Цхуырбаты бинонтæ

Уарзт сыл æххæссы: куыд цæрынц Хуссар Иры 2019 азы хуыздæр бинонтæ

132
(ранӕуӕггонд 14:16 17.01.2020)
Æвзонг ныййарджытæ Дженик æмæ Олеся сæ цард сиу кодтой 22 азы размæ, амондджын бинонтæн ис фондз чызг æмæ цыппар лæппуйы

ЦХИНВАЛ, 16 янв - Sputnik, Плиты Фатимæ. Хуссар Ирыстоны ивгъуыд къуыри хатдзæгтæ скодтой конкурс "В детях счастье"-йæн. Республикæйы хуыздæр къайыл банымадтой Цхуырбаты бинонты – Дженик æмæ Олеся, сæ фондз чызг, цыппар лæппуйы æмæ сæ нана ссисты уæлахиздзаутæ.

Ӕртыццæджы Sputnik бабарæг кодта Хуссар Иры хуыздæр бинонты нывыл цард.

Бинонты кæстæр Марияйыл цæуы нырма æрмæстдæр фондз мæйы, хистæр Аделина чындзы фæцыд Дзæуджыхъæумæ.

Семья Цховребовых
© Sputnik / Наталья Айриян
Цхуырбаты бинонтæ

Аделина, Альма, Альда, Авель, Аслан, Хазби, Сослан, Мия æмæ Мария хъомыл кæнынц хæлар æмæ хъæрмуд бинонты ʻхсæн.

Ныййарджытæ сæрыстыр сты сæ хистæр чызгæй, иттæг хорз бæрæггæнæнтимæ фæцис скъола, университеты уыд президенты стипендиат, ныр та хистæры æнтыстытæ фæлхатт кæны сæ дыккаг чызг. Аннæтæ сæхи фæлварынц музыкæйы, спорты хуызты, хореографийы, хистæртæ æххуыс кæнынц сæ мадæн кæстæртæм кæсынæн.

Семья Цховребовых
© Sputnik / Наталья Айриян
Цхуырбаты бинонтæ

Стыр бинонты мад Олесяйыл цæуы æрмæстдæр 38 азы, йæ моимæ сæ цард сбастой 22 азы размæ.

"16 аз ыл махмæ сæххæст ис. Куы йæ базыдтон, мæ лæппу йæ раскъæфта, уæд фыццаг ныккатай кодтон, уымæн æмæ мæгуыр рæстæг уыд, зæххæнкъуысты тæккæ фæстæ. Дзауы нæ фатер ныппырх, цардыстæм мæнгагъуысты. Фæлæ йæ стæй мæхæдæг дæр тынг бауарзтон", - дзуыр чындзы ʻфсин Санахъоты Лиана.

Коммæгæс зæнæг, хорз уагахаст æмæ ахуыры хорз бæрæггæнæнтимæ хъæбултæй ныййарджытæ сты райгонд.

"Хистæр мын чындзы ацыд, æндæра мын уый дæр тынг æххуыс кодта кæстæртимæ. Алцыдæр Хуыцауæй дæтгæ у, Хуыцау нын схæлар кодта фондз чызг æмæ цыппар лæппуйы æмæ стæм амондджын бинонтæ. Ӕндæртау æз фæсмон ницæуыл кæнын, тынг æвзонгæй кæй ацыдтæн чындзы, мæ бинтонтæ сты мæ хæзна", - дзуры Олеся.

Семья Цховребовых
© Sputnik / Наталья Айриян
Цхуырбаты бинонтæ

Чындзимæ разы у æфсин дæр.

"Фæзæгъынц, куыд æххæссут уый æппæт зæнæгыл. Нæ уæ бауырндзæн, фæлæ уарзт алкæй фаг дæр кæны. Дыууæ чызг ма мын ис лæппуйæ дæрддæр, уыдонæй иуæн ис æртæ сывæллоны, аннæмæн та - цыппар. Уыдон дæр æрæджы уыдысты ам. Уый бæрц сабитæ уыд нæ хæдзары, цин æмæ амондæй хæдзар уыд дзаг", - зæгъы Лиана.

Сывæллæттæ иууылдæр сты хæлар, фæлæ иннæтæй чысыл къæбæдадæр зыны Сослан.

"Сослан нын æндæрхуызон у, чысыл къæбæдадæр æмæ æхсайгæзæрдæдæр. Кæстæртыл уымæй тынгдæр куы баузæлын, уæд æм хъыг кæсы", - дзуры мад.

