг.

Уадиссаг сӕ уырнгӕ дӕр нал кодта, фӕлӕ нӕлгоймаг йӕ ныхасы лӕг разынд ӕмӕ лигъдӕтты къорды арвыста Дзӕуджыхъӕумӕ.

"Тъехо мӕ хонынц - ӕрмӕст нын уый загъта. Уӕдӕй фӕстӕмӕ мӕ фӕнды ссарын уыцы адӕймаджы ӕмӕ йын хуымӕтӕг бузныг зӕгъын йӕ лӕггады тыххӕй", - балхынцъ кодта уый.

Альма хӕсты фӕстӕ чындзы ацыд, ныр цӕры Дзӕуджыхъӕуы, хъомыл кӕны дыууӕ чызджы- Виктория ӕмӕ Елизаветайы.

177
Рӕмонаты Сослан

Олимпиаг чемпион Рӕмонаты Сослан фӕнд кӕны фæивын йӕ уӕзы категори тренер

0
(ранӕуӕггонд 15:50 13.08.2020)
Ирон спортсмен ссис Олимпиадӕйы уӕлахиздзау Рио-де-Жанейройы 65 килограммы уӕзы категорийы

ЦХИНВАЛ, 13 авг — Sputnik. Риойы Олимпиадӕйы уӕлахиздзау, ирон уӕгъдибар хъӕбысӕйхӕцӕг Рӕмонаты Сослан Уӕрӕсейы чемпионаты архайдзӕн 65 кӕнӕ 70 килограммы уӕзы категорийы, хъусын кӕны Р-Спорт спортсмены тренер Мӕргъиты Анатолийы ныхӕстыл ӕнцойгӕнгӕйӕ.

Мӕргъиты Анатолийы ныхӕстӕм гӕсгӕ, хъӕбысӕйхӕцӕг схос кодта йӕ травмӕйӕн ӕмӕ ныр ӕххӕст тренировкӕтӕ уадзы егъау турнирмӕ, кӕцы ацӕудзӕн октябры.

"Рӕмонаты Сослан архайдзӕн Уӕрӕсейы чемпионаты. Уӕзы категорийы тыххӕй мах аныхас кӕндзыстӕм Уӕрӕсейы сӕйраг тренер Тедеты Дзамболатимӕ. Кӕд турниры фӕстиуӕгӕн уа ахсджиаг бынат дунейы чемпионат ӕмӕ Олимпиадӕйы ӕвзӕрстытӕм – уӕд тох кӕндзыстӕм нӕхи уӕзы, 65 килограммы. Кӕнӕ та схиздзыстӕм бӕрзонддӕр категоримӕ", - загъта тренер.

Мӕргъиты Анатолий банысан кодта, спортсмены хӕслӕвӕрд у хайад райсын дунейы чемпионаты Сербийы, фӕлӕ Рӕмонаты Сослан ӕмӕ йӕ тренеры сӕйраг интерес у Олимпиадӕ Токиойы.

0