ЦХИНВАЛ, 18 окт — Sputnik. Хуссарирыстойнаг спортсмен Болататы Вадим схызт ӕмхӕццӕ ӕтохӕдтӕй Ӕппӕтуӕрӕсейаг ӕвзарӕн турниры кады пьедесталы бӕрзонддӕр къӕпхӕнмӕ.
Республикӕйы фӕсивӕдон политикӕ, спорт ӕмӕ туризмы комитеты пресс-службӕ куыд хъусын кӕны, афтӕмӕй ерыстӕ цыдысты анапайы (Краснодары край).
"Цъинагары астӕуккаг скъолайы ахуырдзау Болататы Вадим тох кодта 65 кг онг уӕзы категорийы. Йӕ цыппар тохӕй алкӕцыйӕ дӕр уый рахызт уӕлахиздзауӕй", - дзырдӕуы хъусинаджы.
Уагдоны ма банысан кодтой, ерыстӕ кӕй уыдысты ӕвзарӕн тур ӕрыгӕтты хсӕн дунейы фыццагадмӕ, кӕцы ацӕудзӕн ноябры Италийы.
