Хуссар Иры командæ боксæй рамбылдта Захарченкойы номарæн турниры 11 майданы

Хуссар Иры командæ боксæй рамбылдта Захарченкойы номарæн турниры 11 майданы

184
(ранӕуӕггонд 10:12 01.10.2019)
Ӕртæ боны дæргъы ерыстæ Хуссар Ирыстоны командæйæн æрхастой 6 сыгъзæрин, иу æвзсит æмæ цыппар бронзæ майданы

ЦХИНВАЛ, 30 сен – Sputnik, Плиты Фатимæ. Хуссар Иры командæ боксæй рамбылдта 11 майданы ДАР фыццаг президент Александр Захарченкойы номарæн турниры, уыдонæй 6 сыгъзæринтæ, фехъусын кодта Sputnik спорты галуан "Олимп"-ы хистæр тренер Хаситы Владислав.

Донецкы адæмон республикæйы турнир ахицæн къуырисæры. Ӕртæ боны дæргъы ерыстæ Хуссар Ирæн æрхастой 6 сыгъзæрин, иу æвзист æмæ цыппар бронзæ.

"Æхсæнадæмон турниры уæлахиздзаутæ ссисты – Ӕлборты Сослан, Зæгъойты Алан, Гуыцмæзты Георгий, Багаты Марат, Багаты Дмитрий, æмæ Гæджиты Гурам. Уæлахиздзаутæй иу къæпхæн ныллæгдæр у Ян Яралов. Командæйы уæнгтæй ма ноджы цыппар лæппу райстой бронзæ майдантæ", - загъта Хаситы Владислав.

Къорды сконды уыдысты Хуссар Иры æппæт боксы секциты аккагдæр хъомылгæнинæгтæ, сæ нымæцы 2019 азы Уæрæсейы фыццагады финалист Гæджиты Гурам æмæ ацы ерысты 2018 азы призер Ӕлборты Сослан, Ӕхсæнадæмон ерысты уæлахиздзау Зæгъойты Алан æмæ æндæртæ.

Турниры архайдтой бынæттонтæй дарддæр боксертæ Абхазæй, Сомихстонæй æмæ Уæрæсейы регионтæй.

Югоосетиские боксеры на турнире памяти Захарченко
Из архива тренера В. Хаситы
Хуссар Иры командæ боксæй рамбылдта Захарченкойы номарæн турниры 11 майданы
184
Футбол

Цæгат Иры байгом уыдзӕн футболон командæ "Алания-2"

9
(ранӕуӕггонд 13:26 02.06.2020)
"Алания-2"-йы сæргъ æрлæудзæн ирон футболы хъомылгæнинаг Цорæты Давид, уый зындгонд у йæ архайдæй цалдæр командæйы сконды

ЦХИНВАЛ, 2 июн — Sputnik. Цæгат Ирыстоны æввахс рæстæджы байгом уыдзæн футболон командæ "Алания-2", цы ран архайдзысты æвзонг перспективон хъазджытæ, хъусын кӕны 15 регион.

Хъусинагӕй куыд бӕрӕг у, афтӕмӕй ног командӕйы коллектив суыдзæн сæйраг "Аланийы" сæрмагонд фарм-клуб.

"Ног командæ архайдзæн футболуарзджыты ерысты, кæнæ Цæгат Ирыстоны ерысты. "Алания-2"-йы сæргъ æрлæудзæн ирон футболы хъомылгæнинаг Цорæты Давид, уый зындгонд у йæ архайдæй командæтæ "КАМАЗ", "Алания" æмæ "Кубаны", - дзырдӕуы хъусинаджы.

"Алания-Владикавказ"-ы хъазджытæ та тренерон штабы уынаффæйæ дарддæ кæнынц сæрмагонд тренировкæтæ хиизоляцийы уагæвæрды.

