Цънелисаг Этери

Цънелисаг Этери: цæмæй тæрсы гуырдзиаг сылгоймаг Ирыстоны

197
(ранӕуӕггонд 16:06 04.09.2019)
Хуссар Иры 24 августæй фæстæмæ уавæр фендыгъддæр ис – ирон хъæу Уисты сæрмæ Гуырдзыстон сæвæрдта æнæзаконон пост, хъæуы цæрджыты тасы ʻфтауы хотыхджынты æввахс сыхагдзинад

ЦХИНВАЛ, 4 сен — Sputnik, Плиты Фатимæ. Хуссар Иры Знауыры районы арæнгæрон хъæу Уисты цæрæг Гогаладзе Этери бахауд уавæры ахæсты. Гуырдзыстоны æнæзаконон пост сæ хъæуы сæрмæ сылгоймаджы дары тасы, 45 азы мойы фæстæ уый фæсмон кæны, ирон лæгæй чындзы кæй фæцыд.

Ирон хъæу Уистæн (Цънелис) советон рæстæджы йæ ном дæрддыл хъуыстгонд уыд, ам куыста республикæйы хъомысджындæр заводтæй иу "Югостальк". Йæ продукцийæ конд у суанг мæскуыйаг метро дæр.

Ацы аз сæрды кæрон та ацы хъæу райста æнкъард популярондзинад – йæ сæрмæ къуылдымыл сæвзæрд гуырдзиаг полицийы æнæзаконон пост, хъæдты сарæх сты гуырдзиаг хотыхджынтæ. Хуссар Ир йе 'мбæстæгтæ бахъахъхъæныны нысанæн бакодта хъæумæ тыхон структурæты баиугонд тыхтæ, арæнгæрон службæ сæвæрдта ауæдзтæ хъæуы алыварс, æрсагътой ирон тырысатæ. Социалон хызæгты æмæ æхсæнады нæ нымæг кæны Уисты кризисы азымджынтæ ссарыныл уынаффæтæ.

Цнелис
© Sputnik / Михаил Хасиев
Гуырдзиаг полицийы æнæзаконон пост Уисты

Хъæуы кæрон цæрынц æмхæццæ бинонтæ - Тедеты Юрий æмæ Гогаладзе Этери. Бинонтæ 45 азы фæцардысты хъæрмудæй, фæлæ фæстаг къуыри сылгоймаг йæ чындзы ацыдыл фæсмон кæны.

"Ныр иу къуыри Юрæимæ загъд кæнын. Цæмæн мæ æркодта 45 азы размæ Ирыстонмæ? Уæд хæлар цард уыд, æмхæццæ къæйттæ ам асты бæрц уыд, фæлæ ныр æндæр дуг æркодта. Гуырдзы ам пост сæвæрдтой æмæ ныр тасы дæн, уæдта æрбацыдысты, мæныл бацауæрддзысты - се ʻмтугон дæн, фæлæ мын Юрæйы куы амарой, уæд дарддæр куыд цæрон", - катай кæны Этери.

Сылгоймаджы тас цырын кæны ивгъуыд æнусты 90-æм æзты йæ царды æрцæугæ бæллæх - уæд гуырдзиæгты къухæй бинонтæ фесæфтой сæ хъæбулы.

"Мæ фырты мын амардой 90-æм æзты Гуырдзыстоны, фыдбылыз æрцыд, хæстæ кæй дардта, уый аххосагæй. Фæлæ ирон кæй уыд, чизоны йыл уый тыххæй дæр нæ бацауæрстой", - бафтыдта уый.

Цнелис
© Sputnik / Наталья Айриян
Этерийы æмкъай Юрæ

Этери йæ чындзы цыды хабæрттæ мысгæйæ æвдисы хохырдæм, йæ фæстæ цалæр километры дæрддзæф ис йæ райгуырæн хъæу Броласан.

