ЦХИНВАЛ, 17 дек — Sputnik. Дзукъаты Давид Ирыстонӕй ссис Уӕрӕсейы фыццагады ӕвзист призер 19-22 азы кары фӕсивӕды хсӕн. Дзукъаты Давид схызт кады пьедесталы дыккаг къӕпхӕнмӕ 75 килограмм уӕзы категорийы, хъусын кӕны Цӕгат Ирыстоны спорты министрады пресс-службӕ.
Ирон боксер ауагъта фондз тохы, уыдонӕй дыууӕ уый рамбылдта нокаутӕй. Финалы тӕрхонгӕнджыты скъуыддзагмӕ гӕсгӕ ирон боксер фембылд Никита Вороновӕн.
Ерыстӕ, кӕцытӕ ацыдысты Нальчикы, ӕрӕмбырд кодтой 204 боксеры. Тыхджындӕр спортсменты рабӕрӕг кодтой дӕс уӕзы категорийы.
Уӕрӕсейы боксы федераци сфидар кодта призон фонд бӕстӕйы фыццагады призертӕн. Уӕлахихздзаутӕ райстой хӕдтулгӕ Kia Rio ӕмӕ ӕхцайы сертификат 300 мин сомы бӕрц, ӕвзист призертӕ райстой фӕйнӕ 200 мин сомы, бронзӕйон призертӕ та фӕйнӕ 100 мин сомы. Афтӕ ма схорзӕхджын кодтой спортсменты хисӕрмагонд тренерты.
