Табуты Камилла ӕмӕ йӕ ныййарӕг

Августы хæсты æмкар Табуты Камилла радзырдта, цы зоны уыцы трагедийы тыххæй

160
(ранӕуӕггонд 13:59 06.08.2021)
08.08.08 датӕйы Цхинвалы райдыдта тугкалӕн хӕст, адӕм сӕфтысты ӕнӕмсӕр тохы. Фӕлӕ куыд царды ӕвдисӕндартӕ, афтӕ Ирыстоны хуссары уыцы бон райгуырд цалдӕр сабийы, сӕ нымӕцы Табуты Камилла дӕр

ЦХИНВАЛ, 6 авг — Sputnik, Плиты Фатимӕ. Хуссар Ирыстоны ног историйы ӕстӕм август 2008 азӕй фӕстӕмӕ бацыд фыдохы бонты нымӕцмӕ, Табуты бинонтӕн та ацы бон у рухс бӕрӕгбон - 08.08.08 райгуырд сӕ уарзон хъӕбул Камилла.

Чызджы ныййарӕг Табуты Зӕринӕйы хӕст ӕрӕййӕфта Цӕгат Ирыстоны, уый ӕнхъӕлмӕ каст сабийы райгуырдмӕ. Цхинвалы хӕсты цӕхӕры баззадысты йӕ бинонтӕ се 'ппӕт дӕр - ныййарджытӕ, ӕфсымӕртӕ ӕмӕ хиуӕттӕ. Уӕззаукъах сылгоймӕгты та Дзӕуджыхъӕуы Гуырӕн хӕдзары хызтой ӕвзӕр хабӕрттӕй, уымӕ гӕсгӕ чызг йӕ райгуырӕн бӕстӕйы цы рцыд, уый базыдта, йӕ чызджы райгуырдыл куы фӕцин кодта, уый фӕстӕ.

"Августы райдианы хъуыстон, Хуссар Иры арӕнтыл ӕхст кӕй сарӕх ис, фӕлӕ ахӕмтыл ахуыр уыдыстӕм. Фӕндзӕмы та мӕ схуыссын кодтой рынчындоны. Уым нӕ хызтой ӕвзӕр хабӕрттӕй, уымӕ гӕсгӕ телеуынадмӕ дӕр стӕм хатт кастыстӕм, мӕхиуӕттӕ дӕр мӕ хъахъхъӕдтой, мӕ райгуырӕн бӕстӕйы хӕст мын уыд сусӕггаг", - дзуры ныййарӕг.

Девочка, родившаяся в августе 2008 года
© Sputnik
Табуты Камилла ӕмӕ йӕ ныййарӕг

Зӕринӕйы Ирыстоны цы рцыд,уый кӕронмӕ дӕр нӕ бауырныдта, цалынмӕ йӕхи цӕстӕй федта Ирыстоны хуссар хай, уӕдмӕ.

"Камилла зынтӕй райгуырд, фӕлӕ мын уыцы изӕр загътой Цхинвалы цы цӕуы, уый. Мӕнӕн уый тӕссаг кинойы хуызӕн уыд, нӕ мӕ уырныдта, ӕцӕг ахӕм диссӕгтӕ кӕй ӕрцыд. Мӕ фыд Анатолий, ме 'фсымӕртӕ Георгий ӕмӕ Рустам иууылдӕр уыдысты хъахъхъӕнынады министрады сконды. Нӕ хӕдзар Бахъаты хъӕуы бахъыгдард, фӕлӕ нӕ стыр  фыдбылызтӕй Хуыцау бахызта",- мысы Зӕринӕ.

Хуссар Ирыстонмӕ чызг йӕ ӕнахъом сабиимӕ 'рцыд 15 сентябры, уӕдмӕ горӕт бафснайдтой, фӕлӕ Цхинвал сыгъд ӕмӕ пырх хӕдзӕрттӕ ӕмӕ саударджытӕй уыд йедзаг. 08.08.08 хъӕдгӕмттӕ хос кӕнынӕн бахъӕудзӕн бирӕ азтӕ.

"Ерын дӕр ма куы кӕсын хӕсты нывтӕм, уӕд мӕ кӕронмӕ уырнгӕ дӕр нӕ кӕны, ахӕм дудгӕбон уыд Хуссар Ирыстоны", - бафтыдта уый.

Зӕринӕйы рӕсугъд чызг ныридӕгӕн сӕхгӕдта ӕхсӕзӕм кълас Цхинвалы Колаты Аксойы аивӕдты лицейы. Уый у Ирыстоны ног фӕлтӕрӕй, кӕцытӕ хӕст зонынц ӕрмӕст кинонывтӕй ӕмӕ мысинӕгтӕй.

