Хуссар Иры гимнасткæтæ райстой дæс майданы Сочийы турниры

Олимпиаг ныфсытæ: Хуссар Иры гимнасткæтæ райстой дæс майданы Сочийы турниры

152
(ранӕуӕггонд 11:35 16.09.2019)
Пьедесталы фыццаг къæпхæнмæ схызтысты æртæ чызджы - Пухаты Валерия, Абайты Вероника æмæ Ӕлборты Виктория

ЦХИНВАЛ, 16 сен — Sputnik, Плиты Фатимæ. Хуссарирыстойнаг гимнасткæтæ райстой дæс майданы аивадон гимнастикæйы турнир "Олимпийские надежды"-йы. Сочийы уагъд цæуæг ерыстæй нæ къорд рхаста æртæ сыгъзæрин, фондз æвзист æмæ дыууæ бронзæйон майданы, хъусын кæны Спорты галуан "Олимп"-ы фарсыл Фейсбукы.

"Арфæ кæнæм нæ гимнасткæтæн уæлахизы фæдыл", - ныффыстой сæ фарсыл.

Фыццаг бынæттæ рхастой – Пухаты Валерия, Абайты Вероника æмæ Ӕлборты Виктория. Пьедесталыл иу къæпхæн бындæр сты ноджы фондз чызджы – Кокойты Диана, Бибылты Ева, Болататы Виктория, Джиголаты Аманда æмæ Къуылыхты Алана. Ноджы ма дыууæ гимнасткæ Бикойты Вика æмæ Хуыбылты Анастасия та райстой æвзист майдантæ.

Чызджыты цæттæ кæнынц тренертæ Цхуырбаты Зема, Зæгъойты Зæринæ, Тедеты Зæринæ, Козаты Лариса, командæйы хореограф у Джабиты Зæринæ.

Финансон æххуысы тыххæй бузныджы ныхæстæ президент Бибылты Анатолийæн æмæ хæрзаудæн фонд "Ирыстоны иудзинад"-æн загъта эстетикон æмæ аивадон гимнастикæйы федерацийы президент Цхуырбаты Зема.

Турнир ахицæн 14 сентябры.

152
Ирон дзюдоисткӕ Таймӕзты Мӕдинӕ

Ирон дзюдоисткӕ Таймӕзты Мӕдинӕ ахызт Олимпиадӕ-2020 ӕрдӕгфиналмӕ

9
(ранӕуӕггонд 11:11 28.07.2021)
Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы

ЦХИНВАЛ, 28 июл — Sputnik, Хъуылымбегты Азӕмӕт. Ирыстойнаг дзюдоисткӕ Таймӕзты Мӕдинӕ ахызг Олимпиаг хъӕзтытӕ-2020-ы ӕрдӕгфиналмӕ Токиойы, йӕ ныхмӕлӕууӕгыл Грецийӕ Элизавет Телцидоуыл фӕуӕлахизуӕвгӕйӕ.

Аренӕ "Ниппон Будокан"-ы ацыд Олимпиаг хъӕзтытӕ – 2020 финалы 1/4 дзюдойӕ сылгоймӕгты хсӕн. Таймӕзты Мӕдинӕ архайы уӕрӕсейаг ӕмбырдгонды сконды 70 килограммы онг категорийы.

Ирон спортсменкӕ раздӕр, финалы 1/6, ныббырста испаниаг Мария Бернабеу ӕмӕ бразилиаг Мария Портельюйы. Хъӕзтыты ӕрдӕгфинал ацӕудзӕн 28 июлы.

Токиойы олимпиадӕ ахастӕуыд иу аз фӕстӕдӕр пандемийы тыххӕй ӕмӕ уагъд цӕуы 23 июлӕй 8 августы онг. Уый нымад у иууыл егъаудӕрыл спорты хуызты нымӕцмӕ гӕсгӕ - 33 ӕмӕ категоритӕм гӕсгӕ - 339. Хайад сӕ исынц 19 мин спортсмены онг. Олимпиадӕ цӕуы ӕнӕ фӕсарӕйнаг кӕсджытӕй.

