Фермæ Знауыры районы

Фермер: фосдарды куыстæн Хуссар Иры ис алы уавæртæ дæр

55
(ранӕуӕггонд 18:15 11.02.2020)
Фосдарды хæдзарад райтынг кæнын цалдæр азы размæ бафæндыд Знауыры район Убиаты хъæуы цæрæг Мамиты Альберты. Йæ амондæн, уыцы рæстæджы хицауад уынаффæ рахаста, цæмæй фермерон хæдзарад райтынг кæнын кæй фæнды, уыдонæн æрцæуа æххуыс

ЦХИНВАЛ, 11 фев – Sputnik, Дриаты Лейла. Хуссар Ирыстоны фосдард чи кæны, уыдон нымæц фæстаг æзты бæрæг фæкъаддæр, хъæуты уадиссаг цæрджытæ кæй нал ис, уый аххосæй. Фæлæ хицауадæй чысыл æмæ астæуккаг амалиуæгады тыххæй кредиттæ чи исы хатырон уавæрты, уыдон дæр нæ фæнд кæнынц фермерон куыстытæ кæнынмæ. Экономикон райрæзты министрадмæ цы куырдиæттæ цæуы, уыцы бизнес-плантæ фылдæр сты хæлцадон продукты магазин æрбакæнын æмæ хъæрмуаттæ саразыны нысанæн.

Фосдарды хæдзарад райтынг кæнын цалдæр азы размæ бафæндыд Знауыры район Убиаты хъæуы цæрæг Мамиты Альберты. Зæрдиагæй йæ кæй фæндыд ацы хъуыддаг саразын, уый бæрæг уыд, йæхи фæрæзтæй уал цы сарæзта, уымæй дæр. Сарæзта фос кæм дардтаид, ахæм скъæт. Йæ ныййарджытæм цы цыппар стуры уыд, уыдон уал æрбакодта йæ фермæмæ. Хъуыдис фосы нымæц фæфылдæр кæнын æмæ Альберты амондæн уыцы рæстæджы хицауад уынаффæ рахаста, цæмæй фермерон хæдзарад райтынг кæнын кæй фæнды, уыдонæн æрцæуа æххуыс.Уый уыдис 2011 азы.

Мамиты Альбертæн дæр рахицæн кодтой 500 мин сомы æмæ дзы балхæдта 11 стуры. Афтæмæй йе стурты нымæц бæрæг фæфылдæр. Альберт фермерон куыст кæны йæ бинонты фæрцы, хæстæджытæй дæр æм чидæртæ сæ къух фæдаргъ кæнынц.

Альберт куыд зæгъы, афтæмæй фосдарды куыст ирон адæмæн фыдæлтæй фæстæмæ сæ туджы ис. Зæхкуыстимæ фосдарды куыст дæр сæ царды фæрæз уыд.

"Фосдард кæнынæн нæ республикæйы территорийыл кæд хорз уавæртæ ис, уæддæр цалынмæ фосдардмæ нæ бавналай, уæдмæ дæхи хъуамæ бафæрсай, уарзыс ацы хъуыддаг æви нæ. Бирæтæ фос скæнынц, фæлæ сæм æмбæлон хъусдард кæй нæ вæййы, уый фыдæй йын амæлынц. Дæ куыстæй, фыццаджыдæр, дæхи зæрдæ хъуамæ райа", - ахæм у йæ хъуыды Альбертæн.

Республикæмæ хъалмыхъаг фос куы æрластой æмæ сæ товарон кредиты хуызы куы лæвæрдтой, уæд уыдонæй Мамиты Альберт райста 51 сæры. Фæлæ ацы фосы мыггаг нæ климатон уавæрты, стæй ласгæ-ласын æфхæрд кæй баййæфтой уазæлтты, уый тыххæй нæ сæндидзыдтой. Цыппар сæры йын дзы куы амардис, уæд фæлтæрд фермер бамбæрста, уыдонæй кæй ницы пайда ис, æнæфтиаг сæ кæй фæуыдзæн æмæ сæ æвæстиатæй æрæвнæлдта æргæвдынмæ, сæ дзидза та сын ауæй кодта бынæттон базары. Сæ аргъæй сын балхæдта бынæттон стурты мыггагæй цалдæр сæры æмæ йын ныр йæ къух аразынц. Фермермæ ныртæккæ цы дуцгæ хъуццытæ ис, уыдон нымæц у 25. Иннæтæ та сты родтæ, дыгæрдгуытæ.

Æхсырæй ахсы цыхт, йæ сылы йын хæрын кæны хуытæн. Уыдон дæр ын дзæвгар уыдысты, фæлæ дыууæ азы размæ африкæйаг емынæ куы фæзынд, уæд ын аскъуыдысты æмæ сæ афтид абадт. Бынæттон ветеринарты фæрцы сын сæ бынат сдезинфекци кодта æмæ низæй тас куынæ уал уыд, уæд та дзæргъытæ дарын райдыдта.

