Вадим Бикоев

Цхинвайлаг богал тох кӕны Уӕрӕсейы чемпионаты

129
(ранӕуӕггонд 11:58 05.04.2019)
Юниорты хсӕн ӕппӕтуӕрӕсейон ерысты Бикойты Вадим архайы 61 уӕзы категорийы

ЦХИНВАЛ, 5 апр – Sputnik, Плиты Фатимӕ. Хуссарирыстойнаг хъæбысæйхæцæг Бикойты Вадим хайад исы Уæрæсейы чемпионаты уæгъдибар хъæбысхæстæй юниорты ʻхсæн. Ирон богал у иунӕг архайӕг ерысты Хуссар Ирыстонӕй , фехъусын кодта Sputnik йӕ тренер Коцты Тамерлан.

Бикойты Вадим у бирæнымæц турнирты уæлахиздзау. 2014 азы ссис дунейон чемпионаты æвзист призер, 2016 азы та дунейон ерысты бронзæйон призер. У 2014 æмæ 2015 æзты Уæрæсейы фыццагады уæлахиздзау. Нымад цӕуы Хуссар Иры иууыл ӕнтыстджындӕр архайгӕ богалтӕй иуыл.

"Уæрæсейы ерысты уæгъдибар хъæбысхæстæй юниорты ʻхсæн архайы нӕ хъомылгӕнинӕгтӕй иу - Бикойты Вадим. Богал архайы 61 уӕзы категорийы, ацы ерыстӕ сты ног старт Вадимӕн бирӕ фӕстиаты фӕстӕ", - загъта Коцты Тамерлан.

Ерыстӕ ӕрфысым кодта Дзæуджыхъæуы спорты галуан "Манеж". Ерыстӕ райдыдтой майрӕмбоны, 5 апрелы. Фембæлдтытæ иу рæстæг цæуынц 5 гауызыл.

Цӕгат Иры ӕмбырдгонд командæйы ис фæндзай æртæ богалы. Се ппæт дæр сты æвзарæн ерысты уæлахиздзаутæ. Дзæуджыхъæумæ турнирмæ ссæудзысты цыппор регионы минæвæрттæ, стӕй ма АЦСК-йы спорстментæ дæр, уыдонӕн фылдæр сты Ирыстоны минæвæрттæ.

129