Спорткомплекс Олимп в Цхинвале

"Олимп" æххæст бæрцæй скусдзæн сентябры

13
(ранӕуӕггонд 13:10 29.06.2016)
Спорткомплексы къухдариуæгадæн тренертæ æрбавдыстой, хъуагдзинад цы инвентарӕй æййафынц, уыцы номхыгъд - "Олимп"-ы къухдариуæгад уыдон хъавы сæрдыгон сезоны кæронмæ балхæнын.

ЦХИНВАЛ, 29 июн — Sputnik, Хъотайты Мария. Алина Кабаевайы хæрзаудæн фонды фæрæзтæй арæзт Цхинвалы спортивон комплекс "Олимп" æххæст бæрцæй скусдзæн сентябры. Директор Табуты Роберты ныхæстæм гæсгæ, спортивон объектæн цы юридикон гоймаг къухдариуæгад кæндзæн, ууыл ныртæккæ фидаргонд цæуы паддзахадон исад, æмæ уый фæстæ дзурæн уыдзæн спортивон тренировкæты райдайыныл.

Уый æмрæстæджы ма скъуыддзаг цæуы, æмбæлон секцитæн æнæмæнгхъæуæг инвентарь балхæныны фарст дæр. Уый загъта, тренертæ спорткомплексы къухдариуæгадæн кæй æрбавдыстой, хъуагдзинад цы инвентары æййафынц, уыцы номхыгъд, кæцы æлхæд æрцæудзæн цыбыр æмгъуыдмæ. Спортивон къордтæм сывæллæтты райст райдайдзæн сентябрмæ æввахс, уымæн æмæ сæрды спортыл хæст адæмы нымæц вæййы къаддæр.

Ныр уал спорткомплексы тренировкæ кæнынц æрмæстдæр гимнасттæ. Уыдон æрæджы рацыдысты спортивон скъолайы зæронд бæстыхайæ "Олимп"-ы ног залтæм. Сывæллæтты хъахъхъæныны боны цытæн хуссарирыстойнаг гимнасткæтæ райстой хайад аивадон гимнастикæйæ Мæскуыйы цæуæг хæрзаудæн фестивалы — "АЛИНА-2016". Ахæм фестивальтæм аивадон гимнастикæйы федерацийы минæвæрттæ сæ хъомылгæнинæгтимæ хуынд цæуынц æрвылаз дæр.

"Мах фæнд кæнæм спортивон æмæ эстетикон гнимнастикæйы, ленк кæныны, боксы, уæззау атлетикæйы секцитæ бакæнын. Ис гæнæн æмæ нæм сæхи цæттæ кæной шахматисттæ дæр — ацы фарст кæронмæ скъуыддзаг нæма у", — загъта Табуты Роберт.

Уый банысан кодта, спорткомплексы къухдариуæгады раз кæй лæууы дыууæ нысан — "спорткомплекс "Олимп"-ы бæстыхаййæ кæй хъуамæ хизой фидæны чемпионтæ. Уыимæ иумæ ма сæ фæнды, цæмæй спортыл хæст уой куыд фылдæр нымæц сывæллæттæ. Спорт, æнæниз цардуаг хъуамæ уой æнцонвадат æмæ ма уой привилеги.

Снысангонд нывæзтты реализацийæн бахъæудзæн уæлæмхас финансон фæрæзтæ агурын, загъта спорткомплексы директор.

"Паддзахадон бюджеты æвæрд сты фæрæзтæ, цæмæй "Олимп" куса. Фæлæ цæмæй комплекс æнтыстджын куыст кæна æмæ бæрзонд фæстиуджытæ нæ къухты æфтой, уый тыххæй нæ бахъæудзæн уæлæмхас финансон фæрæзтæ агурын, уыдон нымæцы спонсорты дæр", — загъта уый.

Спорткомплексы ис бирæ техникон къуыхцытæ, кæцытæ, Табуты Роберты ныхæстæм гæсгæ, скъуыддзаг кæнын хъæуы фыцццаг рады.

"Куыд зонут, афтæмæй спорткомплексы бæстыхай эксплуатацимæ лæвæрд æрцыд æрæджы. Ныр уал хъæуы сбæлвырд кæнын æппæт системæты куыст, цæмæй тренировкæты процессы райдианмæ алцыдæр куса, куыд æмбæлы афтæ. Уыдæттæн фадат ис аскъуыддзаг кæнын", — банысан кодта директор.

Кусджыты штат иууылдæр у арæзт. "Олимп"-ы кусынц фæлтæрдджын тренертæ, кæцытæ бацæттæ кодтой зындгонд спортсменты. Ныртæккæ спорткомплексы куысты архайынц 82 кусæджы.

13
Хуссар Иры сарӕзтой ипподром низӕфхӕрд сабитӕн

Хуссар Иры сарӕзтой ипподром низӕфхӕрд сабитӕн

30
(ранӕуӕггонд 12:43 17.09.2021)
Бӕхджын фӕзуат ӕнӕаргъӕй исдзӕн низӕфхӕрд сывӕллӕтты - уый уыд сывӕллӕтты барты фӕдыл президенты ӕххӕстбарджыны домӕн, кӕцыйы фӕндӕй сӕрӕзтӕуыд ипподром

ЦХИНВАЛ, 17 сен - Sputnik, Плиты Фатимӕ. Хуссар Ирыстоны Джеры комы октябры райдайӕны йӕ уазджытӕ исын райдадзӕн ног ипподром. Фыццаг рады уый арӕзт ӕрцыд низӕфхӕрд сабиты реабилитацийӕн, фехъусын кодта Sputnik сывӕллӕтты барты фӕдыл президенты ӕххӕстбарджын минӕвар Цхуырбаты Татьяна.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Арӕзтад цыд президент Бибылты Анатолийы финансон ӕххуысӕй.

