Ирон боксер ахызт Европæйы ерысты æрдæгфиналмæ

Рафыссын
Абайты Алан фæуæлахиз испайнаг боксерыл 5:0 хыгъдӕй

ЦХИНВАЛ, 14 мар — Sputnik. Европæйы ерысты боксӕй юниортæ æмæ юниоркæты хсӕн ирон спортсмен Абайты Алан рамбылдта радон тох. Ерысты ¼ фембæлды уый ныддӕрӕн кодта испайнаг спортсмен Адриан Креус Тиамимы, хъусын кӕны 15 регион.

"Ӕртæ раунды дæргъы Алан сæрæндæр уыд, арæхдæр бырста æмæ цалдæр хатты "банкъуыста" йæ ерысæмбалы фидар цæфтæй. Кæронбæттæны, тæрхонгæнджыты иумæйаг уынаффæмæ гæсгæ 5:0 хыгъдӕй Алан фæуæлахиз æмæ ахызт турниры æрдæгфиналмæ", - дзырдӕуы хъусинаджы.

Хуссар Иры боксерты кӕстӕр фӕлтӕр цӕуынц европӕйаг ерыстӕм - Sputnik Хуссар Ирыстон
Бакӕсынмӕ: Хуссар Иры боксерты кӕстӕр фӕлтӕр цӕуынц европӕйаг ерыстӕм

Абайты Аланӕн абон ис улӕфт, фӕлӕ та 15 марты стох кæндзæн молдавайнаг Александр Парасчивимæ.

Уымæй уæлдай ма æртыццæджы рамбылдтой уæрæсейæгтæ дæр. Володя Мнацаканян фæуæлахиз украинаг Евгений Овсянниковыл, Сергей Ярулин фæуæлахиз италиаг Джанлуки Руссойыл, Алексей Семыкин фæуæлахиз ирландаг Габриель Доссаныл.

Европæйы ерысты боксæй юниортæ æмæ юниоркæты æхсæн цӕуынц Дзӕуджыхъӕуы спорты галуан "Манеж"-ы.

Ног хабӕртты лентӕ
0