Хуссар Иры хъӕуы цӕрӕг:

Хуссар Иры хъӕуы цӕрӕг: хӕст мӕ ӕрӕййӕфта быдыры

64
(ранӕуӕггонд 11:17 23.06.2020)
96-аздзыд Ӕлборты Вера хӕсты агъоммӕ хъомыл кодта ӕнгом бинонты хсӕн - ӕртӕ хо ӕмӕ ныййарджытимӕ, фӕлӕ стӕй йӕ фыд баззад тохы быдыры, мад ӕвзӕр низӕй фӕрынчын ӕмӕ чызджы бӕрны баззадысты йӕ кӕстӕр хотӕ

ЦХИНВАЛ, 22 июн – Sputnik, Плиты Фатимӕ. Цхинвалы районы Тъбеты хъӕуы карджын цӕрӕг Ӕлборты Вера хорз хъуыды кӕны Стыр Фыдыбӕстон хӕсты райдайӕн ӕмӕ Уӕлахизы бон. Ӕвзонг чызгӕй бавзӕрста ӕххормаг ӕмӕ гӕвзыкк цард, сӕ хӕдзары дарӕг та тохы быдырӕй нал ӕрыздӕхт.

79 азы размӕ 22 июны ӕхсӕвы Германы ӕфсад ӕрбабырста Советон Цӕдисмӕ. Хабары фӕдисонтӕ хӕццӕ кодтой Ирыстоны алы къуымтӕм. Хӕсты тыххӕй Ӕлборты бинонтӕм фӕхъусын кодта барӕг.

"Уисты (Цънелис) хъӕуы быдыры кусгӕйӕ нӕ ӕрӕййӕфта хӕсты райдайӕн. Барӕг ӕрбацыд ӕмӕ нын загъта ацы хабар", - радзырдта карджын сылгоймаг.

96-аздзыд сылгоймаг хӕсты агъоммӕ хъомыл кодта уарзӕгой бинонты хсӕн, ӕртӕ хо ӕмӕ ныййарджытимӕ. Уый, зӕнӕджы хистӕр уыцы рӕстӕг уыд Медицинон техникумы студенткӕ, фӕлӕ уӕззау рӕстӕг чызджы бахъуыд ӕндӕр хӕстӕ йӕхимӕ райсын ӕмӕ ныуууагъта йӕ ахуыр дӕр.

"Мӕ фыд Григорий ацыд хӕстмӕ, мӕ мадӕн йӕ цӕсты фӕзынд ӕвзӕр низ. Мӕ фыд ма йӕ фӕстаг фыстӕджы тохы быдырӕй дӕр мӕнӕн фӕдзӕхста бинонты, мӕн бахъуыд ныууадзын мӕ ахуыр. Цардыстӕм мӕгуыр, ӕххормаг ӕмӕ ӕнӕдарӕсӕй", - мысы Ӕлборон.

Уый ма, йӕ кармӕ ӕнӕкӕсгӕйӕ, хорз хъуыды кӕны хӕсты кӕрон дӕр - иутӕ цины ӕнкъарӕны бын куы фесты, аннӕты зын та Уӕлахиз дӕр кӕй нӕ нымӕг кодта.

"Колхозы ӕмбырд уыд ӕмӕ уым фехъусын кодтой, хӕст кӕй рамбылдта Советон Цӕдис. Махӕн нӕ фыд нал ӕрыздӕхт тохӕй, ӕмӕ ма сыхаг усӕн дӕр йӕ мой фӕмард хӕсты. Уыдон ӕмбырды фисыны лӕууыдысты ӕмӕ ӕмырӕй цӕссыг калдтой, ӕз дӕр мӕхи сӕ цурмӕ байстон ӕмӕ куыдтон", - бафтыдта уый.

Уый фӕстӕ сылгоймаг йӕ цард баиу кодта тъбеттаг лӕппу Малакиимӕ. Фӕлӕ хӕсты фӕстӕ дӕр сылгоймаджы бирӕ бӕллӕхтӕ баййӕфтой. Бинонты адджын цард фӕцудыдта 90-ӕм ӕзты. Амард йе 'мкъай, абон йӕ фарсмӕ ничиуал ис йӕ зӕнӕгӕй дӕр. Йе 'ртӕ хъӕбулы дӕр сты мард.

"Афтӕ баззадтӕн, ныр цӕрын иунӕгӕй", - катай кӕны уый.

