Гасситы Мурӕт

Гасситы Мурӕты тренер фехъусын кодта боксеры дебюты датӕ

33
(ранӕуӕггонд 11:57 02.09.2019)
Сланты Виталий банысан кодта, Гасситы Мурӕты тох уӕззау уӕзы гӕнӕн ис ӕмӕ кӕй ацӕуа Александр Усикимӕ иу шоуы

ЦХИНВАЛ, 2 сен – Sputnik. Ирон боксер Гасситы Мурӕты фыццаг тох уӕззау уӕзы гӕнӕн ис ацӕуа 12 октябры Америкӕйы, фехъусын кодта РИА Новостийӕн боксеры фыццаг тренер Сланты Виталий.

"Ныхас цӕуы Мурӕты ралӕудыл 12 октябры турниры Америкӕйы, алцыдӕр баст у йӕ ӕнӕниздзинады уавӕрыл. Йӕ ныхмӕлӕууӕг фӕстӕмӕ у Джоуи Давейко", - загъта Сланты Виталий.

Гасситы Мурӕт
© Sputnik / Евгения Новоженина

Уыцы турниры ма 12 октябры Чикагойы йӕ фыццаг тох уӕззау уӕзы гӕнӕн ис ауадза украинаг Александр Усик, кӕцыйӕн Гасситы Мурӕт фембылд Ӕппӕтдунейон боксы суперсерийы финалы.

Амӕйразмӕ хъусын кодтой Гасситы Мурӕты дебют уӕззау уӕзы америкайаг Джоуи Давейкоимӕ июлы кӕй аивтой ирон боксеры травмӕйы тыххӕй.

Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл.

33
Боксы скъола Цхинвалы

Хуссар Иры боксы ӕмбырдгондӕн Нагутнийы улӕфӕндоны ацӕудзысты ахуыртӕ

93
(ранӕуӕггонд 10:11 10.07.2020)
Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ

ЦХИНВАЛ, 9 июл - Sputnik, Плиты Фатимӕ. Хуссар Ирыстоны ӕрыгон боксерты ӕмбырдгонд командӕйӕн цӕттӕгӕнӕн ахуыртӕ ацӕудзысты Знауыры районы Нагутнийы хъӕуы уӕвӕг улӕфӕндон "Ныфс"-ы. Спортсментӕ фидар кӕндзысты се 'нӕниздзинад ӕмӕ физикон цӕттӕдзинад, фехъусын кодта Sputnik Боксы скъолайы директоры хӕдивӕг Кокойты Ирбег.

Къорды сконды уыдзысты республикӕйы иууыл цӕттӕдӕр боксертӕ.

"Дыууын лӕппуйӕ фылдӕр дӕс боны дӕргъы сӕхи цӕттӕ кӕндзысты хосгӕнӕн улӕфӕндоны. Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ", - загъта Кокойты Ирбег.

Йӕ ныхӕстӕм гӕсгӕ, рӕвдзытӕ ацӕудзысты августы, сӕрдыгон улӕфтӕй рахизыны фӕстӕ. Фӕсивӕдимӕ кусдзысты Боксы скъолайы директор Кокойты Мурӕт ӕмӕ тренер Плиты Азӕмӕт.

93
Балаты Марат

Балаты Марат стох кӕндзӕн АСА лигӕйы рӕстӕгмӕ чемпионы титулыл

7
(ранӕуӕггонд 12:06 03.07.2020)
Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы

ЦХИНВАЛ, 3 июл — Sputnik. ММА-йы ирон тохгӕнӕг Балаты Марат "Motivator" стох кӕндзӕн рӕстӕгмӕ чемпионы титулыл ӕрдӕг рог уӕзы, хъъусын кӕны Слово.

АСА-йы чемпионы титул ӕрдӕг рог уӕзы ныртӕккӕ ис Вилиппе Фроесмӕ Бразилийӕ, кӕцы хъуамӕ хъахъхъӕдтаит йӕ титул ӕввахс турниртӕй иуыл. Фӕлӕ коронавирусы апарахаты тасы фӕдыл арӕнӕвӕрдты тыххӕй уымӕн фадат нӕй ауадзын тох.

Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы. Турнир организаци кӕны егъаудӕр уӕрӕсейаг лигӕ АСА.

Балаты Маратыл цӕуы 44 азы. Йӕ карьерӕйы уый ауагъта 13 тохы, уыдоны уымӕн ис 11 уӕлахизы ӕмӕ дыууӕ фембылды.

7
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0