"Уым цæры ме ʻфсымæр, адзурын æм телефонæй, уыдон дæр зæгъынц, хæст дам нæ уыдзæн. Фæлæ сыл кæронмæ не ʻууæндын", - дзуры сылгоймаг.

Юрæ æмæ Этерийы цæхæрадоны кæрон Хуссар Ирыстоны арæнгæрон службæ сабаты сæвæрдта нысан æмæ тырыса, йæ кусджытæ арæх зилынц сæ цурты арæн хъахъхъæнгæйæ æмæ сылгоймаг дæр чысыл фæныфсджын ис.

"Ацы лæппуты ʻрбацыдæй чысыл фæныфсджындæр дæн. Мидæмæ дæр сæ хонын, сæнæфсир, цыхт æмæ кæрдзынмæ, æрмæст нæ уадзгæ ма ныккæной", - бафтыдта сылгоймаг.

Цнелис
© Sputnik / Михаил Хасиев
Уистæ

Бинонтæ ма мæт кæнынц, сæ чызг сæм йæ зæнæгимæ сæрибарæй кæй нал æрбацæудзæн.

"Мæ чызг цæры Цхинвалы. Амæйразмæ æрбацыдысты, фæлæ чысыл сывæллæттæ тарстысты æмæ фæстæмæ ацыдысты. Ныр цы фæуæм? Ардыгæй фæлидзиккам, фæлæ нын хъуг æмæ род дæр ис æмæ сæ кæдæм фæкæнæм", - хъынцъым кæны Гогаладзе Этери.

197
Хъабанты бинонты хӕдзарад

Куыст цардӕн фӕрӕз: цӕй фӕрцы дидин калы Хъабанты бинонты хӕдзарад

68
(ранӕуӕггонд 13:00 01.06.2020)
Хъабанты Хъазбег æмæ йе ‘ртæ фырты сæ хæдзарады фæллой кæнынц иузæрдионæй, зындзинæдтæ мурмæ дæр нæ дарынц æмæ уымæ гæсгæ иу æнтыст иннæйы фæдыл æфты сæ къухты

ЦХИНВАЛ, 1 июн — Sputnik, Дриаты Лейла. Хъабанты бинонты фермерон хæдзарад Цхинвалы районы Къостайы хъæуы афтæ бирæ рæстæг дæр нæ уæвынад кæны, фæлæ куыстуарзаг адæймаг йæ куыстмæ бæрндзинады цæстæй куы кæса, уæд ын кæддæриддæр уыдзæн æнтыст, йæ куысты фæстиуджытæй рухс кæндзæн йæ зæрдæ.

Хъабанты Хъазбег æмæ йе ‘ртæ фырты сæ хæдзарады фæллой кæнынц иузæрдионæй, зындзинæдтæ мурмæ дæр нæ дарынц æмæ уымæ гæсгæ иу æнтыст иннæйы фæдыл æфты сæ къухты. Сæ зæххы фадыджы ныссагътой фæткъуы, кæрдо, бал, атъамийы талатæ, афтæ ма сæнæфсир дæр æмæ уыдон ныридæгæн райдыдтой тыллæг дæттын,. Цух нæ вæййы сæ зæххы фадыг пъамидор, джитъри æмæ æндæр цæхæрадоны культурæтæй дæр, базилынц сæм хорз æмæ тыллæгæрзадæй барухс вæййы сæ зæрдæ.

Хъабанты бинонты хӕдзарад
© Sputnik / Дриаты Лейла
Хъабанты бинонты хӕдзарад

Ивгъуыд аз бинонтӕ сарæзтой 6-хатæнон цæрæн хæдзар, хъæуы ма дзы арæзтадон-цалцæггæнæн куыстытæ мидæгæй. Сæхи тыхтæй æруагътой рухсы хахх æмæ ныр ууыл дæр нал тыхсынц. Дзæвгар фыдæбон кодтой доны цухдзинады тыххæй, кæстæр фырт Батрадз дард ранæй дон ласгæ кодта æмæ тынг тыхстысты.

