Хызынтæ капитанæй

Хызынтæ капитанæй

275
(ранӕуӕггонд 13:28 18.09.2019)
Къацты Аннайы къухтæй рацæугæ хызынтæй 20 бæрц "тезгъо кæнынц" Хуссар Иры столицæйы, сæ бийæг та фæнд кæны "ani.bags."-æй скæнын зындгонд бренд

ЦХИНВАЛ, 16 сен — Sputnik, Плиты Фатимæ. Хуссар Иры таможнæйы службæйы акцизон хайады сæйраг инспектор капитан Къацты Аннайы царды фæстаг æртæ азы дæргъы æрфысым ис аксессуартæ бийыны хобби. Цалдæр сахатмæ Анна сфæлдисы чызджытæн хызынтæ, сабитæн дарæс, хæдзары интерьермæ къалатитæ.

Анна Каджаева
Къацты Анна

Цалынмæ ацы зæрдæрард æрфысым ис чызджы хъуыдыты, уæдмæ уыд гимнази "Рухс"-ы ахуырдзау, уый фæстæ Уæрæсейы таможнæйы академийы студенткæ Ростовы æмæ стæй та балæууыд куыстыл Таможнæйы комитеты.

"Фыццаг мæхи зæрдæмæ фæцыдысты ацы аксессуартæ æмæ дзы сфæнд кодтон мæхицæн сбийын. Ныр дæр æй хъуыды кæнын, уæд мæ фыццаг куыстæй куыд буц уыдтæн. Фæлæ дæс хызыны куы сбыдтон, уæд мæм мæ фыццаг куыст худæгау каст. Стæй райдыдтон ме ʻмгæрттæн аразын, заказтæ исын æмæ мæхæдæг дæр æхцондзинад исын мæ куысты хатдзæгтæй. Профессионалон архайды истори цæуы 2018 азæй", - дзуры Анна.

Ӕрмдæсныйы быд рæсугъд хызынты нымæц ахызт ныр 20-йæ, фæзынд ын йæхи фарс Instagram-ы "ani.bags."

Сумки от Анны Каджаевой
© Sputnik / Наталья Айриян
Къацты Аннайы къухтæй рацæугæ хызынтæй 20 бæрц "тезгъо кæнынц" Хуссар Иры столицæйы

"Хъæуы трикотажон æлвыст, къæндзы æмæ райгуыры хызын. Ӕнæмæнг ма у хорз зæрдæйы уаг – æнæ уымæй ницы рацæуы, хатгай халинаг дæр фæвæййы", - бафтыдта уый.

Бонæй-бон хызынтæ кæнынц вазыгджындæр æмæ рæсугъддæр. Ныридæгæн дæр Анна ис ног куысты уæлхъус - цæхæркалгæ цъæх æлвыст æмæ рæсугъдгæнæн хъæдæрмæгæй уый бийы йе ʻмгарæн хызын.

Создание сумок
© Sputnik / Наталья Айриян
Къацты Анна бийы йæ радон хызын

"Ӕппæт фурнитура рафыссын Мæскуыйы. Фыццаг рады иу сæ мысыдтæн мæхæдæг, æхсæв мыл фынæй дæр нал хæцыд, фæлæ ныр заказгæнæг йæхæдæг дæтты хæслæвæрд æмæ æз та фæлдисын. Рæстæг мын бирæ нæ хъæуы – æртæ цыппар боны. Фæлæ мын мæ сæйраг куыст бирæ рæстæг исы, æнæ уый та цалдæр сахатмæ гæнæн ис скæнын иу дзаума", - бафиппайдта бийæг.

Материалы для сумки
© Sputnik / Наталья Айриян
Фурнитурæ хызынтæн

Къацты Анна ма радзырта ацы фадыджы ныры модæйы тыххæй дæр. Ацы аз, йæ хъуыдмæ гæсгæ, арæх æмбæлы æрттиваг æмæ рухсдзыд хызынтыл.

"Фæлтæрддзинад исынæй дарддæр ма бийынæй ирхæфсын мæхи - кусын сериалмæ кæсгæйæ, науæд чиныг фæрсгæйæ", - зæгъы уый.

Фæстæдæр таможнæйон службæйы кусæг, капитан Къацты Анна хъавы ani.bags. сфидар кæнын куыд бренд, иннæтæн дæр амонын  ацы дæсныйад æмæ йæ куыст рауæрæх кæнын.