Девочка, родившаяся в августе 2008 года
© Sputnik
Табуты Камилла ӕмӕ йӕ ныййарӕг

"Афтӕ мӕм кӕсы, мӕ дада ӕмӕ мады фсымӕртӕ кӕй ныхмӕ ӕрлӕууыдысты, уыдон уыдысты ӕгъатыр, æнæнамыс хӕстонтӕ. Уыдон ӕрбацыдысты туг калынмӕ", - дзуры чызг йӕхӕдӕг.

Камилла скъолайы уарзон предмет у англисаг ӕвзаг, фидӕны професси æвзаргӕйæ та йӕ миддунейы тох кӕнынц дизайнер ӕмӕ Ӕдасдзинады хахх (ӔФС).

"Фӕнды мӕ суӕвын дизайнер, науӕд та адарддӕр кӕнын ахуыр ӕдасдзинады федералон службӕйы хаххыл. Нырма йӕ нӕ аскъуыддзаг кодтон фидарӕй", - дзуры Камилла.

Чысыл чызгӕн йӕ кармӕ ӕнкӕсгӕйӕ ис йӕхи стыр бӕллиц - уый фӕнды снывӕндын йӕ уарзон горӕт Цхинвал.

"Кинойы куы уынын ногазон фӕлыст горӕт, уӕд фӕбӕллын Цхинвал дӕр ахӕмӕй фенын, цы ран канд рӕсугъд ногазон ахорӕнтӕ нӕ уа, фӕлӕ рӕсугъд ӕмӕ хӕрзарӕзт хӕдзӕрттӕ дӕр. Цалынмӕ дизайнер не сдӕн, уӕдмӕ дӕр ӕй зонын, куыд хъӕуы срӕсугъд кӕнын Цхинвал. Мӕн алкӕддӕр фӕды цӕрын ам", - бафтыдта чызг.

Дыууадӕсаздзыд Камиллайы ма фӕнды, цӕмӕй Ирыстоны зӕххыл ӕмӕ дунейы дӕр макуы уал уа хӕст, ӕмӕ зоны, цы хъӕуы саразын уый дӕр.

"Хъӕуы хӕларӕй цӕрын", - балхынцъ кодта Камилла.

160
Дурлыстӕггӕнӕн амалиуӕгад

Экологты фӕдис: куыд кусынц тобӕмӕ ӕнӕкӕсгӕйӕ дурлыстӕггӕнӕнтӕ Леуахийы былтыл

63
(ранӕуӕггонд 14:17 10.09.2021)
Фӕстаг рӕстӕджыты Леуахийы чъизидзинад ӕмӕ йӕ донцӕуӕны дурлыстӕггӕнӕнты ӕнӕзаконон архайд ссис ӕрмӕст экологион организаци "Зеленая Алания"-йы сӕрниз

ЦХИНВАЛ, 10 сен — Sputnik, Плиты Фатимӕ. Хуссар Ирыстоны экологион организаци "Зеленая Алания" ныр цалдӕр азы фӕдис кӕны республикикӕйы сӕйраг доны артери Леуахийы ӕфхӕрды тыххӕй. Фыстӕджытӕ, ӕхсӕнадон раныхастӕ, ДИФ мыхуыртӕ фӕстиуджытӕм не 'ркодтой ӕмӕ ныр организаци бахъаст кодта прокуратурӕмӕ дӕр.

Ӕхсӕнадон организацийӕн уый йӕ фыццаг гӕххӕтт нӕу бӕрнон уагдӕттӕм. Уымӕй размӕ фӕдисы хъӕр кодтой, Леуахимӕ ӕхсӕнты дон кӕй уадзынц, бырон кӕй калынц, уый фӕдыл. Уӕд фыстӕджытӕ бацыдысты ӕрдзон ресурсты, фӕлхасгӕнджыты барты, экологион цӕстдарды уагдӕттӕм, парламенты цалдӕр комитет ӕмӕ суанг президентмӕ дӕр. Фӕлӕ фарст нырма дӕр ис уыцы ӕмвӕзадыл.

Дробилка
© Sputnik / Natalia Airiyan
Дурлыстӕггӕнӕн амалиуӕгад

Июны райдайӕны та "Зеленая Алания"-йы хъусдарды бын радон хатт бахаудысты дурлыстӕггӕнӕн амалиуӕгадтӕ республикӕйы цӕугӕдӕтты цур. Фыстӕг ацыд Генералон прокуроры номыл. Уырдыгӕй дӕр нырма дзуапп нӕй.

