Бекъойты Эдвард

Хуссарирыстойнаг теннисист хайад райсдзæн Сочийы турниры

14
(ранӕуӕггонд 12:43 12.09.2019)
Хуссар Ирыстоны уæлдæр спортивон дæсниады скъолайы минæвар хъахъхъæндзæн республикæйы кад æппæтуæрæсейон ерысты

ЦХИНВАЛ, 12 сен - Sputnik. Хуссарирыстойнаг спортсмен Бекъойты Эдвард хайад райсдзæн Ӕппæтуæрæсейаг мастерон турниры столы теннисæй, кæцы ацæудзæн Сочийы.

Фæсивæдон политикæ, спорт æмæ туризмы комитеты пресс-службæйы куыд фехъусын кодтой, афтæмæй ерыстæ ацæудзысты 12-15 сентябры æмтохæдты федералон центр "ЮГ Спорт"-ы. Турнир уагъд цæудзæн сылгоймæгты æмæ нæлгоймæгты хсæн иунæг æмæ къайон разрядты, афтæ ма æмхæццæ разрядты дæр. Спортсментæ стох кæндзысты турниры цалдæр сæрмагонд призтыл.

Бекъойты Эдвард у Хуссар Ирыстоны уæлдæр спортивон дæсниады скъолайы минæвар.

14
Боксы скъола Цхинвалы

Хуссар Иры боксы ӕмбырдгондӕн Нагутнийы улӕфӕндоны ацӕудзысты ахуыртӕ

82
(ранӕуӕггонд 10:11 10.07.2020)
Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ

ЦХИНВАЛ, 9 июл - Sputnik, Плиты Фатимӕ. Хуссар Ирыстоны ӕрыгон боксерты ӕмбырдгонд командӕйӕн цӕттӕгӕнӕн ахуыртӕ ацӕудзысты Знауыры районы Нагутнийы хъӕуы уӕвӕг улӕфӕндон "Ныфс"-ы. Спортсментӕ фидар кӕндзысты се 'нӕниздзинад ӕмӕ физикон цӕттӕдзинад, фехъусын кодта Sputnik Боксы скъолайы директоры хӕдивӕг Кокойты Ирбег.

Къорды сконды уыдзысты республикӕйы иууыл цӕттӕдӕр боксертӕ.

"Дыууын лӕппуйӕ фылдӕр дӕс боны дӕргъы сӕхи цӕттӕ кӕндзысты хосгӕнӕн улӕфӕндоны. Къорды сконды сты Хуссар Ирыстоны Боксы секциты хуыздӕр хъомылгӕнинӕгтӕ, кӕцытӕ ӕдзух ӕмбулынц ӕхсӕнадӕмон турнирты, афтӕ ма перспективон спортсментӕ", - загъта Кокойты Ирбег.

Йӕ ныхӕстӕм гӕсгӕ, рӕвдзытӕ ацӕудзысты августы, сӕрдыгон улӕфтӕй рахизыны фӕстӕ. Фӕсивӕдимӕ кусдзысты Боксы скъолайы директор Кокойты Мурӕт ӕмӕ тренер Плиты Азӕмӕт.

82
Балаты Марат

Балаты Марат стох кӕндзӕн АСА лигӕйы рӕстӕгмӕ чемпионы титулыл

6
(ранӕуӕггонд 12:06 03.07.2020)
Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы

ЦХИНВАЛ, 3 июл — Sputnik. ММА-йы ирон тохгӕнӕг Балаты Марат "Motivator" стох кӕндзӕн рӕстӕгмӕ чемпионы титулыл ӕрдӕг рог уӕзы, хъъусын кӕны Слово.

АСА-йы чемпионы титул ӕрдӕг рог уӕзы ныртӕккӕ ис Вилиппе Фроесмӕ Бразилийӕ, кӕцы хъуамӕ хъахъхъӕдтаит йӕ титул ӕввахс турниртӕй иуыл. Фӕлӕ коронавирусы апарахаты тасы фӕдыл арӕнӕвӕрдты тыххӕй уымӕн фадат нӕй ауадзын тох.

Рӕстӕгмӕ титулыл тох Балаты Марат ӕмӕ Магомедрасулом Хасбулаевы хсӕн ацӕудзӕн 19 сентябры Мӕскуыйы. Турнир организаци кӕны егъаудӕр уӕрӕсейаг лигӕ АСА.

Балаты Маратыл цӕуы 44 азы. Йӕ карьерӕйы уый ауагъта 13 тохы, уыдоны уымӕн ис 11 уӕлахизы ӕмӕ дыууӕ фембылды.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0