Сывæллæтты фыд кусы МСНК-йы, сæ мад у медицинон хо, æфсин - дуканийы. Кæд стыр бинонтæ сты, уæддæр иннæтау хицауадмæ æххуысгур никуы бацыдысты.

В доме Цховребовых
© Sputnik / Наталья Айриян
Цхуырбаты бинонтæ

Зæххæнкъуысты Дзауы ныппырх ис сæ хæдзар, уый фæстæ ралыгъдысты Цхинвалмæ æмæ æрбынат кодтой æфсины ныййарджыты хæдзары. Уый та 2008 азы хæсты ныппырх. Фæцæф ис хæдзары хицау Хазби.

"Мæ мæгуыр æмкъай хæсты аирвæзт, фæлæ йæ цæфтæ фæстæдæр сниз кодтой æмæ тромбæй амард. Уæд чындз æнхъæлмæ каст сывæллонмæ, лæппу куы райгуырд, уæд ын ном радтой Хазби. Ацы хæдзар нын хицауад сарæзта хæсты фæстæ", - радзырдта æфсин.

Семья Цховребовых
© Sputnik / Наталья Айриян
Цхуырбаты бинонтæ

Уый ма бузныджы ныхæстæ зæгъта президент Бибылты Анатолий æмæ йæ æххæстбарджын минæвар Козаты Гульнарайæн.

Хуссар Иры стæм сты ахæм стыр зæнæгимæ бинонтæ, æртæ-цыппар саби цы бинонты ис, уыдон фæхонынц бирæсывæллонджын бинонтæ. Цхуырбаты бинонтæ сты хæрзконд, рæсугъд æмæ хæлар. Фæстаг рæстæджы та фæнд кæнынц срæвдз кæнын хорз мыггаг куыйты дард.

  • Цхуырбаты бинонтæ
    Цхуырбаты бинонтæ
    © Sputnik / Наталья Айриян
  • Цхуырбаты бинонтæ
    Цхуырбаты бинонтæ
    © Sputnik / Наталья Айриян
  • Цхуырбаты бинонтæ
    Цхуырбаты бинонтæ
    © Sputnik / Наталья Айриян
1 / 3
© Sputnik / Наталья Айриян
Цхуырбаты бинонтæ
132
Уалыты Ирбеджы тыллæджы дуне

Бынæттон джитъри æмæ помидор: Уалыты Ирбеджы тыллæджы дуне

141
(ранӕуӕггонд 16:09 25.09.2020)
Æвзонг амалиуæггæнæг куыд зæгъы, афтæмæй цы тыллæг æркодта, уыдон ауæй кæны улæфт бонты бынæттон базары. Хатт æм æлхæнæг æрбацæуы бынатмæ дæр

ЦХИНВАЛ, 19 сен – Sputnik, Дриаты Лейла. Хуссар Ирыстоны Цхинвалы районы Дыгъуызты хъæуы цæрæг Уалыты Ирбег столицæйы базар ифтонг кæны бынæттон халсарæй, йæ джитъритæ æмæ помидортæн æлхæнæг цæуы бынатмæ дæр. Куыстуарзаг лæгæн йæ амалиуæгад скусын кæнынæн фæахъаз ис 250 мин сомы кредитон фæрæзтæ, кæцытæ хицауад дæтты чысыл амалиуæгады райрæзтæн.

"Ахæм хъуыддагыл ныххæцын баст у бæрæг зындзинæдтимæ, хатт тас дæр вæййы, цы фæрæзтæ бахардз кæнай, уыдон дæр дзæгъæлы куы фæуой", - зӕгъы Цхинвалы районы цæрæг, æвзонг арендатор Уалыты Ирбег.

Ирбег цы хъуыддаг сфæнд кодта райдайын, уымæн æм æхцайы фæрæзтæ нæ уыд. Фӕлӕ бацæттæ кодта бизнес-программæ æмæ йæ балæвæрдта дыууæ азы размæ, æвзонг амалиуæггæнджытæ æмæ фермæтæн æххуысы тыххæй Экономикон райрæзты министрад цы сæрмагонд къамис сарæзта, уырдæм. Уыдон ын рахицæн кодтой 250 мин сомы, фӕлӕ уал уæдмæ æвзонг лæппу йæхи сæрмагонд зæххы фадыгыл, цы æхцайы фæрæзтæ йæм уыд, уыдонӕй самал кодта ӕмӕ сарæзта каркастæ. Фæлæ йын дарддæр æхца нал сфаг. Кредиты хуызы цы æхцатæ райста, уыдонæй та йӕ ӕркодта ӕмбӕлон уагмæ, йæ фæрстæ йын бамбæрзта целлофанæй, бауагъта йæм донхæргæнæн дон. Йæ сæр та йын сагъуыста лексанæй.

