Наталья Дриаты

Цъындатӕ ӕмӕ хӕлцад: куыд ӕххуыс кодта фронтӕн Дриаты Наталья

115
(ранӕуӕггонд 13:24 04.05.2020)
Зынгӕ революционеры фӕдон, йӕ кармӕ ӕнӕкӕсгӕйӕ цӕрдӕг сылгоймаг Дриаты Наталья йӕ 89 азы къӕсӕрыл уырнын кӕны, йӕ зӕрдыл кӕй дары дунейы тугкалӕндӕр хӕстытӕй иуы алкӕцы бон дӕр

ЦХИНВАЛ, 4 май – Sputnik, Плиты Фатимæ. Зынгӕ революцион архайӕг Дриаты Антоны фырт Алексийы чызг, Стыр Фыдыбӕстон хӕсты фӕсчъылдымы архайӕг Дриаты Наталья цӕры Ленингоры районы Захъхъоры хъӕуы. Карджын сылгоймаг радзырдта Sputnik, сывӕллон уӕвгӕйӕ, уыдон куыд куыд фыдӕбон кодтой Стыр Фыдыбӕстӕйон хӕсты архайджыты цард тохы быдыры фӕрог кӕныны тыххӕй.

Дриаты Наталья райгуырд Ленингоры районы Абреуы хъӕуы 1931 азы 14 майы.  Йӕ мысинӕгтӕ райдайы йӕ номдзыд фыдӕлы коййӕ.

Наталья Дриаты
© Sputnik / Natalia Airiyan
Наталья Дриаты

Хуссар Иры стӕм адӕймаг ис ссарӕн, кӕцы нӕ фехъуста, науӕд та нӕ базарад адӕмон зарӕг "Дзауы уӕрдӕттӕ". Адӕмон хъайтар, фыццаг уырыссаг революцийы архайӕг, Лехурайы комы ӕфсады разамонӕг Дриаты Антон уыд Натальяйӕн йӕ фыды фыд. Уый фӕмард ӕнӕмсӕр тохы  Цхилоны хъӕумӕ хӕстӕг хъазахъты ӕрхъулайы фӕстиуӕгӕн. Хъайтары номыл райгуырд  Антоны зарӕг, науӕд та "Дзауы уӕрдӕттӕ".

"Зарӕг иу хатт Цхинвалы фехъуыстон, уӕд ӕрӕлӕуыдтӕн ӕмӕ йӕм хъуыстон, сӕрыстыр  уыдтӕн алыхатт дӕр мӕ фыды фыдӕй. Мӕгуыр адӕмы сӕрыл тох кодта. Стӕй иу ӕй адӕм дӕр тынг зыдтой ӕмӕ дзы буц уыдтӕн алкӕддӕр", - дзуры Наталья.

Йӕ 89 азы къӕсӕрыл, йӕ кармӕ ӕнӕкӕгӕйӕ цӕрдӕг сылгоймаг уырнын кӕны, йӕ зӕрдыл кӕй дары дунейы тугкалӕндӕр хӕстытӕй иуы алкӕцы бон дӕр.

"Стыр бинонтӕ уыдыстӕм - авд хо ӕмӕ иу ӕфсымӕр, ӕз уыдтӕн ӕртыккаг. Дӕс азы мыл цыд. Нӕ сыхаг нӕм фехъусын кодта, зӕгъгӕ, райдыдта хӕст ӕмӕ цӕуы мобилизаци. Мӕ фыд Алекси уыд хъӕуы колхозы сӕрдар. Уый, куыд хъӕуы хицау, афтӕ йӕ нӕ акодтой хӕстмӕ, фӕлӕ ӕппӕт тыхтӕ радта форонтӕн лӕггадмӕ", - мысы сылгоймаг.

Йӕ ныхӕстӕм гӕсгӕ, тынг зын рӕстӕг ӕркодта куыд хӕсты быдырмӕ чи ацыд, афтӕ фӕсчъылдымы архайджытӕн дӕр.

"Мах иууылдӕр куыстам: хус кодтам дыргътӕ, цъындатӕ быдтам, ӕххуыс кодтам нӕ нанатӕн. Мӕгуыр рӕстӕг уыд, сӕкӕр дӕр кӕм уыд, уымгӕ гӕсгӕ сагътам цӕхӕра. Уыцы рӕстӕджы ма уыд партизантӕ, кӕцытӕ хъахъхъӕдтой хъӕу ӕмӕ ма сӕ хъус дардтой, цӕмӕй фронтӕй ма рахъуызой, уымӕ. Уыдонӕн дӕр аходӕн мах арызтам", - дзуры йӕ мысинӕгтӕ Наталья.

Стыр Уӕлахизы рӕстӕджы Наталья Алексийы чызг уыд фӕндзӕм къласы.