Вера Алборова
© Sputnik / Natalia Airiyan
Ӕлборты Вера
64
Юбилейон уæрмытæ: мэрийы ныфс дӕттынц Цхинвалы асфальты згъуыдтытӕ аиуварс кӕнын мӕймæ

Юбилейон уæрмытæ: мэрийы ныфс дӕттынц Цхинвалы асфальты згъуыдтытӕ аиуварс кӕнын мӕймæ

42
(ранӕуӕггонд 13:56 19.07.2021)
Советон уынг йæ уæрмимæ иунӕг нӕу, ӕвзӕр рахизӕн ис Богирийы алвӕндагыл, Джиоты Аланы проспектыл Тӕболты Сергейы уынгмӕ хӕстӕг, 8 июны ӕмӕ ӕндӕр рӕтты. Плиты Ароны уынгыл та егъау дзыхъхъ фӕзынд арӕзтадӕн аз дӕр нӕма рацыд, афтӕ

ЦХИНВАЛ, 19 июл — Sputnik, Плиты Фатимӕ. Хуссар Ирыстоны столицӕйы ногарӕзт фӕндӕгтыл сарӕх сты дзыхъхъытӕ. Аразджытӕ фӕндаджы проблемон хӕйттӕ ноджы скъахынц ӕмӕ афтӕ лӕууынц къуыригай, мӕйгай.

"Советон уынджы тӕккӕ астӕу дзыхъхъ аразджытӕ уӕрӕх скъахтой. Рагӕй афтӕ лӕууы, цыма кусджытӕ йӕ юбилеймӕ кӕсынц. Стӕй ма дзы ӕдзух лӕууы стыр уӕзласӕн машинӕ, цыма йӕ билет афтӕ ист у. Дзыхъхъы иувӕрсты ацӕуынӕн шофыртӕ раскъӕрынц ныхмӕлӕууӕг хаххмӕ. Ӕвзӕры аварион уавӕр. Нæ йæ æмбарын, цас йæм хъуамæ кæсой", - радзырдта Sputnik горӕты цӕрӕг Михаил.

Советон уынг йæ уæрмимæ иунӕг нӕу, ӕвзӕр рахизӕн ис Богирийы алвӕндагыл, Джиоты Аланы проспектыл Тӕболты Сергейы уынгмӕ хӕстӕг, 8 июны ӕмӕ ӕндӕр рӕтты.

Плиты Ароны уынгыл та егъау дзыхъхъ фӕзынд арӕзтадӕн аз дӕр нӕма рацы, афтӕ.

"Канализацийы люкмӕ хӕстӕг асфальт ныххаудта бынмӕ. Пыхсытӕй дзы ркалдтой. Исты фыдбылыз куы рцӕуа, уӕд сыл хъӕуы хъаст бахӕссын",- радзырдта ацы уынджы цӕрӕг Эльбрус.

Горӕты администрацийы цалцӕггӕнӕг-арӕзтадон хайады хистӕр Гӕззаты Инал ныфс радта 15 августмӕ ӕмбӕлон уагмӕ ӕркӕнын столицӕйы уынгтӕ.

Ямы на дорогах Цхинвала
© Sputnik / Natalia Airiyan
Юбилейон уæрмытæ

"Бӕрӕг нын у ацы проблемӕ. Нырмӕ асфальтон заводтӕ нӕ куыстой, фӕлӕ Ереды рауагъдад сцайдагъ ис ӕмӕ ӕввахс бонты бавналдзыстӕм куыстмӕ. Августы райдайӕнмӕ сӕ аиуварс кӕндзыстӕм", - загъта уый.

Цалцӕггӕнӕн куыстытӕй дарддӕр ма уагдоны бӕрны ис бирӕуӕладзыгон хӕдзӕртты кӕртытӕ. 2021 азы нывӕзты ис вокзалгӕрон уынджы ӕртӕ кӕрты.

