Цхинвайлаг каратисткӕ рамбылдта Ставрополы крайы фыццагады "бронзӕ"

© Sputnik / Олег Ласточкин /  Ахизын медиабанкмæМомент поединка по по киокушинкай карате
Момент поединка по по киокушинкай карате - Sputnik Хуссар Ирыстон
Рафыссын
Кӕстӕр кары къорды иууыл хуыздӕр йӕхи равдыста Дудайты Донна – цыппар ныхмӕлӕудӕй уый фембылд ӕрмӕстдӕр иуы ӕмӕ уый хыгъд бацахста ӕртыккаг бынат.

ЦХИНВАЛ, 27 окт — Sputnik. Хуссарирыстойнаг каратисткӕ Дудайты Донна бацахста ӕртыккаг бынат кекусин-кай каратейӕ Ставрополы крайы фыццагады. "Бронзӕйон" ныхмӕлӕуд уый рамбылдта ӕмгъуыдӕй раздӕр, фехъусын кодта спортсменкӕйы тренер Созаты Владимир.

Цхинвайлаг каратисткӕ Дудайты Донна ссис Хуссар федералон зылды ерысты призер - Sputnik Хуссар Ирыстон
Цхинвайлаг каратисткӕ Дудайты Донна ссис Хуссар федералон зылды ерысты призер

Ерыстӕ уагъд цыдысты Ставрополы 22-23 октябры, хайад сӕ истой 145 спортсмены Ставрополы крайӕ, Краснодарӕй, Цӕцӕнӕй. Хуссар Ирыстоны кад хъахъхъӕдтой аст спортсмены.

Тренеры ныхӕстӕм гӕсгӕ, кӕстӕр кары къорды иууыл хуыздӕр йӕхи равдыста Дудайты Донна — цыппар ныхмӕлӕудӕй уый фембылд ӕрмӕстдӕр иуы ӕмӕ уый хыгъд бацахста ӕртыккаг бынат.

"Ӕртыккаг бынаты тыххӕй ныхмӕлӕуд уый рамбылдта ӕмгъуыдӕй раздӕр. Уымӕн радтой сыгъдӕг уӕлахиз. Ацы уӕлахиз нын барӕсугъд кодта нӕ зӕрдӕйы рис", — загъта Созайы фырт.

Йӕ ныхӕстӕм гӕсгӕ, иннӕ спортсментӕ дӕр ӕвзӕр сӕхи нӕ равдыстой, фӕлӕ, хъыгагӕн, призон бынӕттӕ нӕ бацахстой.

"Коцты Рудольф бирӕ рӕстӕг нал тренировкӕ кодта каратейӕ, мах йемӕ бакуыстам иу къуырийы бӕрц ӕмӕ йӕ бафӕлвӕрдтам гауызмӕ рауадзын. Уый йӕхи ӕвзӕр нӕ равдыста — иу тох рамбылдта, иннӕ фембылд. Фӕлӕ уымӕн ницы у, йӕхиуыл бакусдзӕн ӕмӕ та йын уыдзӕн ӕнтыстытӕ", — загъта тренер.

Тренер банысан кодта, бынат кӕй уыд зылын тӕрхонкӕнынадӕн дӕр — хайадисджытӕй иу, Гаглойты Дианӕ, рамбылдта ныхмӕлӕуд, фӕлӕ йын тӕрхонгӕнджытӕ раст аргъ нӕ раттой.

Цхинвайлаг каратисттӕ ӕрхастой ӕртӕ майданы "Хæрдмæдзог ныфсы кубок"-ӕй

Ныр каратисттӕ сӕхи цӕттӕ кӕнынц Краснодары крайы фыццагадмӕ, кӕцы ацӕудзӕн19 ноябры станицӕ Отраднаяйы. Тренеры ныхӕстӕм гӕсгӕ, нырма скъуыддзаг не ′рцыд, чи ацӕудзӕн спортсментӕй ацы турнирмӕ.

"Вӕййы нын проблемӕтӕ финанстимӕ ӕмӕ нын ӕнтыстытӕ куы нӕ уа, уӕд нын ӕххуыс дӕр ничиуал бакӕндзӕн. Уымӕ гӕсгӕ, хуыздӕр чи уа цӕттӕ, уый ацӕудзӕн Хуссар Ирыстоны спортивон кад хъахъхъӕнынмӕ", — загъта Созаты Владимир.

Ерысты хайад райсыны тыххӕй спортсментӕн баххуыс кодта Паддзахадон унитарон куыстуат "Дорэкспострой"-ы сӕргълӕууӕджы хӕдивӕг Лалыты Мурӕт.

Ног хабӕртты лентӕ
0