"Мах иууылдӕр фыдӕбон кодтам сывӕллонӕй-стырӕй. Нӕ муртӕ нын стӕй посылкӕты рвыстой фронтмӕ. Абон дӕр ма йӕ хъуыды кӕнын, куыд нӕм ӕрыхъуыст Уӕлахизы кой, уырнгӕ дӕр нӕ нал кодта фыр цинӕй", - дзуры сылгоймаг.

Скъолайы фӕстӕ Дриаты Наталья фӕцис ахуыр Тбилисы, уый фӕстӕ куыста хъомылгӕнӕгӕй, 1954 азы та фӕцыд чындзы Захъхъоры хъӕумӕ, уым трассӕйы дӕлвӕндаг чысыл райдзаст къуымы цӕры абон дӕр.

"Схъомыл кодтон 6 сывӕллоны, ис мын авд хъӕбулы хъӕбулы, уыдонӕн та ноджы ӕхсӕз. Мӕхи амондджын сылгоймагыл нымайын", - загъта уый.

© Sputnik / Natalia Airiyan
Наталья Дриаты

Фондз азы размӕ Дриаты Натальяйӕн ӕрбахастой майдан дӕр - юбилейон хорзӕх нывонд у Стыр Фыдыбӕстон хӕсты Уӕлахизыл 70 азы сӕххӕстӕн. Сылгоймаг ныр бирӕ ӕзты дӕргъы нал уыд Цхинвалы Уӕлахизы парады, йӕ бӕллиц у ацы аз йӕм уӕддӕр ныфтын.

115
Хъабанты бинонты хӕдзарад

Куыст цардӕн фӕрӕз: цӕй фӕрцы дидин калы Хъабанты бинонты хӕдзарад

46
(ранӕуӕггонд 13:00 01.06.2020)
Хъабанты Хъазбег æмæ йе ‘ртæ фырты сæ хæдзарады фæллой кæнынц иузæрдионæй, зындзинæдтæ мурмæ дæр нæ дарынц æмæ уымæ гæсгæ иу æнтыст иннæйы фæдыл æфты сæ къухты

ЦХИНВАЛ, 1 июн — Sputnik, Дриаты Лейла. Хъабанты бинонты фермерон хæдзарад Цхинвалы районы Къостайы хъæуы афтæ бирæ рæстæг дæр нæ уæвынад кæны, фæлæ куыстуарзаг адæймаг йæ куыстмæ бæрндзинады цæстæй куы кæса, уæд ын кæддæриддæр уыдзæн æнтыст, йæ куысты фæстиуджытæй рухс кæндзæн йæ зæрдæ.

Хъабанты Хъазбег æмæ йе ‘ртæ фырты сæ хæдзарады фæллой кæнынц иузæрдионæй, зындзинæдтæ мурмæ дæр нæ дарынц æмæ уымæ гæсгæ иу æнтыст иннæйы фæдыл æфты сæ къухты. Сæ зæххы фадыджы ныссагътой фæткъуы, кæрдо, бал, атъамийы талатæ, афтæ ма сæнæфсир дæр æмæ уыдон ныридæгæн райдыдтой тыллæг дæттын,. Цух нæ вæййы сæ зæххы фадыг пъамидор, джитъри æмæ æндæр цæхæрадоны культурæтæй дæр, базилынц сæм хорз æмæ тыллæгæрзадæй барухс вæййы сæ зæрдæ.

Хъабанты бинонты хӕдзарад
© Sputnik / Дриаты Лейла
Хъабанты бинонты хӕдзарад

Ивгъуыд аз бинонтӕ сарæзтой 6-хатæнон цæрæн хæдзар, хъæуы ма дзы арæзтадон-цалцæггæнæн куыстытæ мидæгæй. Сæхи тыхтæй æруагътой рухсы хахх æмæ ныр ууыл дæр нал тыхсынц. Дзæвгар фыдæбон кодтой доны цухдзинады тыххæй, кæстæр фырт Батрадз дард ранæй дон ласгæ кодта æмæ тынг тыхстысты.

Сфæнд кодтой уыцы хъуагдзинад дæр аиуварс кæнын æмæ сын æнтысгæ дæр бакодта сæхи тыхтæ æмæ фæрæзты фæрцы. Ныр пайда кæнынц, йæ гъæдмæ гæсгæ иттæг хорз чи у, ахæм нуазыны донæй, пайда дзы кæнынц хардз кæнынæн дæр. Батрадз фæкæсы сыхæгтæм дæр, баласы сын йæхи техникæйыл дон.

Æнæмæнгхъæуæг уыд æркæнгæ тыллæг æмбæлон бынаты бафснайын æмæ уый дæр срæвдз кодтой. Уый фæрцы се ркæнгæ хъæууонхæдзарадон культурæтæ бабæстон кæнынц егъау бынаты.

