Ӕртæ ирон богалы стох кæндзысты Европæйы чемпионаты

© ЦИ-А спорты министрады къамЦæболты Хетæг, Байцаты Владислав æмæ Найфонты Артур
Цæболты Хетæг, Байцаты Владислав æмæ Найфонты Артур - Sputnik Хуссар Ирыстон
Рафыссын
Фæстаг рæстæджы турнирты æвзæрсты руаджы Уæрæсейæ Европæйы чемпионатмæ раразмæгонд æрцыд дунейы чемпион Цæболты Хетæг, Европæйы чемпионаты призер Байцаты Владислав æмæ Найфонты Артур

ЦХИНВАЛ, 25 апр — Sputnik. Æртæ ирон богалы стох кæндзысты Европæйы чемпионаты уæгъдибар хъæбысхæстæй Каспийскы, хъусын кæны Уæрæсейы спортивон хъæбысхæсты федерацийы сайт.

Уæрæсейы æмбырдгонды скондмæ ирон спортсментæй бацыд Цæболты Хетæг, Байцаты Владислав æмæ Найфонты Артур. Командæ фидар æрцыд Гран-при "Иван Ярыгин-2018" æмæ турнир "Дан Колов и Никола Петров"-ы хатдзæгтæм гæсгæ.

"Хицæн уæзы категориты æдæппæтæй бæстæйы спортивон кад хъахъхъæндзысты 10 богалы, уыдонæй æртæ сты ирæттæ. 2014 азы дунейы чемпион Цæболты Хетæг раздæрау архайы 74 кг уæзы, Найфонты Арутр – 86 уæзы æмæ 2011 æмæ 2013 æзты Европæйы чемпионаты призер Байцаты Владислав та тох кæны 97 кг уæзы", — дзырдæуы хъусинаджы.

Уæрæсейы æмбырдгонд уæгъдибар хъæбысхæстæй Европæйы чемпионатмæ цæуы Риойы уæлахиздзау Абдулрашид Садулаевы разамындæй.

Европæйы чемпионат цæудзæн 30 апрелæй 6 маймæ Каспийскы. Уæгъдибар хъæбысхæсты ерыстæ райдайдзысты 4 майы.

Ног хабӕртты лентӕ
0