Альбертæн йæ дæсныйад кæд ветеринар нæу, уæддæр сахуыр кодта ацы профессийы сусæгдзинæдтæ. Ныр йæ фосæн йæхæдæг аразы судзинтæ дæр, балхæны сын æнæмæнгхъæуæг хостæ æмæ цалынмæ нæ фæрынчын вæййынц, уæдмæ сын прививкæтæ саразы. Зымæгмæ сын æрцæттæ кæны фаг холлаг æмæ фос арвитынц сæ зымæг æдыхстæй. Æцæг, Альберт тыхсы, техникæйæ хъуаг кæй у, ууыл, фæкæсы йæм бынæттон "Агросервис", фæлæ уæддæр фермерæн хъуамæ уа йæхи сæрмагонд техникæ.

Ныртæккæ амалиуæггæнæджы йæ къух нæ амоны, цæмæй йæхи техникæйæ самал кæна. Хицауадæй цы æхцайы фæрæзтæ райста, уыдон фæстæмæ аздахинаг сты, фæлæ фидæны уыцы хъуыддаг йæ къухы куы бафта, уæд йæ фермерон куыст ноджы рауæрæхдæр кæндзæнис.

55
Красавица

Сгарджытӕ ӕмӕ ирвӕзынгӕнджытӕ: Хуссар Иры фондз зондджын куыдзы

37
(ранӕуӕггонд 12:13 08.07.2020)
Зондджын куыйтӕ ис уӕлвӕткон уагдоны ӕмӕ мидхъуыддӕгты министрады дӕлбар милицийы сӕрмагонд нысаниуӕгджын къордмӕ

ЦХИНВАЛ, 8 июл - Sputnik, Плиты Фатимӕ. Хуссар Ирыстоны дыууӕ уагдоны сконды ис кинологон службӕтӕ. Овчаркатӕ ӕмӕ лабрадортӕ рацагурынц срӕмудзӕн ӕрмӕг, давӕггӕгтӕ, ссарынц фыдбылызы бахауӕг адӕмы.

Фондз зондджын куыдзы

Зондджын куыйтӕ ис уӕлвӕткон уагдоны ӕмӕ мидхъуыддӕгты министрады дӕлбар милицийы сӕрмагонд нысаниуӕгджын къордмӕ. Фондз куыдзы бӕрны ис агурӕн операцитӕ - тӕссаг срӕмудзӕн ӕрмӕг ссарын ӕмӕ сӕрмагонд хӕслӕвӕрдтӕ.

Кинолог ОМОН с овчаркой Арзой
© Sputnik / Natalia Airiyan
Кинолог Тулойты Георгийы йæ куыдз Арзаимæ

Цыппаркъахонтӕй ӕртӕ ис МСНК-мӕ, дыуууӕ та УУМ-мӕ. Фыццаг ӕртӕ - Красавица, Арза ӕмӕ Рокийы ӕнтыстытӕм бахӕлӕг кӕндзысты сгарджытӕ, адӕймаг йӕ сӕр цӕуыл фӕцъӕл кӕны, уыдон куыдзы смудӕнтӕ базонынц уайтагъд. Фӕлӕ ацы хъуыддаджы дӕр æнӕ адӕймаджы ӕххуысӕй нӕу - зондджын куыдз кусы йӕ хицауимӕ тандемы.

Красавица æххæст кæны резонансон хъуыддӕгтӕ

Республикӕйы иууыл куыстхъомдӕр тыхон дӕлхайад - МСНК-ӕн йе 'ртӕ куыдз дӕр ӕмдзу кӕнынц йемӕ. Сӕ куыйты хистӕр - Красавицайыл цӕуы дӕс азы. Коммӕгӕс куыдзӕй сӕрыстыр у йӕ хицау.

"Красавица раргом кодта 15 уголовон хъуыддаджы. Йӕ фӕрцы ссардтой бастдзинады компани "Мегафон"-ы ӕртӕ милуаны. Раргом кодта ӕрӕджы юстицийы министры хӕдзармӕ бабырсджыты дæр. Дӕс хъуыддагӕй фондз сӕххӕст кӕны куыдфӕндыдӕр", - радзырдта кинолог Тулойты Георгий.

Красавица ӕмӕ йе 'мбӕлттӕ Арза ӕмӕ Роки куыдзы цард нӕ кӕныныц, цыппаркъахонтӕн ис хорз уавӕртӕ - вольертӕй дарддӕр ма сын ӕрӕджы мидхъуыддӕгты министрад сарӕзта тезгъойы фӕзуат, ис сын сæхи найӕн бынат дæр хъарм донимӕ.