"Фыццаг аз дзы ныссагътон помидоры садзæнтæ ӕмӕ сӕ ауӕй кодтон. Дыккаг аз хъуыддаг фæрæвдздæр ис. Ирбег ныссагъта цæхæрайы сыфтæ æмæ алыгъуызон цъæхыгтæ. Тынг зæрдиагæй сæ истой нæ горæты кæрдзынтæ цы къæбицты кæнынц, уыдон хицæуттæ", - загъта Ирбег.

Ирбег куыд зæгъы, афтæмæй йæ хъӕрмуаты цы цæхæрайы сыфтæ зад, уыдон уыдысты экологон æгъдауæй сыгъдæг. Дыккаг азы тыллæгæй дæр райгондӕй баззад Уалыйы фырт, фæлæ уæддæр йæ фæрæзтæ уый бæрц нæма сты, цæмæй йæ хъӕрмуаты фæрстæ дæр лексанæй баива. Йæ целлофантæ арæх ныскъуыдтæ вæййынц, фæивы сæ рæстæгæй-рæстæгмæ.

Æвзонг амалиуæггæнæг куыд зæгъы, афтæмæй хъармуат капиталон арæзт куыннæ уа, уæд тæссаг у, цы куыстытæ кæны, уыдон дзӕгъӕлы куы фӕуой, уымæй. Уымӕн ӕмӕ тыхдымгæтæ æмæ ихуарттытæ куы вæййы, уæд хъӕрмуаты фæрстæ цы целллофантæй æмбæрзт сты уыдон ныскъуыдтæ кæны.

Амалиуæггæнæг ма куыд зæгъы, афтæмæй зæххы куыст чи кæны, уый хъуамæ алцæмæ дæр лæууа цырд. Иу бон дæр куыннæ бахизы йæ хъӕрмуатмæ, уæддæр ыл бæрæгæй фæзыны, иу куыст, дам иннæйы æййафы.

Ацы аз та Ирбег йæ хъæрмуаты байтыдта джитритæ, ӕмӕ памидортӕ.

"Æз хъæуты хъомыл кодтон. Мæ ныййарджытæ хуымæтæг зæхкусæг адæм сты. Мæхи цæстæй уыдтон мæ мад иу æрвылаз дæр уыцы иу бынаты куыд тыдта помидортæ æмæ джитритæ. Раст зæгъгæйæ, йын æвзæр нæ задысты, фæлæ уæд æрдз дæр æндæрхуызон уыд. Интернеты хызæджы хъæууон-хæдзарадон продукттæ æрзайыны сайттæ, куыд амонынц, афтæмæй алы аз дæр ивын хъæуы халсæртты бынæттæ, уæд, дам, хуыздæр тыллæг дæтдзысты", - зæгъы Ирбег.

Æвзонг амалиуæггæнæг куыд зæгъы, афтæмæй цы тыллæг æркодта, уыдон ауæй кæны улæфт бонты бынæттон базары. Хатт æм æлхæнæг æрбацæуы бынатмæ дæр.

141
Транскам

Фондз мæйы æхгæд æмбæрзæны: куыд аиуварс кодта Хуссар Ир йæхи COVID-19-æй

54
(ранӕуӕггонд 16:12 16.09.2020)
161 боны бӕрц Хуссар Ир цард æндæр уавæрты – республикæйы цæрджытæн Уæрæсемæ ацæуыны фадæттæ фæкъуындæг сты, пандемийы рæстæг ивта царды фæтк æмæ æргътæ

ЦХИНВАЛ, 16 сен – Sputnik, Плиты Фатимæ. Хуссар Ир фондз мæйæ фылдæр цард æхгæд арæнты, ацы æмгъуыд нæ республикæйæ Уæрæсемæ ацыд 1600 адӕймаджы, фæстæмæ йæ райгуырæн бæстæмæ æрыздæхт 13 апрелӕй 31 августмӕ 1500 адӕймаджы.

Sputnik æрæмбырд кодта фондз мæйы дæргъы Хуссар Ир куыд цард COVID-19-ы пандемийы тыххæй æхгæд арæнты, уый фæдыл æрмæг.