Сфæнд кодтой уыцы хъуагдзинад дæр аиуварс кæнын æмæ сын æнтысгæ дæр бакодта сæхи тыхтæ æмæ фæрæзты фæрцы. Ныр пайда кæнынц, йæ гъæдмæ гæсгæ иттæг хорз чи у, ахæм нуазыны донæй, пайда дзы кæнынц хардз кæнынæн дæр. Батрадз фæкæсы сыхæгтæм дæр, баласы сын йæхи техникæйыл дон.

Æнæмæнгхъæуæг уыд æркæнгæ тыллæг æмбæлон бынаты бафснайын æмæ уый дæр срæвдз кодтой. Уый фæрцы се ркæнгæ хъæууонхæдзарадон культурæтæ бабæстон кæнынц егъау бынаты.

Сæ зæххы фадыг нырмæ уыд 0,40 га, фæлæ ма йæм ноджыдæр бафтыдтой æмæ йæ иумиаг фæзуат у 0,70 га Ацы бонты кусынц йӕ сæмбонд кæныныл æмæ дзы уæд та райдайдзысты хуыдæттæ аразын.

ФОСДАРДЫ КЪАБАЗ

Хæдзарадмæ хъуццытæ ис 4, уыдонæй уал ноггуырд родтæ ис дыууæйæн, сты хæрзхаст. Ӕввахс рæстæджы ма ноггуырдтæм бафтдзæн ноджыдæр иу ахæм. Сæ хъуыдыйы ис, цæмæй стурты нымæц дæр фæфылдæр кæной. Нæу æнцон хуыдарды куыст кæнын, бирæ тых домы йæ хицауæй, фæлæ зындзинæдтæй нæ тæрсынц хæдзарады уæнгтæ.

Хъабанты бинонты хӕдзарад
© Sputnik / Дриаты Лейла
Хъабанты бинонты хӕдзарад

Дзæргъытæ сæм нымадæуы 8 æмæ уыдонæй æхсæзæн æввахс рæстæджы уыдзæн хъыбылтæ.. Хъыбылтæй фæлхасгæнджытæ ахастой 30, сæ домæнтæ ма сæххæст кæндзысты 20 фæлхасгæнæгæн. Хæдзарад кæны фысдарды куыст дæр æмæ азæй-азмæ сæ нымæцыл æфты. Ныртæккæ сæм фыстæ ис 140 æмæ уæрыччытæ та 70. Уалдзыгон хъарм бонты кæрдæг хорз сырæзт æмæ сæумæрайсомæй суанг изæрмæ фæхизынц сæрвæты.

ÆФСИРОН КУЛЬТУРÆТÆ

Ацы фермерон хæдзарад йæ уæвынадæй фæстæмæ алы аз дæр байтауы æфсирон культурæтæ æмæ сæ тыллæгæй барухс вæййы сæ зæрдæ. Ивгъуыд аз тыхджын ихуард кæй уыд, уый фæстиуæгæн хуымты тынг бахъыгдардта æмæ сæ тыллæг нæ райста.

Уӕд Мæздæджы сфæрæз кодтой мæнæуы хорз мыггаг, уый æртæ азы дæргъы дæтты хъæздыг тыллæг, стæй та йæ ногæй хъæуы баивын. Уæд фæззæджы рæстæгыл фæцырд сты æмæ фæззыгæнд мæнæу байтыдтой 12 гектары фæзуатыл, а-уалдзæджы та сын хъæбæрхоры культурæ тыд æрцыд 15 га. Байтыдтæ цæмæй æмбæлон æгъдауæй рæзой, хызт уой алыгъуызон зианхæссæг уырынгонтæй, уый тыххæй дæр сæххæст кодтой агротехникæйы фæткойтæ. Хæдзарады уæнгтæм дарддæры куысты хуыздæр фæстиуджытæ бафтын кæныны тыххæй ис бирæ фæндтæ æмæ сын уæд æнтыстытæ.