Сæ зæххы фадыг нырмæ уыд 0,40 га, фæлæ ма йæм ноджыдæр бафтыдтой æмæ йæ иумиаг фæзуат у 0,70 га Ацы бонты кусынц йӕ сæмбонд кæныныл æмæ дзы уæд та райдайдзысты хуыдæттæ аразын.

ФОСДАРДЫ КЪАБАЗ

Хæдзарадмæ хъуццытæ ис 4, уыдонæй уал ноггуырд родтæ ис дыууæйæн, сты хæрзхаст. Ӕввахс рæстæджы ма ноггуырдтæм бафтдзæн ноджыдæр иу ахæм. Сæ хъуыдыйы ис, цæмæй стурты нымæц дæр фæфылдæр кæной. Нæу æнцон хуыдарды куыст кæнын, бирæ тых домы йæ хицауæй, фæлæ зындзинæдтæй нæ тæрсынц хæдзарады уæнгтæ.

Хъабанты бинонты хӕдзарад
© Sputnik / Дриаты Лейла
Хъабанты бинонты хӕдзарад

Дзæргъытæ сæм нымадæуы 8 æмæ уыдонæй æхсæзæн æввахс рæстæджы уыдзæн хъыбылтæ.. Хъыбылтæй фæлхасгæнджытæ ахастой 30, сæ домæнтæ ма сæххæст кæндзысты 20 фæлхасгæнæгæн. Хæдзарад кæны фысдарды куыст дæр æмæ азæй-азмæ сæ нымæцыл æфты. Ныртæккæ сæм фыстæ ис 140 æмæ уæрыччытæ та 70. Уалдзыгон хъарм бонты кæрдæг хорз сырæзт æмæ сæумæрайсомæй суанг изæрмæ фæхизынц сæрвæты.

ÆФСИРОН КУЛЬТУРÆТÆ

Ацы фермерон хæдзарад йæ уæвынадæй фæстæмæ алы аз дæр байтауы æфсирон культурæтæ æмæ сæ тыллæгæй барухс вæййы сæ зæрдæ. Ивгъуыд аз тыхджын ихуард кæй уыд, уый фæстиуæгæн хуымты тынг бахъыгдардта æмæ сæ тыллæг нæ райста.

Уӕд Мæздæджы сфæрæз кодтой мæнæуы хорз мыггаг, уый æртæ азы дæргъы дæтты хъæздыг тыллæг, стæй та йæ ногæй хъæуы баивын. Уæд фæззæджы рæстæгыл фæцырд сты æмæ фæззыгæнд мæнæу байтыдтой 12 гектары фæзуатыл, а-уалдзæджы та сын хъæбæрхоры культурæ тыд æрцыд 15 га. Байтыдтæ цæмæй æмбæлон æгъдауæй рæзой, хызт уой алыгъуызон зианхæссæг уырынгонтæй, уый тыххæй дæр сæххæст кодтой агротехникæйы фæткойтæ. Хæдзарады уæнгтæм дарддæры куысты хуыздæр фæстиуджытæ бафтын кæныны тыххæй ис бирæ фæндтæ æмæ сын уæд æнтыстытæ.

46
Федтон мӕ Ир ӕмӕ бакастӕн чиныг: спортсмен ӕмӕ студент карантины тыххӕй 

Федтон мӕ Ир, бакастӕн чиныг: спортсмен ӕмӕ студент карантины тыххӕй 

149
(ранӕуӕггонд 14:16 27.05.2020)
Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны

ЦХИНВАЛ, 27 май - Sputnik, Плиты Фатимӕ. Санкт-Петербурджы уӕвӕг Михайловскы ӕфсӕддон артиллерион академийы студент, армспортӕй дуне ӕмӕ ӕппӕтуӕрӕсеон турнирты уӕлахиздзау Плиты Батрадз йӕ райгуырӕн бӕстӕмӕ ӕрцыд ӕмӕ дыууӕ къуыри арвыста карантины. Спортсмен радзырдта Sputnik, куыд арвыста ацы ӕмгъуыд, уый тыххӕй.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны.

"Ацы академийы Цхинвалӕй ахуыр кӕнӕм 15 адӕймагӕй. Мах ӕрцыдыстӕм 5 майы ӕмӕ рынчындоны ӕрбынат кодтам. Алы палатайы дӕр уыдыстӕм фондзӕй. Интернет нын уыд, бынтон хорз гъӕдимӕ нӕ уыд, фӕлӕ нӕхи куыддӕрты ирхӕфстам", - дзуры уый.