Геологи, экологи ӕмӕ ӕрдзон ресурстӕй пайда кӕныны комитеты радзырдтой, ныридӕгӕн республикӕйы ӕрмӕстдӕр дыууӕ дурлыстӕггӕнӕн амалиуӕгадӕн кӕй ис лицензитӕ - уыдон сты "Дорэкспострой" ӕмӕ "Погранстрой"-йы рауагъдадтӕ.

"Дорэкспострой" кусы Дзау-Ручъы 6-8-ӕм километры хайыл, "Погранстрой"-ӕн та ис Чысыл Гуфтайы районы. Аннӕтӕн бар нӕй кусынӕн. Рейдты рӕстӕджы сӕ куы сбӕлвырд кӕнӕм, уӕд сӕ ивар кӕнӕм", - загъта Sputnik комитеты хистӕры хӕдивӕг Харебаты Алан.

Уый ма бафтыдта, 2018 азы дурлыстӕггӕнӕн уагдӕттӕн сӕ лицензитӕ ист ӕрцыдысты, ӕмбӕлон домӕнтӕ кӕй не 'ххӕст кодтой, уый аххосӕй.

"Лицензийы домӕнтӕм хауынц банысангонд фадыгӕй дарддӕр ма хизын, бӕрӕг гуырахстӕй фылдӕр ма исын, фиддонтӕ фидын ӕмӕ экологийы домӕнтӕ ма халын", - загъта уый.

Дробилка
© Sputnik / Natalia Airiyan
Дурлыстӕггӕнӕн амалиуӕгад

Йӕ ныхӕстӕм гӕсгӕ, ӕнӕ лицензийӕ куыст у паддзахадӕй давд.

"Уый хауы давыны статьямӕ. Нӕ хъуыддаг у акттӕ аразын ӕмӕ сӕ ӕрвитӕм бӕрнон уагдӕттӕм. Ӕрӕджы рейдты рӕстӕджы дӕр  ӕрдзон ресурстӕй цалдӕр пайдагӕнӕджы иваргонд ӕрцыдысты", - бафтыдта комитеты кусӕг.

Ӕхсӕнадон организаци "Зеленая Алания" -йы хистӕр Габайты Зӕлинӕ радзырдта Sputnik тобӕмӕ ӕнӕкӕсгӕйӕ, дурлыстӕггӕнӕнтӕ сӕ куыст кӕй кӕнынц рӕстӕгӕй-рӕстӕгмӕ.

Дробилка
© Sputnik / Natalia Airiyan
Дробилка

Прокуратурӕйы та ныфс радтой, кӕй басгардзысты уавӕр.

"Мах ныр бацӕттӕ кодтам дыккаг официалон фыстӕг прокуратурӕмӕ. Нӕхӕдӕг мониторинг кӕнӕм уавӕр. Иу бон сыл азылдыстӕм ӕмӕ дзы кусгӕйӕ баййӕфтам цалдӕр - Пацъайыл, Леуахийыл - Мзиугоммӕ хӕстӕг, Дзаумӕ хӕстӕг, фӕстӕдӕр та кусгӕйӕ баййӕфтам горӕты хайы дурлыстӕггӕнӕнтӕй иу", - загъта Габайты Зӕлинӕ.

Уыймӕй размӕ, экологион организацийы разамонӕг йӕ интервьюйы радзырдта, афтӕ ӕгъатыр ахастимӕ республикӕ гӕнӕн ис ӕмӕ рацух уа йӕ сӕйраг доны артерийӕ - Леуахи гӕнӕн ис ӕмӕ ахъуыза зӕххы бын.

63
Кокайты Зæринæ

Ирон "Love is" æмæ сапон дидинджытæ: Кокайты Зæринæйы "рæсугъд куыст"

178
(ранӕуӕггонд 15:16 08.09.2021)
Кокайты Зæринæйы фæрцы "Love is"-ы хъайтартæ уарзондзинад æмбарын кæнынц иронау, уарзæттæ та чызджы куыстытæй сбуц кæнынц сæ кæрæдзи

ЦХИНВАЛ, 8 сен — Sputnik, Плиты Фатимæ. Цхинвайлаг æвзонг чызг Кокайты Зæринæ ныр дыккаг аз ахуыр кæны Хуссар Корейаг дæсныйад - сапонæй рæсугъддзинад фæлдисыны сусæгдзинæдтæ. Цыбыр æмгъуыдмæ йæ куыстытæ апарахат сты Цхинвалы - йæ æрмдæсныйады кæнæнтæй сæхи сбуц кæнынц уарзæттæ, лæвар сæ кæнынц райгуырæн бонтæм æмæ æндæр бæрæгбонтæм.