Улица Советская. Ямки на дорогах
© Sputnik / Фатима Плиева
Мэрийы ныфс дӕттынц Цхинвалы асфальты згъуыдтытӕ аиуварс кӕнын мӕймæ
42
Тристан

Фараст азы рӕстӕгмӕ уавӕрты: куыд цӕрынц Зардиаты хъӕуы адӕм хӕрам бӕстӕты хсӕн

145
(ранӕуӕггонд 12:36 19.07.2021)
Бестауты Тристан ӕмӕ йӕ бинонты хъысмӕтыл Sputnik фыста дыууӕ азы размӕ, лӕджы царды уӕдӕй нырмӕ хорзӕрдӕм ницы фӕивта. Тристан ӕмӕ Людмила фӕстӕмӕ цӕрынц арӕнты астӕу, сӕ зӕнӕджы уынынц стӕм хатт, Ирыстонмӕ ӕрбахизыны фадат сын ис режиммӕ гӕсгӕ

ЦХИНВАЛ, 15 июл — Sputnik, Плиты Фатимӕ. Хуссар Ирыстоны 2008 азы ирон-гуырдзиаг хӕстӕй цыппар азы фӕстӕ сцайдагъ бӕстӕйы арӕнтӕ сбӕрӕг кӕнын ӕмӕ банысан кӕныны куыст. Демаркаци ӕмӕ делимитацийы фӕрдыл къамис республикӕйы фылдӕр цӕрджытӕн ӕрхаста ӕдасдзинады гарантитӕ, стӕмтӕн та - ӕдзухон проблемӕтӕ.

2012 аз Хуссар Ирыстоны Цхинвалы районы Зардитаты хъӕуы цӕрджыты бакодта проблемӕты ахӕсты. Арӕн нысангӕнджытӕ ныллыг кодтой хъӕу ӕртӕ хайыл - иутӕ ныр цӕрынц Хуссар Ирыстоны, аннӕтӕ Гуырдзыстоны, ӕртыккӕгтӕ дыууӕ арӕны хсӕн зонӕйы. Бестауты Тристаны бынтӕ та ахаудтой Гуырдзыстонмӕ.

Тристан Бестаев
© Sputnik / Natalia Airiyan
Бестауты Тристан

Бестауты Тристан ӕмӕ йӕ бинонты хъысмӕтыл Sputnik фыста дыууӕ азы размӕ, лӕджы царды уӕдӕй нырмӕ хорзӕрдӕм ницы фӕивта. Тристан ӕмӕ Людмила фӕстӕмӕ цӕрынц арӕнты астӕу, сӕ зӕнӕджы уынынц стӕм хатт, Ирыстонмӕ ӕрбахизыны фадат сын ис режиммӕ гӕсгӕ.

Ацӕргӕ нӕлгоймаг уазджытӕн ӕвдисы йӕ ирон паспорт ӕмӕ къухӕй амоны йӕ цӕрӕнуӕттӕм, кӕцытӕн сӕ адрес Хуссар Ирӕй фӕивта Гуырдзыстонмӕ.

Тристан ныр дӕр йӕ проблемӕты тыххӕй уацхӕсджытимӕ дзуры ӕфсӕн хызӕджы аннӕ фарсӕй. Дыууӕ хӕрам бӕстӕйы арӕнты хсӕн цӕрджытӕ сӕ хӕдзӕртты нӕ уыдысты иу азӕй фылдӕр - коронавирусы пандемийы рӕстӕг арӕны сӕрты цъиу атӕхын дӕр нӕ уагътой.

"Иу аз ӕмӕ ӕрдӕджы бӕрц нӕ хӕдзӕртты нӕ уыдыстӕм, нӕ муртӕ ныппаплой сты. Хуымзӕххытӕ скӕрдӕг сты. Фӕкуыстам, тыллӕг ӕркодтам ӕмӕ ныр та ног фыдбылыз - нӕ тыллӕгӕн аласӕн нын нӕй", - дзуры дыууӕ арӕны хсӕн цӕрӕг Чысиаты Мзия.

Зындзинӕдтӕ азӕй-азмӕ кӕнынц карздӕр. Ныридӕгӕн ма ацы бинонты сӕйраг проблемӕ у сӕ тыллӕджы базары уӕй кӕныны хъуыддаг. Иу мӕй арӕны сӕртыл рахӕссӕн ис ӕрмӕст 50 килограммы.

"Кӕд горӕты дыргъ сӕдӕ сом у, уӕд ӕй мах та 50 сомыл уӕй кӕндзыстӕм. 50 килограммы махӕн цы у, мӕнӕргъы, фӕткъуы ӕмӕ цывзы ӕркӕнӕм тонгай мӕ сӕ стӕй цы фӕкӕнӕм? Бон мӕнӕргъы ӕртонын 25 ведрайы. Зӕгъынц, зӕгъгӕ сӕ мах ӕлхӕнӕм Гуырдзыстоны, фӕлӕ ӕрбацӕуӕт мӕ нын фенӕт нӕ дыргъдӕттӕ, ӕрмӕст цывзы ныссагътам цалдӕр гектары. 8 тонны ӕркӕнӕм сӕнӕфсир", - нымайы йӕ тыллӕг Мзия.

