14 майданы: Цхинвайлаг æмбуархæцджытæ расгуыхтысты "Сабырадон Кавказ"–ы

© Sputnik / Из архива тренера В.Валиева"Сабырадон Кавказ"-ы уæлахиздзаутæ æмæ призертæ
Сабырадон Кавказ-ы  уæлахиздзаутæ æмæ призертæ - Sputnik Хуссар Ирыстон
Рафыссын
Авд лæппуйы рамбылдтой сыгъзæринтæ, авд - æвзисттæ, иу та бронзæйон майдан

ЦХИНВАЛ, 16 окт — Sputnik, Плиты Фатимæ. Хуссар Ирыстоны æмбуар хæсты секцийы хъомылгæнинæгтæ рамбылдтой авд сыгъзæрин майданы Ӕппæтуæрæсейон культурон-спортивон фестиваль "Сабырадон Кавказ"–ы Дзæуджыхъæуы. Цхинвайлаг спортсментæ расгуыхтысты æфсæддон æмбуар хæст æмæ каратейы дисциплинæты.

© Sputnik / Из архива тренера В.ВалиеваФестиваль "Мирный Кавказ"
Фестиваль Мирный Кавказ - Sputnik Хуссар Ирыстон
Фестиваль "Мирный Кавказ"

Турниры Хуссар Иры спортивон кад хъахъхъæдтой тренертæ Хъуылымбегты Мамед æмæ Уалыты Вахтангы хъомылгæнинæгтæ. Авд уæлахиздзауæй дарддæр ма авдæй та ссисты призертæ.

"Нæ спортсментæ стох кодтой спорты дыууæ хуызæй – каратэ æмæ æфсæддон æмбуар хæсты. Каратэйæ уæлахиздзаутæ ссисты: Мамытаты Роман, Генгеури Алан, Бестауты Арсен, Гаглойты Эдуард æмæ Пухаты Геннадий. Ӕфсæддон æмбуар хæсты та расгуыхтысты Бестауты Азæмæт æмæ Мамиты Дауыт", — радзырдта Sputnik тренер Хъуылымбегты Мамед.

Уый ма ранымадта чысыл мæгуырдæр бæрæггæнæнтæ цы фæсивæд райстой, уыдон нæмттæ дæр.

"Каратисттæй дыккаг бынæттæ бацахстой Лохты Азæмæт, Куымæридаты Георгий, Тæтæрбиты Сослан æмæ Уалыты Андрей. Плиты Гамлет æмæ Куымæридтаты Руслан та дыккаг къæпхæнмæ схызтысты æфсæддон æмбуар хæстæй. Иунæг бронзæйон майдан командæйы хæзнадонмæ æрбахаста Бестауты Арсен Ӕфсæддон æмбуар хæстæй", — бафтыдта уый.

© Sputnik / Из архива тренера В. ВалиеваПобедители и призеры фестиваля "Мирный Кавказ"
Победители и призеры фестиваля Мирный Кавказ - Sputnik Хуссар Ирыстон
Победители и призеры фестиваля "Мирный Кавказ"

Спортсментæн ерыстæм ацæуынæн баххуыс кодтой Паддзахадон хъахъхъæнынады службæйы хистæр Бибылты Ацæмæз, Хъахъхъæнынады министрады кусæг Уалыты Георгий æмæ базарадон центр "Солнечный"-ы директор Багаты Хъазбег.

Культурон-спортивон мадзалы архайдтой 8 – 16 азы кары спортсментæ спорты дæс хуызæй — æмбуар хæст, самбо, кикбоксинг, джиу-джитсу, сито-рю, киокусинкай æмæ æндæр дисциплинæтæй.

Ног хабӕртты лентӕ
0