"Хорз хъуыддагӕн ӕрӕвӕрдтам бындур. Ипподром бакӕндзыстӕм октябры райдайӕны, куыд нӕ фӕндыд афтӕ рацыд, ныридӕгӕн ӕфснайд цӕуы йӕ территори. Иумӕйагӕй исгӕйӕ та дзы нырма бирӕ гӕнӕн ис саразын, дыууӕ-ӕртӕ азы бахъӕудзӕн, цӕмӕй дзы сырӕза, Уӕрӕсейы цы ипподромтӕ ис, уыдон ӕнгӕс", - загъта  Цхуырбаты Татьяна.

Уый ма бафтыдта, ипподром гом кӕй уыдзӕн алкӕмӕн дӕр. 

"Ӕмрӕстӕджы ум кусы бӕхыл бадыны скъола дӕр. Йӕ бардарӕг Къӕбулты Ренатмӕ ис райрӕзты фӕндтӕ ӕмӕ ацы кьуым хуыздӕрӕй-хузыдӕр кӕндзӕн", - бафтыдта уый.

В школе верховой езды в Цхинвальском районе Южной Осетии построили ипподром для особенных детей
Фото из архива Татьяны Цховербовой
Хуссар Иры сарӕзтой ипподром низӕфхӕрд сабитӕн

Объект арӕзт ӕрцыд Къӕбулты Хъазбеджы номыл бӕхты бадыны центр "Сидуг"-ы бындурыл. Центр уӕвынад кӕны 2019 азӕй фӕстӕмӕ Джеры комы ӕдзӕрӕг хъӕутй иуы.

30
Хынцӕгты Альберт

Владимир Путин схорзӕхджын кодта Хынцӕгты Альберты Хӕлардзинады орденӕй

23
(ранӕуӕггонд 12:39 14.09.2021)
Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры

ЦХИНВАЛ, 14 сен – Sputnik. Уӕрӕсейы президент Владимир Путин схорзӕхджын кодта Паралимпиаг хъӕзтыты чемпион ядро ӕхсынӕй Хынцӕгты Альберты Хӕлардзинады орденӕй. Уый тыххӕй хъусын кӕны 15-ӕм Регион.

Паддзахадон хорзӕхтӕ Токиойы сыгъзӕрин уӕлахиздзаутӕн цытджын ӕгъдауӕй радтой Стыр Кремлаг галуаны къуырисӕры.

Уымӕй дарддӕр ма II къӕпхӕны майдантӕй "За заслуги перед Отечеством" скад кодтой бронзӕйон призер лидзынӕй Къобесты Черменӕн.

Уӕрӕсейаг атлетты – Токиойы Паралимпиадӕйы призерты - схорзӕх кӕныны фӕдыл барамынд сабаты бафыста Уӕрӕсейы президент Владимир Путин.

23
Цхуырбаты Тимур

Цхуырбаты Тимур: Хуссар Иры паддзахады бындур сæвæрдтой "Адæмон ныхасы" минæвæрттæ

6
(ранӕуӕггонд 10:45 20.09.2021)
Хуссар Ирыстоны фыццаг æрсидты депутат, фыдыбæстæ хъахъхъæнæг Цхуырбаты Тимур радио Sputnik эфиры радзырдта, паддзахадон тырыса æмæ республикæйæн цы нысаниуæг ис, уый тыххæй
Цхуырбаты Тимур: Хуссар Ирыстоны паддзахады бындур сæвæрдтой "Адæмон ныхасы" минæвæрдтæ

Хуссар Ирыстон ацы бонты нысан кæны дыууæ ахсджиаг бæрæгбоны – Паддзахадон тырыса æмæ Республикæйы бон. Цхуырбаты Тимур куыд радзырдта, уымæ гæсгæ республикæйæн дæр æмæ паддзахадон тырысайæн дæр бындур сæвæрдтой æхсæнадон змæлд "Адæмон ныхас"-ы минæвæрттæ.

"Ирыстоны бахъахъхъæнынæн мах сарæзтам практикон змæлд, фæлæ йын бындур сæвæрдтой "Адæмон ныхасы" уæнгтæ. Фыццаг уыд идейæ, æнæ уый æрмæст хъаруйæ ныцы сараздзынæ, æнæмæнг дзы хъæуы идейæ", - загъта Тимур.

Уый æрхъуыды кодта, паддзахад сæвзæрдты цы адæм архайдтой, уыдон, уæлдайдæр та Цоциты Аланы.

"Гуырдзыстон фыццаг хатт 23 ноябры куы æрбацыд, уæд уыдон тынг цæттæ уыдысты, махмæ та уыд æрмæстдæр хъару, тырыса дæр нын нæ уыд. Ленины портрет сын сæ размæ рахастам сырх тырысаимæ, уымæн нæ, æмæ Ленины табугæнджытæ уыдыстæм, фæлæ гуырдзиæгтæ мæсты кодтой, æмæ уый тыххæй", - бафиппадта Тимур.

Фыдыбæстæ хъахъхъæнæг ма куыд банысан кодта, афтæмæй Хуссар Ирыстоны паддзахадон тырыса идеологон æмæ эстетикон домæнтæм гæсгæ у æххæст.

6
Темӕтӕ:
Радио иронау