Хъӕуы цӕрджытӕ хицауадмӕ ныффыстой фыстӕг дӕр, цӕмӕй сын сисой сӕ тобӕ, фӕлӕ нырма дзуапп нӕ райстой.

Хелчуа
© Sputnik / Natalia Airiyan
Цывзы

Тристан карантины рӕстӕджы цард Дзӕуджыхъӕуы йӕ фыртимӕ, фӕлӕ цӕгаттаг климат лӕг ӕмӕ йе 'мкъайыл ӕвзӕрӕрдӕм ӕндавы.

"Нӕдӕр дзы мӕхӕдӕг фӕразын, нӕдӕр ме 'мкъай. Ам уӕддӕр фылдӕр уарзын. Аннӕ проблемӕтыл хъӕцӕм, ӕрмӕст нын ацы тобӕ куы сисиккой, уӕд нӕ фыдӕбон ӕмӕ нӕ фӕллой ӕнӕхъуаджы нӕ кӕниккой", - дзуры Бестауты Тристан.

Нӕлгоймаджы цардыл гӕнӕн ис ӕмӕ ахуыр кӕной Ирыстоны истори - уый цалдӕр хатты бахъуыд алидзын ӕмӕ ныууадзын йӕ муртӕ ӕмӕ бынтӕ, стӕй та иу ӕбаздӕхт фӕстӕмӕ. Йӕ муртӕ фесӕфта, йӕхи цӕстӕй федта, сыхаг цӕрӕн хъӕу Гуырдзы фӕнык куыд фестын кодтой, фӕлӕ нӕлгоймаг ныр дӕр тырны ӕрмӕстдӕр сабырадмӕ.

"Бирӕ ӕвзӕрдзинӕдтӕ рцыд, фӕлӕ цы гӕнӕн ис. Мӕн фӕнды, цӕмӕй уа сабырад, ам дӕр ӕмӕ ӕппӕт дунейы дӕр", - дзуры уый.

Кусаг нӕлгоймаг куыд нысан кӕны, афтӕмӕй Гуырдзиаг арӕннысангӕнджытӕ дӕр алыхатт иу зӕрдӕйы уагыл нӕ вӕййынц ӕмӕ йӕ бахъӕуы йӕ тыллӕг быдыртыл рахизын кӕнын.

"Хуымтыл рацӕуын, мӕ тыллӕг раласын тачкӕйыл, цъыфдзастты ныххауын, фӕлӕ цы бакӕнон", - бафтыдта Тристан.

Хелчуа
© Sputnik / Наталья Айриян
Ирыстонмӕ ӕрбахизыны фадат цӕрджытӕн ис режиммӕ гӕсгӕ

Хуыздӕр уавӕрты нӕй йӕ сыхаг Мзия дӕр. Йӕ ныхӕстӕм гӕсгӕ, Зардиаты хъӕу, кӕцы скарста арӕны дих, цард 45 ирон ӕмӕ цалдӕр гуырдзиаг бинонтӕ. Цалынмӕ арӕнтӕ нӕ банысан кодтой, уӕдмӕ Гуырдзыстон газ уагътой хъӕутӕм.

"Уӕд газ сӕхи хъӕу Меретӕй мидӕгдӕр нӕ рауагътой - Зардиаты хъӕу нымадтой ирон территорийыл, фӕлӕ стӕй сӕ пост нӕ хъӕуы сӕвӕрдтой", - радзырдта сылгоймаг.

Арӕнӕхсӕн хибардзинадӕн ма ис иу ӕппӕрццӕг ӕндӕвдад - тыхст рӕстӕджы цӕрджытӕм нӕ хӕццӕ кӕны тагъд медицинон ӕххуыс.

"Иу карджын лӕг фӕтыхст, фӕлӕ нӕм тагъд ӕххуыс не 'рбацыд. Уыцы лӕг ныр сӕрӕгас дӕр нал у, фӕлӕ ахӕм уавӕрты цардӕй дӕр тыхсӕм", - бафтыдта уый.