Батрадз банысан кодта, ӕвӕндӕй изоляцийӕн кӕй ис ӕвӕрццаг ӕууӕлтӕ дӕр. 

"Дыууӕ къуыри лӕг цы хъуамӕ арӕзтаид, ӕмӕ райстон ӕмӕ бакастӕн англисаг фыссӕг Мария Кореллийы чиныг "Скорбь Сатаны". Ӕнӕ изоляци мӕ уымӕ не рывдӕлдаит", - худы лӕппу.

Ахуырмӕ ацӕуыны размӕ Батрадз архайдта армспорты, у Уӕрӕсейы ӕмӕ дунейы фыццагадты ӕвзист призер. 85 кг архайгӕйӕ уыд Хуссар Ирыстоны армрестлингы секцийы хуыздӕр спортсментӕй иу.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн Санкт-Петербурджы академийы дӕр бар радтой, цӕмӕй спорты дӕр йӕ архайд ма ныууадза. Ацӕугӕ аз ссис ацы горӕты чемпион армрестлингӕй, фӕлӕ йӕ дарддӕр ерыстӕм нал ауагътой.

"Плиты Батрадз у мӕ хъомылгӕнинӕгты фидардӕртӕй сӕ иу, уымӕй раппӕлинагдӕр та у куыд адӕймаг афтӕ - иу азмӕ хорз ном скодта йӕ ахуыргӕнӕндоны дӕр. Йӕ ахуыр, физикон цӕттӕдзинад ӕмӕ зондахаст сты уым дӕр фӕзминаг. Кӕд нӕ секцийӕ фӕиппӕрд, уӕддӕр спортыл дӕр йӕ зӕрдӕ не 'сивта", - радзырдта лӕппуйы тренер Джиоты Валерий.

Батрадзы ныхӕстӕ гӕсгӕ, уый бирӕ рӕстӕг баззад ӕцӕгӕлон бӕстӕйы ӕмӕ тынг ӕрымысыд Ирыстон. 

"Ацы вирус куыннӕ уыдаид, уӕд августмӕ уым уыдаин. Иуӕй мын ӕхсызгон у, раздӕр кӕй ӕрцыдтӕн Ирыстонмӕ, мӕ риуы бӕрц сулӕфыдтӕн. Мӕ бӕстӕ федтон ӕмӕ мӕхимӕ 'рцыдтӕн", - загъта Батрадз.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн йӕ карантины ӕмгъуыд фӕцис ӕмӕ ныр сӕрибарӕй тезгъо кӕны республикӕйы рӕсугъд къуымты.

149
Рауагъдон бал

Хуссар Ирыстоны равзӕрстой фӕстаг дзӕнгӕрӕг ӕмӕ рауагъдон балы датӕтӕ

137
(ранӕуӕггонд 21:26 02.06.2020)
Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ

ЦХИНВАЛ, 2 июн - Sputnik, Плиты Фатимӕ. Хуссар Ирыстоны ахуырады министрады равзӕрстой фӕстаг дзӕнгӕрӕг ӕмӕ рауагъдон балы датӕтӕ, фехъусын кодтой Sputnik уагдоны пресс-службӕйы.

Хуссар Иры рауагъдонты сӕйраг бӕрӕгбонон мадзӕлтты датӕтӕ не 'нтыст сбӕлвырд кӕнын коронавирусы апарахаты тасӕй тобӕтӕ хынцгӕйӕ.

"Развӕлгъау сбӕлвырд кодтам 17 июны ауадзын фӕстаг дзӕнгӕрӕг ӕмӕ 18 июны та рауагъдон бал. Раздӕрау та йӕ организаци фӕнд кӕнӕм бакӕнын сывӕллӕтты сфӕлдыстадон галуаны бӕрны. Фӕлӕ уыдон дырыс датӕтӕ не сты ӕмӕ сӕ ауадзын баст уыдзӕн коронавирусы фӕдыл уавӕримӕ", - загътой пресс-службӕйы.

Рауагъдон бал хицӕнӕй ауадзынц ӕрвылаз Дзауы районы дӕр.

"Дзауы районы ахуырдзаутӕн сӕ бал республикӕйы скъолатимӕ иумӕ Цхинвалы банхъардзысты ауадзын, фӕлӕ ацы фарст нырма скъуыддзаг нӕу", - загътой ахуырады министрады.

Хуссар Ирыстоны ацы аз скъолайӕн хӕрзбон зӕгъдзысты 468 ахуырдзауы, уыдонӕй цыппар иттӕг хорз нысӕнттыл. Иу чызг у сызгъӕрин майданмӕ претендент. Цыппар иууыл хуыздӕр бӕрӕггӕнӕнтимӕ ахуырдзауы сты гимназитӕ "Рухс" ӕмӕ "Альбион"-ӕй.

137