Футбол. Кубок Крыма. Матч Таврия - СКЧФ

Черчесты Станислав "Легия"-йы ракодта Польшӕйы националон чемпионаты дыккаг бынатмӕ

21
(ранӕуӕггонд 13:22 02.11.2015)
Ирон тренеры къухдариуӕгадӕй клубӕн уыд фондз фембӕлды, уыдонӕй ӕртӕйы рамбылдтой, иу хъазт та фӕцис ӕмдыхӕй.

ЦХИНВАЛ, 2 ноя — Sputnik. Варшаваг футболон клуб "Легия" ирон тренер Черчесты Станиславы къухдариуӕгадӕй рамбылдта ӕртӕ хъазты ӕмӕ схызт дыккаг бынатмӕ Польшӕйы националон чемпионаты, хъусын кӕны футболон клубы официалон сайт.

Зынгӕ ирон тренер Черчесты Станислав бафыста контракт варшаваг футболон клуб "Легия"-имӕ ацы аз октябры райдайӕны. Цыбыр ӕмгъуыдмӕ тренерӕн бантыст клубы националон чемпионаты дыккаг бынатмӕ схизын кӕнын.

"Бынӕттон клуб "Лехия"-имӕ фембӕлды ирон тренеры командӕ рамбылдта 3:1 хыгъдӕй ӕмӕ сезоны фыццаг хатт схызтысты националон чемпионаты дыккаг бынатмӕ. Фӕлӕ йӕ чемпионаты иууыл ӕнтыстджындӕр командӕ "Пяста" ӕмбулы аст очкойӕ", — дзырдӕуы хъусинаджы.

Бадзырдмӕ гӕсгӕ ирон тренер къухдариуӕгад кӕндзӕн "Легия"-йӕн дыууӕ азы дӕргъы. Черчесты Станислав уымӕй размӕ куыста "Динамо"-йы сӕйраг тренеры бынаты. У Уӕрӕсейы спорты сгуыхт кусӕг.

21
Сӕйраг темӕтӕ
Черчесты Станислав бакусдзӕн "Алания"-йы футболистты цӕттӕдзинадыл