Тристан Бестаев
© Sputnik / Natalia Airiyan
Бестауты Тристан

Зардиаты хъӕуы цӕрджыты сыхаг Хелчуайы цӕрджытимӕ бӕтты ноджы иу проблемӕ - дыууӕ цӕрӕн пункты цӕрӕгад дӕр тыхсынц мобилон бастдзинады хъуагдзинадӕй.

"Мах бахъуыд балхӕнын Гуырдзыстоны sim-картӕтӕ, бынӕттон бастдзинад ӕрмӕст ранӕй рӕтты чысыл ӕрцахсы", - дзуры Хелчуайы цӕрӕг Уалыты Фатимӕ.

Уый ма бафтыдта, фӕстаг рӕстӕджы сӕ хъӕуы кӕй ис ӕвӕрццӕг ивындзинӕдтӕ дӕр - сӕвӕрдтой рухсы цӕджындзтӕ, ивынц кӕцыдӕр хӕдзӕртты агъуыстытӕ, фӕзынд донхӕры дон.

Хелчуайы хъӕуы ныр дӕр дзӕвгар адӕм цӕры, фӕлӕ ам дӕр советон дугмӕ абаргӕйӕ бирӕ хӕдзӕртты дуӕрттӕ сӕхгӕдтой гуыдырыл. Цӕрджыты ма ам уромынц тыллӕгджын дыргъдӕттӕ ӕмӕ столицӕмӕ ӕввахс ӕвӕрд.

145
цифрон телеуынынад

Хуссар Ир 2022 азы кӕронмӕ ӕнӕхъӕнӕй рахиздзӕн цифрон телеуынынадмӕ

0
(ранӕуӕггонд 13:44 28.07.2021)
Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы

ЦХИНВАЛ, 28 июл — Sputnik, Хъуылымбегты Зӕлинӕ. Аналогон телеуыныад Хуссар Ирыстоны йӕ куыст ӕрлӕууын кӕндзӕн 2022 азы, фехъусын кодта йӕ пресс-конференцийы Sputnik бастдзинад ӕмӕ массон коммуникациты комитеты сӕргълӕууӕг Джиголаты Хасан.

Хасан Гиголаев
© Sputnik / Залина Кулумбегова
Хуссар Ирыстоны бастдзинад ӕмӕ массон коммуникациты комитеты сӕргълӕууӕг Джиголаты Хасан

Цифрон телеуынынад Хуссар Ирыстоны кусы ныр ӕртыккаг аз. Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы. Фыццаг дыууӕйы фӕрцы бакӕсӕн ис 20 уӕрӕсейаг телеканалмӕ, ӕртыккагмӕ та хауынц бынӕттон регионалон ДИФ - ПТРК "Алания", ПТРК "Ир" ӕмӕ "Осетия-Ирыстон".

"Цифрон телеуынынады хыз ӕххӕссы республикӕйы территорийы 92 процентыл, иннӕ астыл нырма кусы аналогон телеуынынад. Мах нӕ хицӕн кӕнӕнм аналогон телеуынынад 2022 азы онг, цӕмӕй адӕмӕн фадат радтӕм балхӕнын сӕрмагонд ифтонгад цифрон фидиуӕнӕн", - загъта Джиголаты Хасан.

Аналогон телеуынынад ахицӕн кӕныны фарс баст у уыимӕ, ӕмӕ йӕ куыстӕн ӕнӕмӕнгхъӕуӕг ифтонгады хӕйттӕ зын ссарӕн кӕй вӕййынц, банысан кодта уый.

"Инвестицион программӕйы фӕлгӕтты 2018-2019 азы республикӕйы арӕзт ӕрцыд цифрон телеуынынады хыз. Уый эксплуатацимӕ лӕвӕрд ӕрцыд аст объектыл - бӕрзӕнд "Паук", Гуфта, Малда, Ахмадз, Къуаиса, Синагут ӕмӕ Цъинагары", - ранымадта комитеты хистӕр.

Йӕ ныхӕстӕм гӕсгӕ, цифрон телеуынынадӕй ма абон иппӕрд сты Хъемулта, Цъон, Уанел, Рукъ ӕмӕ къорд ӕндӕр цӕрӕн пункты.

"Ацы хъӕуты дӕр нывӕндӕм 2022 азы онг саразын цифрон телеуынынад. Кӕд ӕхцайы фӕрӕзтӕ рӕстӕгыл райсӕм, уӕд иу азмӕ алцыдӕр сараздзыстӕм", - бахахх кодта Джиголаты Хасан.

 

0