Гасситы Мурæт

"Бокс мæ цард": Гасситы Мурæт æрдзырдта йæ нывæзт, Мæскуы æмæ Ирыстоныл

16
(ранӕуӕггонд 13:21 16.01.2020)
Зындгонд спортсмен куыд радзырдта, афтæмæй йæ нывæзты ис баиу кæнын æртæ роны æмæ иууыл стырдæр уæзы абсолютон чемпион суæвын

ЦХИНВАЛ, 16 янв — Sputnik. Ирон боксер Гасситы Мурæт сдзуапп кодта журналитты фарстытæн алæвæрд "Не о боях"-ы фæлгæтты, кæцы æнгомдæр зонгæ кæны спортуарзджыты сæ уарзон спортсментимæ.

Боксер æрдзырдта йæ сабибонтыл, спортивон нывæзтыл, футболы, Мæскуыйыл, стæй ма цы хъæуы Ирыстоны саразын, уыдæттыл.

Сабибонтæ æмæ боксы тыххæй

Гасситы Мурæт радзырдта, йæ зæрдæмæ кæй цæуы адæмы нæмын æмæ йын йæхи дæр куы нæмынц.

"Бокс — мæ цард у. Фæнды мæ баулæфын æмæ стæй суæвын стыр уæзы чемпион, уый фæстæ та биу кæнын æртæ роны æмæ иууыл стырдæр уæзы чемпион суæвын", - банысан кодта спортсмен.

Кæмæй тæрсы

Йæ ныхæстæм гæсгæ, тас æнкъары æрмæстдæр йæ тренер Абель Санчесы раз.

"Америкæйы ис иу демон — йæ мыггаг Санчес. Уымæй тæрсын. Мах нæхæдæг цæуæм дуканимæ, цæттæ кæнæм аходæн. Уый у мексиканец, фæлæ нæ уарзы судзаг", - загъта спортсмен.

Мæскуыйы тыххæй

Мурæты ныхæстæм гæсгæ, столицæйы тыхызмæлд йæ зæрдæмæ нæ цæуы, уый уарзы сабырдæр горæттæ.

"Цылдæр хъуыддаг дын куы уа горæты, уæд байрæджы кæндзынæ. Тыхызмæлд дзы бирæ ис. Мæ зæрдæмæ цæуынц сабырдæр горæттæ, куыд Дзæуджыхъæу", - загъта Мурæт.

Цы хъæуы Ирыстоны аразын

Фыццаг рады, экс-чемпионы ныхæстæм гæсгæ, хъæуы бахæрын уæлибыхтæ, бынæттон цыхтытæ æмæ бæгæны, стæй та ацæуын хæхтæм.

16
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7