9
Федтон мӕ Ир ӕмӕ бакастӕн чиныг: спортсмен ӕмӕ студент карантины тыххӕй 

Федтон мӕ Ир, бакастӕн чиныг: спортсмен ӕмӕ студент карантины тыххӕй 

157
(ранӕуӕггонд 14:16 27.05.2020)
Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны

ЦХИНВАЛ, 27 май - Sputnik, Плиты Фатимӕ. Санкт-Петербурджы уӕвӕг Михайловскы ӕфсӕддон артиллерион академийы студент, армспортӕй дуне ӕмӕ ӕппӕтуӕрӕсеон турнирты уӕлахиздзау Плиты Батрадз йӕ райгуырӕн бӕстӕмӕ ӕрцыд ӕмӕ дыууӕ къуыри арвыста карантины. Спортсмен радзырдта Sputnik, куыд арвыста ацы ӕмгъуыд, уый тыххӕй.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Коронавирусы апарахаты фӕстӕ Уӕрӕсейы ӕфсӕддон ахуыргӕнӕндӕттӕ уыдысты карантины марты кӕронӕй. Уый фӕстӕ студентты ӕрвитын райдыдтой сӕ райгуырӕн бӕстӕтӕм. Плиты Батрадз дӕр ӕрыздӕхт Ирыстонмӕ майы райдайӕны.

"Ацы академийы Цхинвалӕй ахуыр кӕнӕм 15 адӕймагӕй. Мах ӕрцыдыстӕм 5 майы ӕмӕ рынчындоны ӕрбынат кодтам. Алы палатайы дӕр уыдыстӕм фондзӕй. Интернет нын уыд, бынтон хорз гъӕдимӕ нӕ уыд, фӕлӕ нӕхи куыддӕрты ирхӕфстам", - дзуры уый.

Батрадз банысан кодта, ӕвӕндӕй изоляцийӕн кӕй ис ӕвӕрццаг ӕууӕлтӕ дӕр. 

"Дыууӕ къуыри лӕг цы хъуамӕ арӕзтаид, ӕмӕ райстон ӕмӕ бакастӕн англисаг фыссӕг Мария Кореллийы чиныг "Скорбь Сатаны". Ӕнӕ изоляци мӕ уымӕ не рывдӕлдаит", - худы лӕппу.

Ахуырмӕ ацӕуыны размӕ Батрадз архайдта армспорты, у Уӕрӕсейы ӕмӕ дунейы фыццагадты ӕвзист призер. 85 кг архайгӕйӕ уыд Хуссар Ирыстоны армрестлингы секцийы хуыздӕр спортсментӕй иу.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн Санкт-Петербурджы академийы дӕр бар радтой, цӕмӕй спорты дӕр йӕ архайд ма ныууадза. Ацӕугӕ аз ссис ацы горӕты чемпион армрестлингӕй, фӕлӕ йӕ дарддӕр ерыстӕм нал ауагътой.

"Плиты Батрадз у мӕ хъомылгӕнинӕгты фидардӕртӕй сӕ иу, уымӕй раппӕлинагдӕр та у куыд адӕймаг афтӕ - иу азмӕ хорз ном скодта йӕ ахуыргӕнӕндоны дӕр. Йӕ ахуыр, физикон цӕттӕдзинад ӕмӕ зондахаст сты уым дӕр фӕзминаг. Кӕд нӕ секцийӕ фӕиппӕрд, уӕддӕр спортыл дӕр йӕ зӕрдӕ не 'сивта", - радзырдта лӕппуйы тренер Джиоты Валерий.

Батрадзы ныхӕстӕ гӕсгӕ, уый бирӕ рӕстӕг баззад ӕцӕгӕлон бӕстӕйы ӕмӕ тынг ӕрымысыд Ирыстон. 

"Ацы вирус куыннӕ уыдаид, уӕд августмӕ уым уыдаин. Иуӕй мын ӕхсызгон у, раздӕр кӕй ӕрцыдтӕн Ирыстонмӕ, мӕ риуы бӕрц сулӕфыдтӕн. Мӕ бӕстӕ федтон ӕмӕ мӕхимӕ 'рцыдтӕн", - загъта Батрадз.

Спортсмен и студент Батрадз Плиев рассказал  о карантине в больнице
Фото из личного архива Батрадза Плиева
Плиты Батрадз

Лӕппуйӕн йӕ карантины ӕмгъуыд фӕцис ӕмӕ ныр сӕрибарӕй тезгъо кӕны республикӕйы рӕсугъд къуымты.

157

Цæгат Иры райдыдтой дæттын фиддонтæ медиктæн

0
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

0