9

Ирон футболист Зæгъойты Алан адарддæр кодта йæ контракт ӔЦСК-имæ

12
(ранӕуӕггонд 10:39 23.07.2021)
Æрдæгхъахъхъæнæг Ӕфсæддонты централон спортивон клубы ныры онг ахъазыд 375 матчы, бакодта 77 пуртийы

ЦХИНВАЛ, 22 июл — Sputnik. Зындгонд ирон футболит Зæгъойты Алан йæ бадзырд Ӕфсæддонты централон спортивон клубимæ адарддæр кодта 2022/23 сезоны кæронмæ, хъусын кæны клубы пресс-службæ.

Дзæгъойты Алан ӔЦСК сконды хъазы æртындæс азы.

"Зæгъойты Алан ӔЦСК-имæ йæ бадзырд адарддæр кодта 2022-2023 сезоны кæронмæ", - дзырдæуы хъусинаджы.

Æрдæгхъахъхъæнæг Ӕфсæддонты централон спортивон клубы ныры онг ахъазыд 375 матчы, бакодта 77 голы. Зæгъойты Алан у Уæрæсейы æртæ хатты чемпион, цыппар хатты рамбылдта Уæрæсейы Кубок æмæ Суперкубок.

12
цифрон телеуынынад

Хуссар Ир 2022 азы кӕронмӕ ӕнӕхъӕнӕй рахиздзӕн цифрон телеуынынадмӕ

0
(ранӕуӕггонд 13:44 28.07.2021)
Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы

ЦХИНВАЛ, 28 июл — Sputnik, Хъуылымбегты Зӕлинӕ. Аналогон телеуыныад Хуссар Ирыстоны йӕ куыст ӕрлӕууын кӕндзӕн 2022 азы, фехъусын кодта йӕ пресс-конференцийы Sputnik бастдзинад ӕмӕ массон коммуникациты комитеты сӕргълӕууӕг Джиголаты Хасан.

Хасан Гиголаев
© Sputnik / Залина Кулумбегова
Хуссар Ирыстоны бастдзинад ӕмӕ массон коммуникациты комитеты сӕргълӕууӕг Джиголаты Хасан

Цифрон телеуынынад Хуссар Ирыстоны кусы ныр ӕртыккаг аз. Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы. Фыццаг дыууӕйы фӕрцы бакӕсӕн ис 20 уӕрӕсейаг телеканалмӕ, ӕртыккагмӕ та хауынц бынӕттон регионалон ДИФ - ПТРК "Алания", ПТРК "Ир" ӕмӕ "Осетия-Ирыстон".

"Цифрон телеуынынады хыз ӕххӕссы республикӕйы территорийы 92 процентыл, иннӕ астыл нырма кусы аналогон телеуынынад. Мах нӕ хицӕн кӕнӕнм аналогон телеуынынад 2022 азы онг, цӕмӕй адӕмӕн фадат радтӕм балхӕнын сӕрмагонд ифтонгад цифрон фидиуӕнӕн", - загъта Джиголаты Хасан.

Аналогон телеуынынад ахицӕн кӕныны фарс баст у уыимӕ, ӕмӕ йӕ куыстӕн ӕнӕмӕнгхъӕуӕг ифтонгады хӕйттӕ зын ссарӕн кӕй вӕййынц, банысан кодта уый.

"Инвестицион программӕйы фӕлгӕтты 2018-2019 азы республикӕйы арӕзт ӕрцыд цифрон телеуынынады хыз. Уый эксплуатацимӕ лӕвӕрд ӕрцыд аст объектыл - бӕрзӕнд "Паук", Гуфта, Малда, Ахмадз, Къуаиса, Синагут ӕмӕ Цъинагары", - ранымадта комитеты хистӕр.

Йӕ ныхӕстӕм гӕсгӕ, цифрон телеуынынадӕй ма абон иппӕрд сты Хъемулта, Цъон, Уанел, Рукъ ӕмӕ къорд ӕндӕр цӕрӕн пункты.

"Ацы хъӕуты дӕр нывӕндӕм 2022 азы онг саразын цифрон телеуынынад. Кӕд ӕхцайы фӕрӕзтӕ рӕстӕгыл райсӕм, уӕд иу азмӕ алцыдӕр сараздзыстӕм", - бахахх кодта Джиголаты Хасан.

 

0