Хуссар Иры президенты кубок

Фæбæрæг сты футболæй Хуссар Иры президенты Кубокы æрдæгфиналисттæ

24
(ранӕуӕггонд 11:36 04.12.2019)
Цхинвалы балхынцъ сты бæстæйы сæргълæууæджы Кубокы сæраппонд ерысты финалы цыппæрæм хайы хъæзтытæ иууылдæр

ЦХИНВАЛ, 4 дек - Sputnik. Футболон командæтæ "Нæузæххонты", "Цхинвалы ветерантæ", "Хъайтарты" æмæ "Дыргуис" ахызтысты президенты Кубокы сæраппонд футболæй ерысты æрдæгфиналмæ, фехъусын кодта фæсивæдон политикæ, спорт æмæ туризмы комитеты пресс-службæ.

Уагдоны куыд банысан кодтой, афтæмæй балхынцъ сты ерысты финалы цыппæрæм хайы хъæзтытæ иууылдæр.

"Цхинвалы ветерантæ" ныппырх кодтой командæ "Знауыр"-ы 6:0 хыгъдæй. Иннæ хъазты та "Нæузæххонтæ" рамбылдтой  "Шанхайы" 4:0-æй", - дзырдæуы пресс-службæйы хъусинаджы.

Цхинвалы æрдæгфиналон хъæзтытæ ацæудзысты цыппæрæмы, 5 декабры. Командæтæ "Дыргуис" æмæ "Хъайтартæ" фембæлдзысты  11:00 сахатыл, 12:00 та ацæудзæн матч "Цхинвалы ветерантæ" æмæ "Нæузæххонты" командæты хсæн.

24
Хуссар Иры Дзауы район хоны Бежанты Зелимханы номарӕн турнирмӕ футболӕй

Хуссар Иры Дзауы район хоны Бежанты Зелимханы номарӕн турнирмӕ футболӕй

17
(ранӕуӕггонд 10:16 16.09.2020)
Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ

ЦХИНВАЛ, 16 сен — Sputnik, Плиты Фатимӕ. Хуссар Ирыстоны Дзауы район хоны сывӕллӕтты командӕты футболы турнирмӕ. Ерыстӕ нывонд сты Советон цӕдисы уӕззау атлетикӕйӕ спорты мастер, Хуссар Ирыстоны физикон культурӕйы сгуыхт кусӕг, футболы тренер Бежанты Зелимханы номарынӕн. Уый тыххӕй фехъусын кодта Sputnik районы спорты хайады хистӕр Джиоты Алик.

Ерыстӕ цӕуынц дыккаг хатт, ивгъуыд аз спортивон мадзалы триумфатор ссис республикон футболон скъолайы командӕ.

"Кӕд нӕ коронавирус нӕ бахъыгдара, уӕд йӕ уадзӕм 29 сентябрӕй ӕртыккӕгӕм октябрьмӕ. Хонӕм ӕппӕт республикӕйӕ скъолайы кары командӕты",- загъта Джиоты Алик.

Йӕ ныхӕстӕм гӕсгӕ, командӕтӕй куырдиаттӕ ист цӕудзысты 25 сентябрьмӕ.

Ивгъуыд аз ерысты архайдтой 13 командӕйы.

Бежанты Зелимхан йӕ цардӕй ахицӕн ис аварийы фӕстиуӕгӕн Транскамыл ивгъуыд аз. Уыд уӕззау атлетикӕйӕ Советон цӕдисы спорты мастер, йӕ спортивон карьерӕйы фӕуды фӕстӕ каст фӕцис Тбилисы тренерон скъола, уый фӕстӕ куыста Дзауы районы футболы тренерӕй.

17
Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы

5
(ранӕуӕггонд 13:54 11.09.2020)
Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл

ЦХИНВАЛ, 11 сен — Sputnik. Уӕрӕсейы чемпионат уӕгъдибар хъӕбысхӕстӕй ацӕудзӕн октябры Дзӕуджыхъӕуы, хъусын кӕны РИА Новости.

Турнир уыдзӕн уӕрӕсейаг командӕмӕ бахизыны ӕвзӕрстыты этаптӕй сӕ иу Сербийы декабры дунейы чемпинаты хайад райсыны фӕдыл.

"Уӕрӕсейы чемпионат уӕгъдибар хъӕбысхӕстӕй нӕлгоймӕгты хсӕн ацӕудзӕн октябры Дзӕуджыхъӕуы. Мах нывӕндӕм ауадзын Уӕрӕсейы Кубок греко-римаг хъӕбысхӕстӕй Уфайы 8-11 декабры. Уӕрӕсейы чемпионат та уӕгъдибар хъӕбысхӕстӕй ацӕудзӕн йӕ фӕстӕ", - хъусын кӕны агентад Уӕрӕсейы Спортивон хъӕбысхӕсты федерацийы президент Михаил Мамиашвилийы ныхӕстӕ.

Уый бафтыдта, Дзӕуджыхъӕуы ерыстӕ ауадзыны дырыс ӕмгъуыд снысан кӕндзысты фӕстӕдӕр.

5

Хуссар Иры райдыдта йӕ куыст арт-тыгъдад "Портал" видео

0
(ранӕуӕггонд 12:22 23.09.2020)
Арт-тыгъдад "Портал"-ы райдыдтой уадзын сфӕлдыстадон изӕртӕ. Арт-проектӕн паддзахад цы ӕртӕуӕладзыгон хӕдзар рахицӕн кодта, уый у рагон Цхинвалы иууыл колоритон бӕстыхӕйттӕй сӕ иу

Фӕсивӕд бавнӕлдтой бӕстыхайы цалцӕгмӕ дыууӕ азы размӕ ӕмӕ ныридӕгӕн сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, афтӕ ма сарӕзтой балкон ӕмӕ дыккаг уӕладзыг.

Абоны бон, цалцӕггӕнӕн куыстытӕм ӕнӕкӕсгӕйӕ, "Портал"-ы уагъд цӕуынц сфӕлдыстадон изӕртӕ, цы ран ӕрӕмбырдуӕвджытӕ хъусынц ӕвзонг ӕххӕстгӕнджыты музыкӕ ӕмӕ зарджытӕм.

0