Бронзæйон хорзæхтæ: цхинвайлаг теннисисттæ ссисты ЦКФЗ призертæ

Бронзæйон хорзæхтæ: цхинвайлаг теннисисттæ ссисты ЦКФЗ призертæ

35
(ранӕуӕггонд 11:37 21.01.2020)
Фæйнæ æвзист майданимæ æрыздæхтысты Елбачиты Ирина æмæ Бекъойты Эдвард, Кокойты Аманда та расгуыхт командон æмæ къайон ерысты

ЦХИНВАЛ, 20 янв – Sputnik, Плиты Фатимæ. Цыппар призон бынаты бацахстой Хуссар Иры спортсментæ Цæгат Кавказы федералон зылды чемпионаты уæлыстъол теннисæй. Уый тыххæй Sputnik фехъусын кодта уæлдæр спортивон дæсниады скъолайы сæйраг тренер теннисæй Джиоты Мириан.

Фæйнæ æвзист майдантимæ æрыздæхтысты Елбачиты Ирина æмæ Бекъойты Эдвард, Кокойты Аманда та расгуыхт командон æмæ къайон ерысты.

"Цæгат Иры сылгоймæгты командæ æртыккаг бынатыл тохы рамбылдта дагестайнаг командæйы 3:1 хыгъдæй, уый хыгъд Кокойты Аманда æмæ Елбачиты Ирина ссисты æвзист призертæ. Къайон ерысты дæр Кокойты Аманда Кæсæг-Балхъары республикæйы минæвар Теонова Элинаимæ ссисты æвзист призертæ", - радзырдта Джиоты Мириан.

Ноджы ма иу æвзист Хуссар Ирмæ æрхаста Бекъойты Эдвард, уый расгуыхт къайон ерысты.

"Бекъойты Эдвард æмæ Селомов Константин æртыккаг бынатыл тохы рамбылдтой Кæсæг-Балхъары республикæйæ къайы", - бафтыдта тренер.

Хуссар Иры минæвæрттæ Кокойты Аманда, Елбачиты Ирина æмæ Бекъойты Эдвард архайдтой Цæгат Иры номæй.

Джиоты Мириан ма радзырдта, Хуссар Иры кæстæр къорды теннисисттæ 29 январы та хайад райсдзысты Цæгат Кавказы федералон зылды фыццагады.

Ерыстæ цыдысты 15-20 январы горæт Нальчикы. Спортсменты бацæттæ кодтой тренертæ Джиоты Мириан æмæ Уалыты Ирина.

  • Цхинвайлаг теннисисттæ ссисты ЦКФЗ призертæ
    Цхинвайлаг теннисисттæ ссисты ЦКФЗ призертæ
    Из архива тренера М. Джиоева
  • Цхинвайлаг теннисисттæ ссисты ЦКФЗ призертæ
    Цхинвайлаг теннисисттæ ссисты ЦКФЗ призертæ
    Из архива тренера М. Джиоева
  • Цхинвайлаг теннисисттæ ссисты ЦКФЗ призертæ
    Цхинвайлаг теннисисттæ ссисты ЦКФЗ призертæ
    Из архива тренера М. Джиоева
1 / 3
Из архива тренера М. Джиоева
Цхинвайлаг теннисисттæ ссисты ЦКФЗ призертæ
35
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7