Пандемийы æндæвдад

Дунейы коронавирусы пандемийы ӕндӕвдад Хуссар Ирыстон рахатыд ацы аз марты мӕйы. Уӕд ахуырады министрад аскъуыддзаг кодта бакӕнын ӕппӕт ахуырадон уагдӕтты карантин. Ахуырады системӕ архайдтой сцайдагъ кӕнын дистанцион формат. 5-æм апрелӕй коронавирусы апарахаты тасӕй Хуссар Ирыстон ӕмӕ Уӕрӕсейы ʻхсӕн арӕныл ӕнӕ сӕрмагонд барамындӕй ацӕуӕн нал уыд.

Рахицæн æрцыд аст категори, кæцытæн бар уыд цæуын, сæ нымæцы æфсæдонтæ, дипломатон мисситы кусджытæ æмæ æндæр категоритæ. Фæстæдæр арæн ноджы фæкарздæр ис.

161 боны бӕрц Хуссар Ир цард æндæр уавæрты – Хуссар Ирыстоны цæрджытæн Уæрæсемæ ацæуыны фадæттæ фæкъуындæг сты. Марты кæронæй республикæйы цадæггай райдыдта ивын цард - тобæтæ фæзынд массон мадзæлттæ ауадзыныл, ахуырад цадæггай цыд дистанцион форматмæ, фæивта куыстуæтты график, республикæйы фæзынд кæцыдæр медикаментты цухдзинад, дуканиты æргътæ ивтой.

COVID-19-æй рынчынтæ

Карантины рæстæг райгуырæн бæстæмæ чи здæхт, уыдон хсæн разынд коронавирусæй рынчынтæ. Вирус – иу фæбæрæг ис Уæрæсейы ахуыргæнæндæтты бынæттон цы фæсивæд ахуыр кодтой, уыдон хсæн. Рынчынтæ иууылдæр уыдысты карантины. Фыццаг рынчыны республикæйы сбæлвырд кодтой 6 майы, кæцы Хуссар Ирмæ æрцыд 30 апрелы.

"Карантины рæстæг Ӕнæниздзинад хъахъхъæнынады министрад Уæрæсейы рынчындæттæм арвыста 165 адæймаджы. Ацы æмгъуыд тестты руаджы сбæрæг кодтой 90 рынчыны коронавирусæй, уыдон иууылдæр низ хастой рог формæйы", - загътой Sputnik Ӕнӕниздзинад хъахъхъӕнынады министрады пресс-службæйы.

Пандемийы рӕстӕгыл арӕны сӕртыл адӕмы змӕлд куыд цыд, уыдоныл афӕлгӕст сарӕзта Фӕсарӕйнаг хъуыддӕгты министрад.

"Иумӕйагӕй сисгӕйӕ 13 апрелӕй 31 августмӕ РХИ ФХМ хаххыл Хуссар Ирыстонмӕ ӕрцыд 939 адӕймаджы, Уӕрӕсемӕ ацыд 1600 адӕймаджы", - дзырдæуы сæ хъусинаджы.

Уымӕй дарддӕр ма Хуссар Ирыстонмӕ цыдысты ӕндӕр министрады уылтыл. Бæстон схемæ та у ахæм:

  • Ӕнӕниздзинад хъахъхъӕнынады министрады уылты -165
  • Мидхъуыддӕгты министрады хаххыл - 74
  • Хъахъхъӕнынады министрады хаххыл - 219
  • Уӕлвӕткон уавӕрты министрады хаххыл - 6
  • Паддзахадон ӕдасдзинады комитеты хаххыл- 39
  • Паддзахады хьахъхъӕды службӕ – 3

Имӕйагӕй ӕппӕт уагдӕттӕ уылты 13 апрелӕй 31 августмӕ Хуссар Ирыстонмӕ ӕрцыд 1500 адӕймаджы.

Карантины зонæтæ

Апрелы мæйы Хуссар Ирыстонмæ æрцæуæггæгтæ цыдысты æнæмæнг карантины уылты. Хуссар Иры фыдæр кодтой ахæм зонæтæ, рынчындоны цалдæр этажы фæстæ карантинон зонæ сарæзтой Гуырæн хæдзары зæронд бæстыхай, Дзау æмæ Знауры рынчындæттæ, Уазæгдон "Алан"-ы. Югосетпотребнадзор æрцæуæггæгтæн арæзта тесттæ, æдæппæтæй сæ нымæц уыд 5173.

Коронавирусы апарахаты ныхмæ тохы оперативон штабы 28 июля аскъуыддзаг кодтой фыццæгæм августæй æнæ карантинæй æрцæуыны фадат раттын тæссаг вирусæй чи фæрынчын ис, уыдонæн.

15 сентябрæй Хуссар Ирыстон æмæ Уæрæсейы хсæн арæныл фæндагон змæлд ацыд хуымæтæг режимы.

54
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0