Хуссар Иры райдыдта Президенты кубок футболæй

© Sputnik / Плиты ФатимæХуссар Иры райдыдта Президенты кубок футболæй
Хуссар Иры райдыдта Президенты кубок футболæй - Sputnik Хуссар Ирыстон
Рафыссын
Ацы аз фæивтой ерыстæ уадзыны фæтк – Президенты кубокы ерысты ацы хатт хайад нæ исынц тыхон структурæтæ

ЦХИНВАЛ, 26 ноя - Sputnik, Плиты Фатимæ. Хуссар Иры райдыдтой хъæзтытæ Президенты кубок рамбулыны оххыл, ерысты архайынц 16 командæйы, фехъусын кодта Sputnik фæсивæдон политикæ, спорт æмæ туризмы комитеты кусæг Тыбылты Чермен.

Ивгъуыд аз турниры уæлахиздзау ссис Хъайтарты уынджы командæ, уæд уый финалы ныддæрæн кодта 2017 азы уæлахиздзау - Ӕдасдзинады комитеты командæйы.

"Къуырисæры ацыдысты хъæзтытæ къордтæ "А" æмæ "С"-йы. Ӕдæппæт архайынц 16 командæйы Къуайса, Знауыр, Дзау, Дменис æмæ столицæйы районтæй. Къордон этап балхынцъ уыдзæн æртыккæгæм декабры, уæд фæбæрæг уыдзысты 8 тыхджындæр командæйы. Уыдон райдайдзысты тох призон æмæ уæлахиздзауты бынæттыл", - загъта Тыбылты Чермен.
FanClub Sputnik - Sputnik Хуссар Ирыстон
Футбол куыд зӕрдӕйы уаг: Sputnik бакодта Цхинвалы фан-клуб

Ацы аз фæивтой ерыстæ уадзыны фæтк – Президенты кубокы ерысты ацы хатт хайад нæ исынц тыхон структурæтæ.

Уагæвæрдмæ гæгæ, уæлахиздзау райсдзæн 50 мин сомы æмæ президенты цæугæ кубок, æвзист призер - 30 мин сомы, æртыккаг призер та 20 мин сомы.

Хъæзтытæ цæуынц республикон стадионы.

Ног хабӕртты лентӕ
0