Сумки от Анны Каджаевой
© Sputnik / Наталья Айриян
Къацты Аннайы быд хызын
275
Плиты Георгий

Рагӕй йӕм ӕмбӕлд: Национ телеуынынады амонӕгӕн балӕвар кодтой фатер

578
(ранӕуӕггонд 17:24 03.07.2020)
Ивгъуыд мӕй Хуссар Иры ЦАРЗ-ы микрорайоны уӕвӕг ӕмдзӕрӕндоны цӕрджытӕ райстой фатертӕ, амондджын бинонты хсӕн Плиты Георгий дӕр, уый йӕ райгуырдӕй фӕстӕмӕ цӕры ӕххуырст хӕдзӕртты

ЦХИНВАЛ, 3 июл — Sputnik, Плиты Фатимӕ. Хуссар Ирыстоны паддзахадон телеуынынады информацион алӕвӕрдты амонӕг Плиты Георгий райгуырдӕй фӕстӕмӕ ӕххуырст хӕдзӕртты цӕрыны фӕстӕ бацис йӕхи къуымы хицау. Амондджын бинонтӕ абон сӕ муртӕ хӕссынц ног цӕрӕнуатмӕ.

Ивгъуыд мӕй Хуссар Иры ЦАРЗ-ы микрорайоны уӕвӕг ӕмдзӕрӕндоны цӕрджытӕ райстой фатертӕ.

"Ӕмдзӕрӕндоны цӕрджытӕ мӕ хъысмӕтыл ӕрцахуыр сты, кӕд нӕ хъӕлӕс райхъуысы, уӕддӕр ӕвзӕрстыты рӕстӕджы. Уымӕ гӕсгӕ ацы цау ссис ӕнӕнхъӕлӕджы бӕрӕгбонау. Диссаджы скъуыддзаг - паддзахад у адӕмӕн", - радзырдта Sputnik йӕхӕдӕг Георгий.

Амондджын номхыгъдмӕ цы адӕм бахауд, уыдонмӕ мӕйы размӕ фӕуазӕг ис сӕрмагонд къамис ӕмӕ райдыдта ӕмбырд кӕныны гӕххӕтытӕ.

Георгий Плиев
Плиты Георгий

"Фыццаг сӕм хъус дӕр не ʻрдардтон, уый бӕрц ӕзты дӕргъы рацахуыр стӕм хорздзинадмӕ ӕнхъӕлмӕ кӕсын. Иугай-дыгай нӕм сидтысты горӕты администрацимӕ. Банхъардтой бацӕттӕ кӕнын гӕххӕтытӕ фатер райсынмӕ. Уыцы хъуыддаджы дӕр уый бӕрц рӕвдз нӕ разындтӕн, фӕлӕ мын ӕххуыс кодтой сӕхӕдӕг, афтӕ ӕртӕхатӕнон фатеры хицау бадӕн", - загъта уый.

Плиты Георгийы ныхӕстӕм гӕсгӕ, ахӕм амондджынтӕ уыдон ныр бирӕйӕ сты.

"Фыр цинӕй нӕ арӕм хъӕугӕ ныхӕстӕ, ӕрмӕст цӕуӕм гом мидбылхудтимӕ. Ацы цин у президент Бибылты Анатолий лӕггад. Цыфӕнды ма дзурой, ацы адӕм гуырдзыйы националисттӕй куы лыгъдысты, уӕдӕй нырмӕ, 30 азы дӕргъы фыццаг хатт рахатыдысты, рӕстдзинад кӕй ис", - бафтыдта Георгий.

Лӕппу йӕ мады мад ӕмӕ чысыл хо Марияимӕ ныр ног бынатмӕ цадӕггай лидзынц. Фыццаг уал ног фатеры ӕрфысым сты Георгийы сӕйраг хӕлӕрттӕ - чингуытӕ.

"Мӕ мад ахуырмӕ ӕрцыд 1991 азы Гуырзыстонӕй, ӕмӕ ам баззад, 1994 азы ӕз райгуырдтӕн. Мӕхи цы зонын, уый цардыстӕм ӕххуырст фатерты, куы нал ӕххӕссыдыстӕм нӕ хӕрдзтыл, уӕд ӕмдзӕрӕндонмӕ балыгъдыстӕм. Ӕрмӕст дӕр ацы фӕндаг чи рацыд, уый бамбардзӕн дӕхи къуым ссарыны цин", - загъта уый.

Хорздзинӕдтӕ ныр Плиты Георгийы бинонтӕм фемхиц сты, ӕмӕ сӕ ног къуыммӕ райстой лӕвар пианино Хуссар Ирыстоны минӕварады кусӕг, поэтессӕ Уалыты Зарайӕ.

Плиты Георгийы царды ӕввӕрццаг ивындзинӕдтыл цин кӕнынц йӕ коллегӕтӕ дӕр.

"Ӕцӕг йӕм ӕмбӕлд. Бинонтӕ сты тыхст уавӕрты. Паддзахад йӕ лӕггадӕн хуыздӕр ӕмӕ ӕмбӕлгӕдӕр адресант не ссардтаид",- загъта паддзахадон телеуынынады директоры хӕдивӕг Козаты Дзерассӕ.