Арза - Уӕрӕсейы чемпион

Ӕртӕаздзыд Арза та у хӕцӕнгарз ӕмӕ срӕмудзӕн ӕрмӕг агурыны специалист. Цалынмӕ ахсджиаг мадзӕлттӕ ауадзыны бынатмӕ хицауады делегацитӕ, адӕм ӕмӕ бӕрнон уазджытæ бацӕуынц, уӕдмӕ Арзайы фындз уым хъуамӕ дызӕрдыггагӕй мацы ссара, уый басгары бынат.

Кинологи Южной Осетии
© Sputnik / Natalia Airiyan
Кинолог Тулойты Георгийы йæ куыдз Арзаимæ

"Арза у немыцаг, балхӕдтой йӕ Ростовы. Уый фӕстӕ фондз мӕйы ахуырмӕ уыдыстӕм иумӕ Ростовы кинологон центры. У Уӕрӕсейы чемпион, уыцы ерысты архайдтой 300 минӕвары канд Уӕрӕсейӕ нӕ, фӕлӕ ма раздӕры советон республикӕтӕй дӕр. У нывыл куыдз, фæлæ æхсайгæзæрдæ, мӕнмӕ ӕввахс никӕй уадзы", - бафтыда уый.

Йӕ хицауы хӕслӕвӕрдтӕм гӕсгӕ иу уысммӕ куыдз ссары ӕмбӕхст хӕцӕнгарз, фӕлӕ йӕм ӕвналгӕ нӕ кӕны, ӕрмӕст йӕ фарсмӕ ӕрбынат кӕнын, науӕд йӕ фарсмӕ ныррӕйы.

"Ацы куысты ма тынг ахсджиаг у, цӕмӕй куыдз ӕмӕ йӕ хицау кӕрӕдзи хорз ӕмбарой, афоныл рахатай, цы дын ӕмбарын кӕны, уый", - загъта Георгий.

Арза куысты рӕстӕджы нӕ уарзы йӕ фарсмӕ бирӕ адӕмы змӕлд, фӕлӕ йæ уӕддӕр дыууӕ минут дӕр нӕ хъӕуы, цӕмӕй ссара нӕмгуыты тыхтон, ӕмӕ ма уый размӕ цы бынаты уыдысты ӕвӕрд, уый дӕр рахатын.

МСНК-ы æртыккаг куыдз Рокийæн йæ къухдариуæггæнæг ис отпускы, уымæ гæсгæ йæ бон нæу равдисын йæ арæхстдзинад æмæ хъыгзæрдæйæ кæсы йæ каубыд чырынӕй.

Ирвӕзынгӕнджытӕ Эра ӕмӕ Лита

Дыууӕ куыдзы - Эра ӕмӕ Лита та 2014 азӕй фӕстӕмӕ сты Уӕлвӕткон уавӕрты министрады структурӕйы сконды. Уыдон сты хӕххон уавӕрты зӕйты бын адӕмы агурыны специалисттӕ.

Лабрадоры на базе МЧС РЮО
© Sputnik / Natalia Airiyan
Эра ӕмӕ Лита

Кӕд уыдон дӕр хӕдзарвӕндагӕй бафауинаг не ʻсты, уӕддӕр афоныл хорз ахуырад нӕ райстой, уымӕ гӕсгӕ сӕ нывыл специалисттӕ нӕ рацыд. Куыйтӕ сты Хаситы Аланы дӕлбар.

"Афоныл семӕ фылдӕр хъуыд кусын, уӕд сын хуыздӕр ӕнтыстаид. Сӕ нысан у, зӕйты бын цы адӕм бахауд, уыдон ссарын", - загъта уый.

Ныридӕгӕн чызджытӕ Эра ӕмӕ Лита арӕх нӕ архайынц операциты, фæлæ уӕлвӕткон уагдоны кусджыты зӕрдӕ рухс кӕнынц хорз уагахастӕй.

Кинологи Южной Осетии
© Sputnik / Natalia Airiyan
Хаситы Алан йæ куыйтимæ
37
Плиты Георгий

Рагӕй йӕм ӕмбӕлд: Национ телеуынынады амонӕгӕн балӕвар кодтой фатер

585
(ранӕуӕггонд 17:24 03.07.2020)
Ивгъуыд мӕй Хуссар Иры ЦАРЗ-ы микрорайоны уӕвӕг ӕмдзӕрӕндоны цӕрджытӕ райстой фатертӕ, амондджын бинонты хсӕн Плиты Георгий дӕр, уый йӕ райгуырдӕй фӕстӕмӕ цӕры ӕххуырст хӕдзӕртты

ЦХИНВАЛ, 3 июл — Sputnik, Плиты Фатимӕ. Хуссар Ирыстоны паддзахадон телеуынынады информацион алӕвӕрдты амонӕг Плиты Георгий райгуырдӕй фӕстӕмӕ ӕххуырст хӕдзӕртты цӕрыны фӕстӕ бацис йӕхи къуымы хицау. Амондджын бинонтӕ абон сӕ муртӕ хӕссынц ног цӕрӕнуатмӕ.