Дидинты губактæ, хонæн гӕххӕттытӕ, лӕвæртты къоппытӕ, адджинӕгты тыхтонтӕ ӕмӕ бирӕ ӕндӕр рӕсугъддзинад цӕуы Кокойты Зӕринӕйы къухтӕй.

Мыльные розы Зарины Кокаевой
© Photo : Insagram
Кокайты Зæринæйы сапæттæ

Чызг йӕхӕдӕг куыд дзуры, афтӕмӕй йӕ куысты сӕйраг нысан пайда райсын нӕу - уый хъуамӕ хӕсса ӕхцондзинад йӕхицӕн ӕмӕ адӕмӕн. Зӕринӕ рагæй фæстæмæ дæр уарзта фӕлдисын рӕсугъддзинад - хъазӕнтӕ, вазӕтӕ, гӕххӕттытӕй конд ӕрмӕгӕй иу ссардта адӕмы зӕрдӕ.

"Гыццылӕй фӕстӕмӕ уарзтон къухӕй исты аразын. Уӕлдайдӕр та куысты фӕстиуджытӕ уындджын куы вӕййынц, стӕй ма дзы искӕй зӕрдӕ куы барухс кӕнын", - загъта уый.

Зæринæ кусы журналистӕй ирон газет "Хурзӕрины"-ы. Йӕ цардӕмбалимӕ хъомыл кӕны дыуууӕ саби - Сергей ӕмӕ Адайы. Йӕ армдӕсныйад райрӕзтӕн ын феххуыс ис декреты сӕрибар рӕстӕг. Интернеты руаджы уый сахуыр кодта Хуссар Корейаг рауагъдад - сапонæй дидинджытӕ аразын.

"Мӕхи зӕрдӕмӕ дӕр тынг фӕцыдысты ӕмӕ сӕ райдыдтон аразын. Фыццаг дзы балӕвар кодтон ме 'мбӕлттӕн. Стӕй мӕм адӕм райдыдтой хатын - куысты гуырахст фӕфылдӕр. Губактæ æртымбыл кӕнын цалдӕр хуызтӕ æмæ тӕфтимӕ. Адӕмы зӕрдӕмӕ цӕуынц", - дзуры Кокайты Зӕринӕ.

Мыльные розы Зарины Кокаевой
© Photo : Instagram
Кокайты Зæринæйы сапæттæ

Йӕ сапæттæ уый уӕй кӕны зынгӕ асламдӕр, йӕхӕдӕг куыд дзуры афтӕмӕй йӕ фӕнды хорз ӕнкъарӕнтӕ тауын ӕмӕ рӕсугъддзинад хӕссын.

"Сӕ ӕрмӕджы ӕхца сӕ исын ӕрмӕст. Уый мӕнӕн бизнес нӕу, нӕдӕр куыст, пайда мын нӕ хӕссы, ӕрмӕст ӕхцондзинад", - ӕмбарын кӕны чызг.

Рӕсугъддзинад фӕлдисынмӕ ӕвзыгъд чызг ӕрмӕст сапон дидинтыл не 'рлӕууыд. Йӕхимӕ райста хӕс уарзӕтты ахастытӕ хъӕрмуд кӕнын - алыхуызон лӕвӕрттӕ мысгӕйӕ.

"Балхæдтон ифтонгад – мыхуыры станок. Уый фæрцы ныммыхуыр кæнын хуызисттæ æмæ рæсугъд арфæтимæ тыхтонтæ, аразын хонæн гæххæттытæ чындзæхсæвтæм. Уый бæрц адæм мæм æрбахаты æмæ сыл нал æххæссын", - бафтыдта чызг.

Зарина Кокаева
© Sputnik / Natalia Airiyan
Кокайты Зæринæ

Кокайты Зæринæй фæрцы "Love is"-ы хъайтартæ уарзондзинад æмбарын кæнынц иронау.

Работы Зарины Кокаевой
Фото из архива Зарины Кокаевой
Кокайты Зæринæйы куыстытæ

"Сахуыр кодтон сæрмагонд программæ, цæмæй ивон нывтæ, уæлфысттæ. Уарзæттæ мæм арæх заказ кæнынц ахæм куыст", - дзуры уый.

Зæринæйы сфæлдыстадæй цух не сты йæ хæлæрттæ æмæ коллегæтæ дæр. Куысты иумæйаг кабинæты дæр ирдæй зыны йæ æрмдзæф.

178
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2