Джип-триал

Хуссарирыстойнаг джиппертæ рамбылдтой цæгаттаг ерыстæ

30
(ранӕуӕггонд 11:22 09.11.2018)
Спорты категорийы уæлахиздзауты экипажы уыдысты Лæууойты Сева æмæ Гæззаты Олег

ЦХИНВАЛ, 9 ноя — Sputnik, Плиты Фатимæ. Цхинвайлаг клуб "Скиф 4x4"-ы экипаж рамбылдта æппæтирыстойнаг æвзæрвадат фæндæгтыл ерыстæ "Южный Триал" спорты категорийы, фехъусын кодта Sputnik клубы хистæр Лæууойты Сева.

Джип-триал цыд æртæ хуызæй — "стандарт", "туризм" æмæ "спорт".

"Ерыстæ цыдысты Цæгат Ирыстоны цæрæн пункт Южныйы. Уым архайдта æрмæстдæр иу экипаж Хуссар Ирæй, иууыл вазыгджындæр хуызы, æмæ рамбылдтам фыццаг бынат", — загъта Лæууойты Сева.

Хуссарирыстойнаг экипаж Лæууойты Сева æмæ Гæззаты Олегы скондæй фыццаг балхынцъ кодта йæ дистанци "спорт"-ы категорийы æмæ райста фыццаг бынат.

30