ЦАРЗ-ы зӕронд ӕмдзӕрӕндоны бӕстыхай у аварион, йӕ бынаты хъавынц саразын ног корпус.

578
Джиоты Тамара ӕмӕ Къуылыхты Земфира

Слӕууыдтӕн мӕ къӕхтыл: куыд хос кӕнынц Хуссар Иры донӕй артрозӕн

222
(ранӕуӕггонд 13:38 25.06.2020)
Дыууӕ сылгоймагӕн ирвӕзынгӕнӕг ссис Згъубиры хосгӕнӕн донгуырӕн, цы ран уыдон цалдӕр мӕйы размӕ райстой ваннӕтӕ

ЦХИНВАЛ, 23 июн – Sputnik, Плиты Фатимӕ. Хуссар Ирыстоны столицӕйы цӕрӕг Джиоты Тамара артрозимӕ бирӕ ӕзты тохы фӕстӕ хосгӕнӕн ваннӕты фӕрцы фӕсырдта йӕ низ, йе 'нӕниздзинад зынгӕ фӕхуыздӕр кодта йӕ хӕлар Къуылыхты Земфира дӕр.

Дыууӕ сылгоймагӕн ирвӕзынгӕнӕг ссис Згъубиры хосгӕнӕн донгуырӕн, цы ран уыдон цалдӕр мӕйы размӕ райстой ваннӕтӕ.

"Ацы доны диссаджы ӕууӕлтӕ куы фехъуысон, уӕд ацыдтӕн Згъубирмӕ. 12 ваннӕйы райстон, авд боны дзы фӕдӕн ӕмӕ мӕ къӕхтыл слӕууыдтӕн, уӕдмӕ ӕнӕ ӕххуысӕй нӕ цыдтӕн", - радзырдта Джиоты Тамара.

Сылгоймаг артрозимӕ тох кодта авд азы дӕргъы.

Тамара Джиоева
© Sputnik / Natalia Airiyan
Джиоты Тамара

"Дзӕуыджыхъӕуы дохтыртӕ мын загътой, зӕгъгӕ, ӕнӕ операцийӕ нӕ фӕрвӕздзынӕ. Уымӕ та мӕ ныфс нӕ ахстон", - бафтыдта уый.

Тамара донхосгӕнӕндӕттӕм рагӕй цӕуы, фӕлӕ ахӕм диссаджы фӕстиуӕг никуы ма ӕрӕййӕфта.

"Къодибыны абанойы донмӕ дӕр цыдтӕн, цалынмӕ дзы уыд хосгӕнӕндон. Тамиск ӕмӕ Бирӕгъзӕнджы дӕр уыдтӕн, фӕлӕ мын цыма Зъубиры дон дохтыр рафыста, афтӕ баххуыс ис", - бафтыдта сылгоймаг.

Тамараимӕ иумӕ ма доны диссаджы ӕууӕлтӕ йӕхиуыл бавзӕрста йӕ сыхаг Къуылыхты Земфира - уый дӕр зынгӕ сфидар кодта йӕ ӕнӕниздзинад Згъубиры доны.

Водолечебница в Згубир
© Sputnik / Наталья Айриян
Згъуыбиры хосгӕнӕн

"Мӕн хъӕуы операци саразын, фӕлӕ  ваннӕты фӕстӕ зынгӕ фӕхуыздӕр дӕр. Згъубиры куы уыдтӕн, уӕд та бынтондӕр ницӕмӕй тыхстӕн. Ӕрмӕст артроз нӕ, фӕлӕ ма ӕндӕр низтӕ дӕр ныннымӕг сты", - радзырдта уый.

Хуссар Ирыстоны Дзауы районы Згъубиры хъæумæ хæстæг уалдзæджы райдайæны Цхинвалы цæрæг Босыкты Владимир бакодта донхосгæнæндон. Сабырдзинады æмæ хорз уавæрты баулæфынæй дарддæр ма ам хоскæнæн ис артроз, диабет æмæ цармы кæцыдæр низтæн.

Хосгæнæн пансионат æрбынат кодта Згъубиры хъæуы цур Леуахийы донгуырæнмæ хæстæг. Ӕвæрд у денджызы æмвæзадæй 1 550 метр бæрзонддæр, температурæ та зынгæ ныллæгдæр столицæйæ. Пансионаты ис 8 бынаты, интернет, бастдзинад, сæрмагонд къæбиц, камин, хъармгæнæн системæ.

Хосгæнæн процедурæтæ цæуынц цалдæр минералон доны гуырæнæй – душ исынц минералон дон "Аландон"- ы суадонæй, ваннæтæ та сты æндæр гуырæнæй, уымæн дæр йæ диссаджы æууæлтæ сфæлвæрдтой адæмыл.

222
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

0
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

0