Ивгъуыд мӕй Хуссар Иры ЦАРЗ-ы микрорайоны уӕвӕг ӕмдзӕрӕндоны цӕрджытӕ райстой фатертӕ.

"Ӕмдзӕрӕндоны цӕрджытӕ мӕ хъысмӕтыл ӕрцахуыр сты, кӕд нӕ хъӕлӕс райхъуысы, уӕддӕр ӕвзӕрстыты рӕстӕджы. Уымӕ гӕсгӕ ацы цау ссис ӕнӕнхъӕлӕджы бӕрӕгбонау. Диссаджы скъуыддзаг - паддзахад у адӕмӕн", - радзырдта Sputnik йӕхӕдӕг Георгий.

Амондджын номхыгъдмӕ цы адӕм бахауд, уыдонмӕ мӕйы размӕ фӕуазӕг ис сӕрмагонд къамис ӕмӕ райдыдта ӕмбырд кӕныны гӕххӕтытӕ.

Георгий Плиев
Плиты Георгий

"Фыццаг сӕм хъус дӕр не ʻрдардтон, уый бӕрц ӕзты дӕргъы рацахуыр стӕм хорздзинадмӕ ӕнхъӕлмӕ кӕсын. Иугай-дыгай нӕм сидтысты горӕты администрацимӕ. Банхъардтой бацӕттӕ кӕнын гӕххӕтытӕ фатер райсынмӕ. Уыцы хъуыддаджы дӕр уый бӕрц рӕвдз нӕ разындтӕн, фӕлӕ мын ӕххуыс кодтой сӕхӕдӕг, афтӕ ӕртӕхатӕнон фатеры хицау бадӕн", - загъта уый.

Плиты Георгийы ныхӕстӕм гӕсгӕ, ахӕм амондджынтӕ уыдон ныр бирӕйӕ сты.

"Фыр цинӕй нӕ арӕм хъӕугӕ ныхӕстӕ, ӕрмӕст цӕуӕм гом мидбылхудтимӕ. Ацы цин у президент Бибылты Анатолий лӕггад. Цыфӕнды ма дзурой, ацы адӕм гуырдзыйы националисттӕй куы лыгъдысты, уӕдӕй нырмӕ, 30 азы дӕргъы фыццаг хатт рахатыдысты, рӕстдзинад кӕй ис", - бафтыдта Георгий.

Лӕппу йӕ мады мад ӕмӕ чысыл хо Марияимӕ ныр ног бынатмӕ цадӕггай лидзынц. Фыццаг уал ног фатеры ӕрфысым сты Георгийы сӕйраг хӕлӕрттӕ - чингуытӕ.

"Мӕ мад ахуырмӕ ӕрцыд 1991 азы Гуырзыстонӕй, ӕмӕ ам баззад, 1994 азы ӕз райгуырдтӕн. Мӕхи цы зонын, уый цардыстӕм ӕххуырст фатерты, куы нал ӕххӕссыдыстӕм нӕ хӕрдзтыл, уӕд ӕмдзӕрӕндонмӕ балыгъдыстӕм. Ӕрмӕст дӕр ацы фӕндаг чи рацыд, уый бамбардзӕн дӕхи къуым ссарыны цин", - загъта уый.

Хорздзинӕдтӕ ныр Плиты Георгийы бинонтӕм фемхиц сты, ӕмӕ сӕ ног къуыммӕ райстой лӕвар пианино Хуссар Ирыстоны минӕварады кусӕг, поэтессӕ Уалыты Зарайӕ.

Плиты Георгийы царды ӕввӕрццаг ивындзинӕдтыл цин кӕнынц йӕ коллегӕтӕ дӕр.

"Ӕцӕг йӕм ӕмбӕлд. Бинонтӕ сты тыхст уавӕрты. Паддзахад йӕ лӕггадӕн хуыздӕр ӕмӕ ӕмбӕлгӕдӕр адресант не ссардтаид",- загъта паддзахадон телеуынынады директоры хӕдивӕг Козаты Дзерассӕ.

ЦАРЗ-ы зӕронд ӕмдзӕрӕндоны бӕстыхай у аварион, йӕ бынаты хъавынц саразын ног корпус.

585
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0