68
Федтон мӕ Ир ӕмӕ бакастӕн чиныг: спортсмен ӕмӕ студент карантины тыххӕй 

Федтон мӕ Ир, бакастӕн чиныг: спортсмен ӕмӕ студент карантины тыххӕй 

157
(ранӕуӕггонд 14:16 27.05.2020)
Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны

ЦХИНВАЛ, 27 май - Sputnik, Плиты Фатимӕ. Санкт-Петербурджы уӕвӕг Михайловскы ӕфсӕддон артиллерион академийы студент, армспортӕй дуне ӕмӕ ӕппӕтуӕрӕсеон турнирты уӕлахиздзау Плиты Батрадз йӕ райгуырӕн бӕстӕмӕ ӕрцыд ӕмӕ дыууӕ къуыри арвыста карантины. Спортсмен радзырдта Sputnik, куыд арвыста ацы ӕмгъуыд, уый тыххӕй.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны.

"Ацы академийы Цхинвалӕй ахуыр кӕнӕм 15 адӕймагӕй. Мах ӕрцыдыстӕм 5 майы ӕмӕ рынчындоны ӕрбынат кодтам. Алы палатайы дӕр уыдыстӕм фондзӕй. Интернет нын уыд, бынтон хорз гъӕдимӕ нӕ уыд, фӕлӕ нӕхи куыддӕрты ирхӕфстам", - дзуры уый.

Батрадз банысан кодта, ӕвӕндӕй изоляцийӕн кӕй ис ӕвӕрццаг ӕууӕлтӕ дӕр. 

"Дыууӕ къуыри лӕг цы хъуамӕ арӕзтаид, ӕмӕ райстон ӕмӕ бакастӕн англисаг фыссӕг Мария Кореллийы чиныг "Скорбь Сатаны". Ӕнӕ изоляци мӕ уымӕ не рывдӕлдаит", - худы лӕппу.

Ахуырмӕ ацӕуыны размӕ Батрадз архайдта армспорты, у Уӕрӕсейы ӕмӕ дунейы фыццагадты ӕвзист призер. 85 кг архайгӕйӕ уыд Хуссар Ирыстоны армрестлингы секцийы хуыздӕр спортсментӕй иу.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн Санкт-Петербурджы академийы дӕр бар радтой, цӕмӕй спорты дӕр йӕ архайд ма ныууадза. Ацӕугӕ аз ссис ацы горӕты чемпион армрестлингӕй, фӕлӕ йӕ дарддӕр ерыстӕм нал ауагътой.

"Плиты Батрадз у мӕ хъомылгӕнинӕгты фидардӕртӕй сӕ иу, уымӕй раппӕлинагдӕр та у куыд адӕймаг афтӕ - иу азмӕ хорз ном скодта йӕ ахуыргӕнӕндоны дӕр. Йӕ ахуыр, физикон цӕттӕдзинад ӕмӕ зондахаст сты уым дӕр фӕзминаг. Кӕд нӕ секцийӕ фӕиппӕрд, уӕддӕр спортыл дӕр йӕ зӕрдӕ не 'сивта", - радзырдта лӕппуйы тренер Джиоты Валерий.

Батрадзы ныхӕстӕ гӕсгӕ, уый бирӕ рӕстӕг баззад ӕцӕгӕлон бӕстӕйы ӕмӕ тынг ӕрымысыд Ирыстон. 

"Ацы вирус куыннӕ уыдаид, уӕд августмӕ уым уыдаин. Иуӕй мын ӕхсызгон у, раздӕр кӕй ӕрцыдтӕн Ирыстонмӕ, мӕ риуы бӕрц сулӕфыдтӕн. Мӕ бӕстӕ федтон ӕмӕ мӕхимӕ 'рцыдтӕн", - загъта Батрадз.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн йӕ карантины ӕмгъуыд фӕцис ӕмӕ ныр сӕрибарӕй тезгъо кӕны республикӕйы рӕсугъд къуымты.

157

Цæгат Иры райдыдтой дæттын фиддонтæ медиктæн

0
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

0